دخنة سوداء الصبح ... أو عند الدواره والعربيه بارده

[fadynabil]

يا شباب أنا من كام يوم بيحصل معايا الصبح أول ما أدور العربية دخنه سوداء من الشكمان بتفضل موجوده حوالي ٥ دقائق
وبعدين تروح

المهم رحت للميكانيكي عشان يظبطلي الكهرباء المهم العربيه مبقيتش بتعمل الدخنه ... بس السخان فصل والعربيه بتقعد تطفي كذا مره طبعاً عشان السخان مش شغال وهيه بارده

.. المهم رحت للميكانيكي تاني عشان يظبطلي السخان وبعدين السخان رجع إشتغل ورجع تاني الشكمان يعمل دخنه سوداء عند الدواره والعربية بارده ( رجعة ريمه لعادتها القديمة)

السؤال دلوقتي إيه إيه سبب الدخنة السوداء دي؟؟؟ وإيه حلها؟؟ ... ولو كبرت دماغي إيه الضرر اللي ممكن يحصل ؟؟؟

مع العلم إن عربيتي إبيزا ٩٤ ١٣٠٠ Cc كربراتير

[fadynabil]

إيه يا جماعة محدش بيحصل معاه الكلام ده ولا إيه ؟؟؟؟

فين الناس الجامده ... أين أنتم يا إبيزاوية

طب حد حتي يعبرني

[eng/muhamad]

شكلنا احنا الاتنين هنقعد نكلم بعض فى منتدى سيات كتيير

[fadynabil]

شكلنا احنا الاتنين هنقعد نكلم بعض فى منتدى سيات كتيير

صدقني بعد محمد إبيزا ما إختفي ومنتدي سيات ملهوش طعم هو اللي كان بيسخن المواضيع

[grumby78]

انا عندي نفس المشكلة . بس في الشتا بس!! بقيت بأدوس بنزين شوية كدة مع العلم ان السخان شغال فبتروح . كبر دماغك مافيهاش ضرر. ده بنزين مش محروق كويس في الاول .

[fadynabil]

انا عندي نفس المشكلة . بس في الشتا بس!! بقيت بأدوس بنزين شوية كدة مع العلم ان السخان شغال فبتروح . كبر دماغك مافيهاش ضرر. ده بنزين مش محروق كويس في الاول .

شكرا علي الرد يا باشا أنا مش مصدق إن حد عبرني مش عارف منتدي سيات حصل له إيه

المهم أنا في حد بيقوللي ممكن تكون من البوچيهات وخصوصا إن العربيه وهيه بارده بتعمل حاجات غريبه وأنا مستنيها تسخن بتقعد تتنطط كإنك راكب جمل

[khaledrashad]

حصلت معايا ونظفت الكالبراتير وبعدها راح الدخان الاسود انا عندي ابيزا 94 glx وشكرا

[fadynabil]

شباب ... أخيراً ظبتها نظفت بكات الكربراتير وظبت كهرباء والحمدلله

كلو تمام