اريد الافادة ضرورى ارجوكم

[batros]

اولا : السلام عليكم جميعا بصوا بقى مشكلتى صعبة اوى انا شغلتى محتاجة عربية تكون اقتصادية جداااا فى البنزين وقطع غيارها متوفرة ورخيصة شويه فانا بفاضل بين ابيزا 98 او 2000 او بولو 2001 او اونو عشان كلهم 1000 سى سى بس فى المنتدى هنا كل واحد ليه راى مختلف يعنى بيقولوا ان ال 1000 سى سى مش هيستحمل اللف الكتير مع النكييف غير انى بحب السفر فاكيد هسافر بيها ومن حيث قطع الغيار لاقيت البولو غاليه وبعديها الابيزا وبعديهم الاونو انا كل اللى عايز اعرفه هو رايكم بما انكم خبره فى هذا المجال ولو عندكو اقتراحات عن عربيات تانيه يبقى كتر الله من امثالكم واسف على الاطاله

[ehab_mansour]

وعليكم السلام

شوف يا أخي الفاضل انا معايا ابيزا 98 وتجربتي معاها انها عربية ممتازة بس ده علي حسب حالتها وقت الشراء ورغم ان عربيتي 1000 سيسي حقن الكتروني ومع ذلك ما شاء الله عاملة 222 الف كيلومتر حتي الأن انا عملت منهم 31 الف حتي الأن في سبعة أشهر يعني علي سفر تقريبا يوم ويوم وبصراحة العربية ممتازة جدا والحمد لله حتي الأن محركها ما اتعملش فيه حاجه بس طبعا انا عربيتي مش مكيفة وأهم ميزة فيها هي استهلاكها القليل في البنزين ومع أداء وسحب وسرعة أقدر اقول انها اعلي من متوسطة يعني تقريبا شبه ممتازة وقطع غيارها اسعارها معقولة وفيه منها الأصلي والمضروب والإستيراد وأكثرهم هو الإستيراد وفيه ناس كتييير بتفهم فيها وبتعرف تعملها صيانة بس المهم هو انك تستشير الناس اللي قبلك في صيانة اي حاجه تبع مجموعة فولكس فاجن قبل ما تعمل صيانة وقبل ما تشتري قطع الغيار .
العربية متازة في الثبات والأداء واستهلاكها لا يقل في اي الأحوال عن 300 كيلو متر في الصفيحة ولو سفر مسافات طويلة بيعمل لحد 370 و أكثر .

انا كمان كنت متردد جدا زيك بالضبط وبين نفس الثلاث عربيات لكن من وجهة نظري أفضلهم الإبيزا والبولو زيها بالضبط أوتقريبا فيهم حاجات كتييييير مشتركة وكل الناس بتشهد ان الإبيزا أثبت من البولو ولو تقدر تجيب حاجه حالتها كويسه وتكون أعلي في الموديل عن 2000 تبقي كده ممتاز
وربنا يوفقك لما يحبه ويرضاه

[ehab_mansour]

شوف يا باشا

انا السرعة اللي دايما بسافر بيها والمناسبة جدا لأي سيارة مهما كانت قوتها هي من 90 الي 120 كيلومتر في الساعه
اقصي سرعة جبتها بيها هي 160 كم في الساعه علي المحور الساعة 3 الفجر لأن أقصي سرعة دي بتتوقف علي حاجات كتيييييير حالة الطريق واتجاه الهواء وحالة السيارة والكاوتش والعفشة .
لسه جايب بيها 155 كيلومتر في الساعة علي طريق اسكندرية الصحراوي رغم ان حالة الكاوتش والعفشة عندي ضايعين وانا عارف كده بس اهه الظروف
وعشان تكون عارف العربية بتجيب لحد 130 او 140 كويس فيما بعد ذلك بيكون ببطء لأن المحرك 1000 سيسي وضعيف في السحب علي السرعات العالية وكمان عدد لفات الموتور عندك بتزيد قوي مع السرعه العالية يعني 140 بتيجي علي الخامس عند عدد لفات تقريبا 4700 لفة في الدقيقة

[ehab_mansour]

أهم مميزات الإبيزا :-

1- استهلاك المحرك ال1000 ممتاز جدا مهما شديت وجريت وحرقت .
2- ثبات ممتاز جدا مع السرعات والدورانات .
3-قوة سحب وسرعة جيدة مقارنة بالمحرك الضعيف بتاعها .
4-ممتازة من حيث الحجم والمناورات والغرز والجري في الزحمة عن اي عربية تانية بس أنصحك بلاش تستخدم الميزة دي عشان ربنا يسلم طريقك ولا تؤذي غيرك .
5- قطع غيار معمرة جدا بس الأصلي منها تركبها وتنساها وده طبعا مع ارتفاع بسيط في سعر قطع غيارها مقارنة بالكوري.
6-كفاية انها كلها تبع مجموعة فولكس فاجن وتجميع سيات الأسباني العريق .

وربنا يوفقك بس ياريت تسمع أراء بقيت الناس اللي معاها ابيزا من زمان هيا معايا من سبعة شهور فقط

[batros]

شكراااااااااااااا يا باش مهندس

[alzelafy]

تحياتى للمهندس ايهاب منصور و اوئيد كللامه بشدة انا معايا ابيزا 98 و متبهدله او الموتور و العفشه و ماشيه معايا بكفاءة جدا و الله كانها عربيه زيرو بس لو حضرتك عاوز عربيه اقتصاديه اكثر من ناحيه قطع الغيار انصحك بالاونو رغم انها متتركبش خالص و مفيهاش نص امكانيات الابيزا على الطريق السريع من ثبات و مناورات و فرامل و امان و هناك سيارة جيدة من وجهه نظرى تمتلك نفس الامكانيات و تمتاز بانك ممكن تحطلها بنزين 80 هى لانسر 91 عيون صفيه ممتازة و الله يا اخى و هتريح دماغك من الكنترول و وجع الدماغ بتاع العربيات التانيه دى