لكل مالكي السيات في مصر .. مشاكل وإقتراحات في مقابلة بالتوكيل

[fadynabil]

في البداية أحب أشكر مهندس محمد لإهتمامه بالموضوع وتم الإتصال بالتوكيل وتحديد مقابلة معه في الفترة القادمة .. لبحث طلبات الناس اللي بتحب سيات

وأنا عن نفسي بعشق السيارة دي ونفسي يكون ليها شأن في مصر لأنها فعلا سيارة محترمة... ( فين أيام الــ Ibiza 94 )

دلوقتي ... عايزين كل الناس اللي راكبة سيات سواء إبيزا أو كوردوبا أو ليون أو غيرها يقولولنا طلباتهم ومقترحاتهم .. لعرضها علي التوكيل بتاع سيات عشان نوصل لإرضاء عملاء هذه الماركة العريقة

وياريت يا جماعة نلخص كل طلباتنا في نقاط محدده عشان نقدر نتكلم بطريقة مرتبه وواضحة معاهم

وتكون الطلبات ملخصة في نقط ١- ..... ٢- ..... إلخ

وفي الأخر يارب الموضوع يعجبكم ونوصل مع بعض لحل كويس ... عايزين نشوف الإبيزا بقي زي زمان وحشتنا في الشارع المصري .

[eng/muhamad]

ياريت يا جماعه اصحاب العربيه يتكلمو عن المشاكل اللى بتقابلهم
و اللى مش معاه العربيه و عاوز يقول حاجه يقولها و يقول نفسه فى ايه بالنسبه للعربيات دى و كله يقول رايه

[fadynabil]

إيه يا شباب كل الناس فرحانين ومبسوطين وكل سنة بيغيروا لموديل السيات الجديد ولا إية

فين المشاكل والإقتراحات

[eng/muhamad]

لا تعليق
الناس مش عاوزه تصلح حاجه

[ehab_mansour]

السلام عليكم اخواني الأعزاء المهتمين بهذا الموضوع وبشكرهم جدا علي حرصهم علي اعلاء شأن سيات في مصر .
أولا بالنسبة لي انا لسه شاري الإبيزا اللي معايا من ستة شهور بس ولم أتعامل مع التوكيل حتي الأن حتي أعرف ايه إيجابياتهم وسلبياتهم
ثانيا العربية الحمد لله معايا كويسه جدا ولكن لي تعليق علي ارتفاع أسعارقطع الغيار ومصنعيات الشغل في الألماني عامة وده سببه التوكيلات لأنها غالية جدا وبتخلي الصنايعية بره يغلو علينا احنا كمان فياريت توصولو الكلام ده للتوكيل .
ثالثا عايزين توكيل سيات يهتم كثيرا بالإعلانات الخاصة بالموديلات الجديدة وكيفية ترويج منتجاتهم في السوق زي بقية التوكيلات عشان تنتشر لك الموديلات وبالتالي تكون عملية الصيانة وقطع الغيار سهلة ورخيصة .
رابعا محتاجين ان التوكيل يقدم عروض علي الصيانة والمبيعات والصيانات الدورية وكذلك قطع الغيار وياريت تطلبو منهم كده زي ما معظم التوكيلات مقدمه عروض هنا في المنتدي .
وأعتقد لو بعض النقاط دي تحققت يبقي سيات هيكون ليا شأن كبير في مصر زي ايام الإبيزا 94 وسيات فعلا شركة عريقة وقوية ومنتجاتها ماشاء الله ممتازة قادرة علي منافسة اي منتج علي مستوي العالم
وشكرا

[ehab_mansour]

وعندي أقتراح كمان وهو اننا ممكن نقابل أستاذ محمد إبيزا ونحدد معاه هنعمل ايه ونتصرف ازاي وأعتقد من وجهة نظري انه أكثر واحد في مصر بيفهم في هذه الماركة واللي يقدر يساعدنا في المشكلات والإقتراحات وكل شيء وانا معايا رقم تليفونه لو كده نقابله وربنا يسهلها

وفعلا منتدي نايل موتورز ما خسرش حد قد ما خسر محمد إبيزا وخسرنا كلنا مالكي الإبيزا تواجده بيننا هنا لكن خير كله خير ان شاء الله
والله المستعان

[fadynabil]

وعندي أقتراح كمان وهو اننا ممكن نقابل أستاذ محمد إبيزا ونحدد معاه هنعمل ايه ونتصرف ازاي وأعتقد من وجهة نظري انه أكثر واحد في مصر بيفهم في هذه الماركة واللي يقدر يساعدنا في المشكلات والإقتراحات وكل شيء وانا معايا رقم تليفونه لو كده نقابله وربنا يسهلها

وفعلا منتدي نايل موتورز ما خسرش حد قد ما خسر محمد إبيزا وخسرنا كلنا مالكي الإبيزا تواجده بيننا هنا لكن خير كله خير ان شاء الله
والله المستعان

معاك حق يا م/ إيهاب بجد كلنا مفتقدينه ولو سمحت ممكن تبعتلي رقمه ع الخاص وأنا ممكن أكلمه وأقابله كمان أنا سكن قريب منه أوي وشكراً لإهتمامك.

[hamadaaa]

بسم الله الرحمن الرحيم

سؤال للاخ محمد انا عندي ابيزا موديل 98 و فيها بعض المشكلات
1- لاحظت منذ ما يقارب من شهرين ان صوت الموتور عالي مع انني اغير زيت بأستمرار.

