ايه مشاكل ومميزات الابيزا

[A.Saad]

انا بفكر اجيب ابيزا تسعينات
ايه مشاكلها وايه مميزاتها
وايه اسعار قطع الغيار وتوافرها
وهل ممكن الاقى حاجة نضيفو ولا عالبا بتبقى مع شباب ومتبهدلة
انا استعمالى اغلب الوقت لوحدى ، يفضل استهلاك بنزين قليل

[PASST2000]

الابيزا 94 و ال 99 اسمع انهم عربيات ممتازة و اعتمادية بس بشرط الحالة بس استني رأي خبير

[ehab_mansour]

السلام عليكم ورحمة الله وبركاته
اهلا بيك يا أخي العزيز في منتدي السيات ومعشوقي الإبيزا
اولا انا من مالكي الإبيزا ولكن من فترة قصيرة ومع ذلك في خلال هذه الفترة القصيرة مشيت بيها كتييييييييير يعيني في خلال 5 شهور مشيت بيها 21 الف كيلو والحمد لله العربية كويسة جدا جدا واقتصادية جدا جدا في استهلاك البنزين وقطع غيارها إعتمادية جدا ولكن غالية شوية ولكن مش قوي زي ما الناس واخده فكرة عنا وكمان متوفرة زي ماانت عايز في كل انحاء الجمهورية وطبعا بالنسبة للجري والشد الإبيزا تكسب بكل المقاييس مع موديلات كتييييييير اكبر وأقوي منها علي الرغم من ان انا اللي معايا بمحرك 1000 سيسي تخيل بقي اللي بمحرك 1400 او 1600 لو ناوي تشتري ابيزا يبقي دور كويس جدا جدا عشان تلاقي حاجه حالتها حلوة وفعلا موجود وكتير كمان بس دور كويس واساسا اسعارها اليومين دول مرتاحه بس اهم حاجه تدور علي الكماليات والمحرك دول اهم حاجه فيها يعني من الأخر يكونو ما حدش لعب فيهم وربنا يوفقك ولو عايز تعرف أكتر وأكتر دور هنا في المنتدي كله وفي المواضيع المثبتة هتلاقي بالتفصيل كل شيء عن كل الموديلات
بس نصيحة مني قبل ما تشتري استشير حد يكون بيفهم فيها كويس واكشف عليها كويس وربنا يوفقك

[ehab_mansour]

وعلي فكرة كمان الإبيزا هتاخد منها ثبات مع السرعه وإعتمادية مش هتلاقيها في سيارات كتييييييييييييير منتشرة

[grumby78]

انا عندي ibiza glx 1300 cc carburator 1994 من سنة 2000 ومن واقع تجربة اقدر اقولك انها وفي فئتها السعرية : the best car money can buy ودي مش مبالغة مالك عربية بيحبها دي حقيقة . العربية دي مافيهاش عيوب بمعنى عيوب تصنيع او مشاكل مزمنة او عدم مناسبة لاجوائنا . بس هيا فيها مشاكل في بعض المعروض منها ناتجة عن اهمال او استرخاص في قطع غيارها او تصليحها عند ناس مابتفهمش فيها ومنها على سبيل المثال لاالحصر سخونة السيارة الناتج عن اهمال صيانة دورة التبريد وملحقاتها اومشاكل في الاحتراق وده لان مش كل الناس بتعرف تتعامل مع carburator العربيات الالماني في التنضيف والصيانة . مميزاتها كتيره ومنها الاعتمادية يعني عربية ماتخيبش توقعاتك . stability عربية راسية جدا على الارض ومسعفة في الظروف الصعبة للقيادة . عفشه heavy duty بجد ومناسبة لطرقنا ومريحة نسبيا . شكل مش بيقدم ومازال جذاب للكثير. قطع غيار غالية نسبيا لو حتجيب الماني بس معمرة جدا. موتور ممتاز وهو موتور golf 2 . ينقصها الباور ستيرينج والتكييف . نقلات الفتيس سلسة . وضعية قيادة ممتازة . شكل تابلوه وخامات ممتازه برضوا مقارنة بفئتها سعرا وموديلا. قطع غيار متوفرة جدا سواء الجديد منها او المستعمل . اسعار ممتازه نظرا لطول عمرها مقارنة بالياباني والكوري والصيني . لو بتفكر تقتني واحدة روح لمتخصص يكشف عليها اولا واختبر الحرارة واكشف على الصاج وخصوصا العتب . واي استفسار تاني انا في الخدمة...

[fadynabil]

هوه في زي الإبيزا ...

اللي ركب العربية دي في يوم من الأيام مش ممكن ينساها أبداً إسإل أي حد كان ركبها قبل كده هتلاقي الناس بتعشقها بطريقه غريبه .. وربنا يوفقك في حاجة كويسة