ارجو الإفاده بخصوص سيات ابيزا من فضلكم

[SmartMega]

السلام عليكم
انا كنت عايز يا جماعة أعرف هي مميزات السيات الابيزا من ناحيه الآداء بتاعها وقوة الموتور كام سي سي وكام حصان وهل قدرة موتور الإبيزا اكبر ولا موتور البونتو أرجو الإفاده من الأعضاء الأعزاء
مع العلم ان موتور البونتو 1242cc كام حصان بالظبط مش عارف بس هل الإبيزا 1000cc ولا أكتر من كده
وشكرا

[M.Mostafa80]

على حسب معرفتى المحدوده أن الأبيزا الى نزله عن طريق الوكيل 1000 و1400و1600 ولكن فى أعلى من كده فى 1800 وفى 2500 تقريبا بس الكلام دا بره وال2500 تقريبا 6 سلندر وطبعا ألأخوه الأعضاء فى الأبيزا هيفيدوك أكتر منى

[umoussa]

حضرتك بتتكلم على موديل سنة كام؟

[SmartMega]

موديل 2000 و 2001

[M.Mostafa80]

على ما أعتقد وسمعت أنها 1000و1400لكن لو عايز بعد كده تسقط موتور يبقى فى 1600 و 1800 و2500 وناس كتير بتشكر فى 1800

[M.Mostafa80]

بس عشان تحس بقيمه العربيه دى نظرا لثقل جسمها نوعا ما يبقى ما يقلش عن 1600

[SmartMega]

مع ان الوكيل كان منزلها 1000cc بس
علي العموم أنا هسأل اي واحد في الشارع راكب ابيزا علشان اتأكد بنفسي
والف شكر لردك يا أستاذ momomero

[M.Mostafa80]

أنا أتكلمت على اساس أن حضرتك مكنتش محدد موديل العربيه فى الأول لكن لما حديدته أنا قلت لحضرتك أن فى 1000 و 1400 ولكنو قليل شويه لو نازل فابريكه غير كده يبقى تسقيط والباقى الى كلمتك عنو دا بردو تسقيط

[SmartMega]

بس حتي الأن يا أستاذ momomero كل اللي أنا شفته 1000cc بس لأن انا كمان فاكر اول اما نزلت الابيزا كان نازل معاها في نفس الفترة البولو الشكل الجديد اللي هو موديل 2000 فكان الأتنين 1000CC ده اللي أنا فاكره ساعتها

[alzelafy]

ممتازة ا 1000 سى سى و اقوى من البونتو ال 1300 و عن تجربه فوكس اصلا بتنزل مواتير اعلى كفائه م سعتها اللتريه والله هى اعلى من اللانوس اللى هى 1500 سىسى فى الشد و التجميع و عندك الاوبل استرا ال 1200 سىسى اعلى من عربيات كتيير 1600 سىسى بدون ذكر اسماء شهيرة و خد عندك الجولف 2 ال 1600 سىسى دى عربيه فاجرة فى الشد و مش هتصدقنى لو قلتلك اسرع عربيه فى مصر و لو طلعت بيها مثلا قدام عربيه2000 سىسى هتبهدلها و الله كلنا فى زفه عرس و كلنا 5 اشخاص فيها من اصحاب الوزن التقيل و مش هقولك العربيات اللى كانت موجودة و مويل 2008 و منها 1600 و 1300 و ليجانزا 2000 سىسى و كلهم بالسلامه يا صاحبىالجولف كانت نمرة 1 على الطريق ال 120 دى فى 5 ثوانى --- مثال اخر هل تقارن اللانسر ال 1600 مثلا بالبى ام ال 92 الدبانه ؟؟؟؟ و هى بردو 1600 سىسى جاوب انتا على نفسك

[SmartMega]

يعني خلاصه الكلام اللي أنا عايز أعرفة هل فعلا موتور الابيزا أشد من البونتو حتي ولو هي 1000cc بس وهل ده كفيل انه يشغل تكف ويشيل وزن ويجري ولا لأ
ملحوظه : مش علشان انا راكب بونتو يبقي بشجع البونتو ... انا اهم حاجه عندي هو موضوع قوه الموتور والسحب والتجميع بغض النظر عن نوع العربيه حتي ولو كانت شاهين

[M.Mostafa80]

1000 على الأبيزا ضعيف شويه لكن على البولو كويس أنا بجيب بيها 150و 160 بس المفروض النورمل الى تجيبه 140 عشان متبهدلش العربيه على الأبيزا ضعيف لأن العربيه أكبر شويه وأتقل فى الوزن

[SaNisSro]

1400 من ابيزا موديل 2000 هوة الي يضاهي البونتو من نفس الموديل 1300 ويتفوق عليها كمان..وتقريبا الموتور ده نزل في فابيا فقط في الموديل ده في مصر..لكن ال 1000 فالبونتو اسرع منو

[umoussa]

عايز نصحيتي؟

خليك في البونتو قطع غيارها أرخص

المواتير ال 100 سي سي مش عملية

لو بتفكر في حاجة 1000 سي سي

يبقى عليك وعلى البولو العيون موتور 1000 سي سي و16 صباب 78 حصان وأفضل من المواتير ال 1400 الي نزلت في البولو والفابيا والإبيزا

[SmartMega]

ابدا يا أستاذ umoussa انا بس كنت بسأل علشان لو الأبيزا 1300cc يبقي أكيد أحسن من البونتو وكمان بصراحه انا مبعترفش بحكايه 1000CC أكيد بيبقي الموتور ضعيف
والف شكر لكل مش شارك في الموضوع ده بالرأي