Tweet
جربت تروح الملاهي وانت قاعد جوة عربيتك؟؟!! انا جربت
ياتري ايه شعورك وانت سايق العربية وهي عمالة تترج وانت جواها لحد ماتحس بشعور البيض وهو بيتعمل أومليت؟؟!!!!!
الحكاية ومافيها إني معايا عربية زي الفل الا وهي ابيزا سيستم بورش مودي1992, العربية أسما وشكلا زي مانا بشوفها مع ناس كتير عربية حلوة, سحبها محترم, بتوفر في البنزين, مكيفة, وكمان سعرها مناسب جدا, لكن الكلام دا مش في عربيتي. الظاهر كدة ان اللي باعها حط عليها لعنة ان اللي يشتريها بعده يلف البحور السبعة و يموت التنين قبل مايتهني بيها. المهم العربية كانت حالتها متهانة, وصرفت عليها كتير من تغيير عفشة, لبطارية, لكهربا, والأدهي من دا كلو جبتلها نص موتور جديد :10D5C8~1107: ودا علشان تكمل, بس الصراحة الموتور القديم كان فعلا ضعيف. المهم بعد دا كلو والعربية هتبدأ تقول عملت بيها حادثة والعربية اتقلبت علي ضهرها
مش بقولكو كان لازم أحارب التنين 
نرجع لمرجوعنا, صعبت علي عمي وعرض انو يتولي عماية تصليحها, وفعلا الراجل عمل اللي عاليه وزيادة وبقي هو اللي بيتعامل مع الصنايعية لحد ماسلمني العربية من كام يوم شكلها أنضف ماشتريتها أصلا
اللي حاصل بقي ان العربية ساحبها قل بكتير بعد الحادثة, وكانت بتتهز جامد وانا لسة علي السلنسيه, وانا بسخن العربية, لازم أدوس علي البنزين علشان تبطل رج, ومع النقلات الأول والتاني الهز لسة موجود شوية, لكن الشئ العجيب حصل لما جيت أمون العربية وحطيتلها بنزين 92 من موبيل, الظاهر العربية مش واخدة علي النضافة (انا كنت بحط 90 علي فكرة, أنا مش ايحة والله) العربية ركبها عفريت, السحب بقي زي الزفت والرجة بقت معظم الوقت تقريبا, فأفيدوني أفاداكم الله ولو واحد يعرف أزاي أفك اللعنة اللي علي العربية يبقي عمل فيا خير :k8:
الحكاية ومافيها إني معايا عربية زي الفل الا وهي ابيزا سيستم بورش مودي1992, العربية أسما وشكلا زي مانا بشوفها مع ناس كتير عربية حلوة, سحبها محترم, بتوفر في البنزين, مكيفة, وكمان سعرها مناسب جدا, لكن الكلام دا مش في عربيتي. الظاهر كدة ان اللي باعها حط عليها لعنة ان اللي يشتريها بعده يلف البحور السبعة و يموت التنين قبل مايتهني بيها. المهم العربية كانت حالتها متهانة, وصرفت عليها كتير من تغيير عفشة, لبطارية, لكهربا, والأدهي من دا كلو جبتلها نص موتور جديد :10D5C8~1107: ودا علشان تكمل, بس الصراحة الموتور القديم كان فعلا ضعيف. المهم بعد دا كلو والعربية هتبدأ تقول عملت بيها حادثة والعربية اتقلبت علي ضهرها
مش بقولكو كان لازم أحارب التنين نرجع لمرجوعنا, صعبت علي عمي وعرض انو يتولي عماية تصليحها, وفعلا الراجل عمل اللي عاليه وزيادة وبقي هو اللي بيتعامل مع الصنايعية لحد ماسلمني العربية من كام يوم شكلها أنضف ماشتريتها أصلا
اللي حاصل بقي ان العربية ساحبها قل بكتير بعد الحادثة, وكانت بتتهز جامد وانا لسة علي السلنسيه, وانا بسخن العربية, لازم أدوس علي البنزين علشان تبطل رج, ومع النقلات الأول والتاني الهز لسة موجود شوية, لكن الشئ العجيب حصل لما جيت أمون العربية وحطيتلها بنزين 92 من موبيل, الظاهر العربية مش واخدة علي النضافة (انا كنت بحط 90 علي فكرة, أنا مش ايحة والله) العربية ركبها عفريت, السحب بقي زي الزفت والرجة بقت معظم الوقت تقريبا, فأفيدوني أفاداكم الله ولو واحد يعرف أزاي أفك اللعنة اللي علي العربية يبقي عمل فيا خير :k8:
أنا بقي هابقي مخيمر
Comment