2- المفتاح الريموت كنترول لا يرسل الاشاره للابواب للغلق و الفتخ (البطاريه جديده بتاعت المفتاح) هل لو دائرة الريموت تلفت يمكن شراء غيرها و كم تتكلف؟

3- الفتيس بيعلق احيانا كثيره و لابد من الدوس علي الدبرياج ع الاخر حتي استطيع النقل

ارجو الافاده يا محمد و شكرا

[PASST2000]

يا ريت الاهتمام بموضوع الدعاية للموديلات الجديدة و عمل بعض الخصومات علي اسعار قطع الغيار و لما يعملوا حملة الصيانة المجانية يتعملها بروباجاندا كويسه مش زي عادتهم بتبقي زي ما تكون في التكتيم كده و يا ريت يكون في استفسار عن السيارة Seat exeo هل هتنزل ولا لا و لو نزلت هتبقي بكام و فتيس اوتو ولا مانوال؟؟؟

[eng/muhamad]

Seat exeo

اول مره اسمع عن العربيه دى و مش موجود على الموقع الرسمى للشركه
ياريت لو فى معلومات عنها

سؤال للاخ محمد انا عندي ابيزا موديل 98 و فيها بعض المشكلات
1- لاحظت منذ ما يقارب من شهرين ان صوت الموتور عالي مع انني اغير زيت بأستمرار.

2- المفتاح الريموت كنترول لا يرسل الاشاره للابواب للغلق و الفتخ (البطاريه جديده بتاعت المفتاح) هل لو دائرة الريموت تلفت يمكن شراء غيرها و كم تتكلف؟

3- الفتيس بيعلق احيانا كثيره و لابد من الدوس علي الدبرياج ع الاخر حتي استطيع النقل

ارجو الافاده يا محمد و شكرا

اولا انا معنديش معلومات كافيه فى ميكانيكا السيارات عشان ارد على السؤال ده
( من قال لا اعلم فقد افتى )
ثانيا الموضوع ده عاملينه عشان نشوف الشكوى من التوكيل و عاوزين ايه من التوكيل فياريت لو حضرتك اتعاملت مع التوكيل قبل كده تقول انطباعك

السلام عليكم اخواني الأعزاء المهتمين بهذا الموضوع وبشكرهم جدا علي حرصهم علي اعلاء شأن سيات في مصر .
أولا بالنسبة لي انا لسه شاري الإبيزا اللي معايا من ستة شهور بس ولم أتعامل مع التوكيل حتي الأن حتي أعرف ايه إيجابياتهم وسلبياتهم

اولا شكرا لحضرتك
ثانيا ياريت فى اقرب زياره للتوكيل تقول انطباعك عنه
و ياريت تقول انطباعك من التعامل اثناء الشراء و كان فى مشاكل و لا لا

[PASST2000]

Seat exeo دي اخر موديل سيدان لسيات و هي من ناحية الميكانيكا نسخة من الاوديa4 القديمة يا تري هتنزل مصر ولو نزلت هتبقي في حدود كام و مانوال ولا اوتو؟؟؟

[crazylambada]

الحل اننا ننزل زيارة لمراكز الخدمة و حناخد المفيد من اصحابالعربيات بنفسيهم
و ده احسن حاجة علشان نشوف الموضوع على الواقع

[ehab_mansour]

بسم الله الرحمن الرحيم

سؤال للاخ محمد انا عندي ابيزا موديل 98 و فيها بعض المشكلات
1- لاحظت منذ ما يقارب من شهرين ان صوت الموتور عالي مع انني اغير زيت بأستمرار.

2- المفتاح الريموت كنترول لا يرسل الاشاره للابواب للغلق و الفتخ (البطاريه جديده بتاعت المفتاح) هل لو دائرة الريموت تلفت يمكن شراء غيرها و كم تتكلف؟

3- الفتيس بيعلق احيانا كثيره و لابد من الدوس علي الدبرياج ع الاخر حتي استطيع النقل

ارجو الافاده يا محمد و شكرا

السلام عليكم
أخي الفاضل اولا انا عندي نفس السيارة بمحرك 1000 سيسي وحل مشكاكلك دي علي حسب معرفتي هي :
1- بالنسبة لإرتفاع صوت المحرك فده سببه ممكن يكون حاجات كتيييير واهمها :تلف بلية الدبرياج - تلف في بلي الدينامو - تلف في طلمبة المياة - تلف في بلية شداد الكاتينة
ازاي تتحقق من العيب في اي قطعه ده هقلك عليه لما أتأكد من نوع محرك سيارتك انه يكون زي عندي
2- بالنسبة لمفتاح الريموت ده يا ريت قلي نوع الإنذار اللي عندك ايه وانا أقلك تعمل ايه عشان ده بيتصحل عند الوكيل الخاص بنوع الإنذار اللي عندك
3-موضوع تعليق الفتيس ده سببه هو نقصان في زيت الفتيس أو تلف الزيت وحاجته للتغيير أو مشاكل أخري في الفتيس ومحتاج يتفك ولكن الأخير ده بعيد شوية مبدئيا افحص زيت الفتيس عندك ولو هتغيرة غيره بنوع 90 وليس 140 لأنه أفضل في الشتاء .
هذا علي قدر معرفتي والله أعلم وربنا يوفقك وأكون أفدتك

وياريت تعرفنا عملت ايه وتعرفنا تفاصل أكتر عن سيارتك زي نوع المحرك والكماليات وكده

[ehab_mansour]

معاك حق يا م/ إيهاب بجد كلنا مفتقدينه ولو سمحت ممكن تبعتلي رقمه ع الخاص وأنا ممكن أكلمه وأقابله كمان أنا سكن قريب منه أوي وشكراً لإهتمامك.

استاذ فادي انا بعتلك رسالة بالرد علي الخاص وربنا يوفقنا لما يحبه ويرضاه

[eng/muhamad]

ياريت يا فادى لو فى اى جديد تبلغنى
سواء على الخاص او هنا فى الموضوع