نفسي أخليها بَوَر افيدونيييييييييييييييييي.

[kojy]

سؤال يا شباب ارجو الرد عليه بسرعة .
انا معايا ابيزا 94 وكنت بشتكي من ثقل الدركسيون يعني عمري مقدر اركن بأيد واحدة , وبحس اني بعافر معاها أوي , وبعض الزملاء في الموقع افادهم الله نصحوني اني اغير علبة الدركسيون وانا فعلا جبن طقم اصلاح كامل ولكن لسة الموضوع ذي ما هو ,
انا دلوقتي بفكر اقلبو بور ! بس ياترى ينفع اصلا ولا لأ؟
ولو ينفع ايه الاجرائات وبكام وعند مين وايه مشاكلو لو فيه ............, ارجو منكم الافادة . وشكرا جزيلا .

[iBiZa]

انا معايا ابيزا 94 وكنت بشتكي من ثقل الدركسيون يعني عمري مقدر اركن بأيد واحدة , وبحس اني بعافر معاها أوي , وبعض الزملاء في الموقع افادهم الله نصحوني اني اغير علبة الدركسيون وانا فعلا جبن طقم اصلاح كامل ولكن لسة الموضوع ذي ما هو

ما هو طقم اصلاح عمرة ما بيخفف الدركسيون بل بالعكس لو الدركسيون عندك سليم و جبت طقم الاصلاح تلاقية تقل.

جيب واحدة استيراد بس تكون كويسة بس ما تستناش انك بردة مش هتركن بايد واحدة لانها مش باور بس هتلاقى الدركسيون خف معاك.

انا دلوقتي بفكر اقلبو بور ! بس ياترى ينفع اصلا ولا لأ؟

ينفع.

ولو ينفع ايه الاجرائات

هتجيب طرمبة الباور + الخراطيم + علبة دركسيون باور + الخزنة. و غالبا انت معندكش القاعدة اللى الطرمبة هتركب فيها فا لازم تشتريها معاهم.

وبكام

اعتقد فى حدود ال1500

وعند مين

بتوع الاستيراد فى الحرفيين.

وايه مشاكلو لو فيه

خراطيم مخرومة - علبة دركسيون بتنقط - خزنة مش اصلية فا مش هتعرف تركبها فين.

[kojy]

الف شكر يابرنس دايما سبّاق
بس افهم من كده انك ماتنصحنيش بيه ولا ايه؟ انا بردو محتاج نصيحتك.

[iBiZa]

ممكن تعملها, بس لو زودت الفلوس شوية, تاخد مكنة 1400 او 1600 بالبور بتاعها و كباس التكييف.

و هتبقى احسن للعربية.

لو مش معاك او مش طالباك, يبقى خليك فى الباور بس.

[kojy]

على فكر يا برنس انا اصلا شاري العربية من واحد كان مسقطلها موتور جولف 1600 كربراتير وهو معايا ممتاز جدا ماشاء الله لكن انا معرفش هو اصلا كان بَوَر وهو خلاها عادي ولا لأ ياريت لو تفهم فيه تقولي ؟
وبعدين انت برده ماردتش عليا ايه رأيك في الموضوع اصلا تنصحني بيه ولا اكبر ؟

[iBiZa]

على فكر يا برنس انا اصلا شاري العربية من واحد كان مسقطلها موتور جولف 1600 كربراتير وهو معايا ممتاز جدا ماشاء الله لكن انا معرفش هو اصلا كان بَوَر وهو خلاها عادي ولا لأ ياريت لو تفهم فيه تقولي ؟

لو العربية اللى معاك 1600 يبقى دوس علاطول. و احتمل تلاقى القاعدة راكبة لو التكييف عندك شغال لانهم غالبا بيبقوا راكبيين على قاعدة واحدة.

وبعدين انت برده ماردتش عليا ايه رأيك في الموضوع اصلا تنصحني بيه ولا اكبر

انصحك طبعا لان الفرق بين العادة و الباور كبير, فا لو تقدر غير طبعا.

[fadynabil]

مشكلة فعلا العربيه دي تقل الدركسيون وبالذات لو مچنط بتبقي فظيعة

[MomoMedo]

سؤال جانبي
هي السيات ينفع يتسقطلها موتور جولف؟؟
هو مش المفروض ميتسقطش للعربية موتور الا من نفس نوعها؟

[iBiZa]

هو مش المفروض ميتسقطش للعربية موتور الا من نفس نوعها؟

هو ينفع علاشان هما نفس الشركة الام و كذا حد عملها قبل كدة.

[MomoMedo]

يعني مثلا ممكن اسقط موتور هيونداي للكيا؟؟؟ او العكس؟

[iBiZa]

انا معرفش اية الظروف عندك, بس احنا عندنا الموتور الواحد بينزل للاربع شركات و الفرق الوحيد هو الLogo اللى بيبقى علية.

[MomoMedo]

تمام شكرا يا باشا

[mexmarine]

ممكن يا باشا تحط بور
لانى اتعرض عليا قبل كده تكييف مع بور بحوالى 3 الف جنيه