وهم الابيزا

[youssefmustang]

بسم الله الرحمن الرحيم
دى اول مشاركة ليا فى منتدى السيات من زمان وان كنت ببص بصة قذرة عن السيات بسبب السيات 133 وصوتها المزعج وكمان شكلها من ساعت ما عرفت ودخلت دنيا العربيات وانا كنت فاكر السيات يابانى و كمان ما اخدش بالى ان منتدى السيات موجود فى منتديات السيارات الاوروبية وانهاردة كنت ماشى فى جامعة الدول انا وصحابى المهم واحد قالى تعالى نسأل على السيات ابيزا قولتله هتشترى عربية سيات ايه القرف ده وكمان يابانى المهم قالى يـــــابانى دا انت حمار المهم قعد يقنع فيا لحد ما دخلنى التوكيل اللى موجود فى شارع جامعة الدول اللى جنبيه توكيل بورش وهارلى (على فكرة توكيل سيات وبورش وهارلى صاحبهم واحد ) المهم دخلنا وسألنا اول ما شفتها قولت معقول سيات تطلع عربية نضيفة كدا مش ممكن المهم قعد يتكلم مع الراجل وانا عمال بلف حواليها وشكلها شدنى عاملة زى الجولف المهم الراجل قالنا اتفرجو براحتكم دخلنا العربية عالمة زى الجولف تماما بصراحة انا اتصدمت منها تكنولوجيا فيها عالية جدا الدركسيون مالتى فنكشش كاسيت سى دى 2 ايرباج تقريبا سنسورز العربية طلعت وهم وهم وهم اشد من الكورولا بصراحة المهم الراجل بسألو هى مش السيات يابانى قالى لا طبعا المانى قولتلو نعم المانى ازاى قالى تعالى وراح فتح الكبوت قالى اتفرج يا فندم وشوف ببص لاقيت علامة فولكس فاجن على كل حته فيها على الموتور والبطارية وعلى الريداتير وعلى الكشافات وقالى ان الفتيس بتاعها بتاع الجولف 5 التربتنيك قالى العربية دى مش متجمعا فى مصر قالى دى جايا من المانية زى ماهى كدا ما دخلش فيها مسمار مصرى وبصراحة تمنها فوق الممتاز وده كان اول مرة احس انى غلط فى السيات واتمنى من كل اصحاب السيات ما يزعلوش منى ودلوقتى عرفت ان السيات 133 شغالى ليه لحد دلوقتى عشان المانى احسن عربيات فى العالم .... طولت عليكم:k4:
اخوكم يوسف

[wagdy]

but i think seat 133 is Spanish

http://en.wikipedia.org/wiki/SEAT_133

[SAMER_ENGINES]

but i think seat 133 is Spanish
http://en.wikipedia.org/wiki/SEAT_133

بالظبط و كلام سليم و مظبوط.....
صديقي صاحب الموضوع السيات 133 سيارة اسبانية خالصة (و هي سيارة جيدة داخل المدينة جدا للعلم) لكن مع تداخل بعض الشركات و انهيار البعض و الأزمات العالمية و الاسهم و الشراكة بين الشركات و غيره أصبح هناك نوع من التداخل و أصبحت شركات كثيرة تباع لشركات اخري في دول أخري و بهذا تكتسب السيارة جنسية أخري و هناك مثال لهذا التداخل و قد حدث قريبا جدا حدث مع شركة دايو تلك الشركة الكورية الكبيرة لقد بيعت تلك الشركة لشيفروليه تلك الشركة الأمريكية الكبيرة أيضاً و لكن السيارة مكونة من مكونات كورية الصنع و لكن جنسيتها الأن تعتبر أمريكية كورية نظرا لوجود علامة شيفروليه العريقة عليها و شركة شيفروليه مسئولة عنها و هكذا فالسوق الان إنفتح و أصبح الموضوع متداخلاً بعض الشئ, و لا عجب فهذا هو السوق العالمي و هذا شئ جيد لدمج خبرات كل تلك الشركات مع بعض و النهاية انتاج سيارات جيدة بخبرات متعددة.

[Sharky]

السيات شركة أسبانية و ليست المانية
الإيبيزا هى تقريبا مشتركة مع البولو فى العديد من الاجزاء و الإتنين بيجوا من أسبانيا مش المانيا

[Mohamed_Ibiza]

ياجماعة كل الاجزاء الاساسية والميكاينيك في تلك السيارة فهي الماني

اما الكماليات والاكسسورارات فهي من صنع اسباني

[fadynabil]

الإبيزا دي عربيه بجد محترمه .. بس للأسف حظها وحش في مصر بسبب التوكيل

[PASST2000]

من احسن و اقوي العربيات في فئة الهاتشباك هي الابيزا

[2hmed_7osam]

وده كان اول مرة احس انى غلط فى السيات واتمنى من كل اصحاب السيات ما يزعلوش منى ودلوقتى عرفت ان السيات 133 شغالى ليه لحد دلوقتى عشان المانى احسن عربيات فى العالم .... طولت عليكم:k4:
اخوكم يوسف

ف بيتها يعم محصلش حاجه ومحدش زعلان منك فحاجة

كفاية الكلمتين الحلوين دول منك

[TheInfernal]

ِAUDI و SEAT و Skoda و Lamborghini و Bentley و Bugatti كلها شركات تابعة و مملوكة من قبل Volks Wagen.
و Ibiza بتستعمل نفس الشاسيه اللي بتستعمله VW Polo.