سؤال عن تعديلات فى ابيزا 94

[Dr_Mido]

اكصدام امامى كامل + اكصدام خلفى + شبكة امامية.

مش عرف نفس الفوانيس الامامية ولا لأ.



عندك 1400 و 1600 و 1800 و 2000.



يجيبة كامل مع الموتور و كمان يجيب البور كامل.



1600



مع الموتور يجيب عفشة كاملة قدام و يفضل دنجل سكاكين ورا كمان.



جنوط ممكن تشوف المستعمل حاجة كويسة و سعرها حنين. بس متجيبش اقل من 15 عشان الفرامل الجديدة هتبقى اكبر.

احسن ناس فى الفيبر فى الحرفيين هما بسام و بعدين حواجب, و السعر على حسب اللى هتعملة.

الإكصدام الأمامي عشان يتعدل هو والشبكه لشكل الــ ٩٨ محتاج طقم فوانيس كامل وأعتقد هيعمل ٤٠٠ جنيه بالإشارات .. عشان شبكه ال فوانيس ال٩٤ مش هتركب علي شبكة ال ٩٨

بالنسبه للشبكة هتلاقيها عند أي محل في التوفيقية شغال في السيات
بس بالنسبة للإكصدام يفضل يكون إستيراد ... وإسإل مجرب .. فعلا فرق السما والأرض أنا عملت حادثه والإكصدام إتفعص لجوه .. ورديته تاني عند واحد بتاع فيبر .. بالنسبه للإكصدام الجديد مجرد ترييحة بيتكسر لأنه خامه رديئة جداً

وعلي فكرة أنا منت جايب الإكصدام الإستيراد بـ ٣٠٠ جنيه والشبكه بالعلامة بــ ١٩٠ جنيه من عند واحد إسمه الفيومي في مكان إسمه عزبة شلبي .. بس كان راجل غتت وخنيق ومحسسني إنه بيبيع دهب فمنصحش حد يروحلة

.. وأي إستفسار أنا في الخدمة

السلام عليكم .
بص يا باشا انا عملت نفس الى انت عايز تعمله بالضبط , او الى صحبك عايز يعمله , انا معايا 94 وغيرت كل حاجة من بره الى 98 وحتى الموتور سقط 1600 وهو فعلا ماشاء الله ممتاز وخصوصا مع الشكمان الديفل , وطبعا حتحتاج تغير المساعدين ونصيحة مني عن تجربة يفضل تجبهم استيراد الماني وتجيب الجوز مع بعض لأنك لو ركبت واحدة يمين مثلا بس كده هتحمل التعبانة عليها وممكن تبوظ بسرعة , عموما انا إن شاء الله هحاول أحمل الصور بتاعت العربية بتعتي قريب عشان تشوف التغيير الى فيها , وربنا يوفئك .

اه متنساش لما تطلب الاكصدام الامامي والخلفي تطلبو عريض لأن احيانا الصنايعية او بتوع الاستيراد بيتلغبطو في الموديل , يعني تأكد عليه انه العريض امامي وخلفي وتتأكد انه راكب فيه الضفاير بتاعته تمام , وهو بييجي فاضي لو جديد يعني من غير اي شبك او طباط فوانيس , وانصحك تبقى تشتري فوانيس شبورة انا جبتهم بحوالي 240 بخلوا شكل العربية 100 100

والله انتو رجاله ميه ميه
و معلومات كلها فى الجون شكرا لكل اللى رد واسف على التاخير فى الرد النت عندى كان بيهيس للاسف
طيب سؤال كمان معلش هو الموتور ال 1600 مش هيبقى جامد على العربيه او هيقلل ثباتها نظرا لانها بتنزل بموتور ااقل بكتير وهيبقى سعرة ايه ونسئل على موتور ابيزا 1600 ولا ايه
:k32:شكرا تانى يارجاله

[fadynabil]

