استفسار!! أفيدوني يا رجالة الابيزا

[seifo]

السلام عليكم أولاً أحب أشكركم على المنتدى الرائع و مساهمتكم القيمة فعلاً. أنا تقريباً لقيت كل حاجة أنا كنت عايز أعرفها عن الإبيزا 2001. بس في حاجة مهمة نفسي أعرفها. ينفع أسقطلها موتور 1400,100 HP ولا لأ؟؟
بصراحة أنا العربية عجباني بس مقلق شوية من موتورها ال1000 التعبان الده. رجاء أفيدوني خصوصاً لو حد ليه تجربة. ولكم جزيل الشكر.http://www.nilemotors.net

[iBiZa]

ينفع يا باشا و ممكن كمان ال1600 ال126 حصان.
و ال1000 بردة كويس, جربة و لو مش عاجبك غيرة.

[seifo]

ألف شكر يا إبيزا أنت الوحيد اللي عبرتني مع إن في 21 عدوا عالتوبيك!! ما علينا. بص بأه يا سيدي لو مفيهاش رزاله أنا عايز أعرف حوار زي ده يتكلف كام تقريباً وأيه أحسن مكان يتعمل فيه.

[iBiZa]

حوار زى دة هتجيب فية الموتور و عفشة قدام و دنجل سكاكين ورا عشان تقف و كل حاجة تانية عندك هتشتغل عادى.

اعتقد الموتور بالعفشة يدخلوا فى 5000 (على اساس ان انت عندك الباور و التكييف راكبيين اصلا).

و التسقيط على حسب الميكانيكى اللى ها تتعامل معاة.

انا عن نفسى برشح محمد سمير و عنوانة انا حاطة فى مراكز الخدمة.