أعتقد إنك تسأل علي موتور الجولف ٣ .. وأعتقد إن ال ١٤٠٠ هيعمل معاك شغل جامد أوي

... بالمناسبة أنا من إسبوع سقت إبيزا ٩٤ بتاعة واحد صاحبي بس عربية سبيشيال أوردر فيها مكنة ١٤٠٠ إنچيكشن .. بيقولي إنها ٩٠ حصان،،، مش عارف صح ولأ


المهم أنا مشيت بالعربيه كانت سحبها تحفه بجد وفرق شاسع بينها وبين عربيتي

كنت بجيب ال ١٠٠ ع الخامس والأر بي إم علي ٢.٥ ... بصراحة تحفة

أنا عندي الأر بي إم بيبقي علي ٣.٥ .. بس أنا ١٣٠٠ كاربراتير

[iBiZa]

[QUOTE=Dr_Mido;551339]
طيب سؤال كمان معلش هو الموتور ال 1600 مش هيبقى جامد على العربيه او هيقلل ثباتها نظرا لانها بتنزل بموتور ااقل بكتير وهيبقى سعرة ايه
[QUOTE=Dr_Mido;551339]

لأ خالص, العربية تقيلة كفاية انها تبقى ثابتة لحد ال200 كيلو/ساعة و الشاسية معمول عشان يستحمل مواتير كبيرة فا دة مش هيبقى حمل علية اصلا.

انا اللى اسمعة ان الموتور1800cc بالعفشة كاملة و التكييف و الباور و الضفيرة عامل فى حدود من 5000 الى 6000

ونسئل على موتور ابيزا 1600 ولا ايه

تسال على موتور جولف.

... بالمناسبة أنا من إسبوع سقت إبيزا ٩٤ بتاعة واحد صاحبي بس عربية سبيشيال أوردر فيها مكنة ١٤٠٠ إنچيكشن .. بيقولي إنها ٩٠ حصان،،، مش عارف صح ولأ

لأ دة غالبا 75 حصان لان ال100 حصان نادر اصلا برة.

[fadynabil]

لأ دة غالبا 75 حصان لان ال100 حصان نادر اصلا برة.

علي فكره العربيه دي الوحيده اللي شفتها كده في مصر فالكلام ده ممكن يكون صحيح لأن صاحب العربية الأصلي أبوه كان بيشتغل في توكيل سيات وكان جايبله العربية دي وصااااية بقي ... والله أعلم

[iBiZa]

الموتور يتعرف من الcode بتاعة و ال1400 هم:
AEX-AKK-AKV-AKP-ANW-ANX-AUD 60hp
AHW-APE-AUA 75hp
AFH-AFK-AQQ-AUB 101hp

[Dr_Mido]

كلام جميل جدا
بس مواتير جولف 3 تتثبت على الرخصه للعربيه الابيزا عادى ولا هتفرق هو نوى على موتور 1600 علشان البنزين ميعلاش فى استخدامه قوى
لو مواتير الجولف صح
يسئل على موتور جولف 3 1600 وهيبقى تمنه كام تقريبا

[Chucky]

بص يا باشا انا ان شاء الله الشهر الجاى هسقط فى العربية بتاعتى ( ابيزا موديل 94 ) موتور البولو GTI 16v موديل 2000 و ده كامل بالتكييف و الباور بـ 7000 و على فكرة الموتور ده احسن من بتاع الجولف 3...

عموما لو احتجت الموتور قولى و هديلك رقم بشمهندس محمد اللى عند ابو يوسف فى الحرفيين و هو هيظبطك فى سعر الموتور ان شاء الله

[Dr_Mido]

وانا فى انتظارك ياباشا

بس الموتور دة كام Cc واخبارة فى البنزين ايه

[Chucky]

الموتور ده يا باشا 1600 سي سي بقوة 123 حصان

بالنسبة لاستهلاك البنزين فمش هقدر افيدك فيه لانى لسة مسقطوش و معرفش حد مسقطه