الى خبراء الابيزا سيستم بورش

[lorans_el3rab]

من فضلكم
انا باشترى سيارة
سيارة ابيزا سيسم بورش
موديل 88
فابريكة دواخل ورشه خارجى
تكييفها يحتاج شغل بسيط
الحالة العامة جيدة
العربية كانت معوقين واتعمل عليها فك حظر
الايام دى
ممكن د من الخبيراء يقول رأيه ايه فى العربية دى
ويقول ان افضل سعر لشراؤها كام
وياريت الرد سريعا لأنى بشترى خلال ساعات
انشاء الله

[M.Mostafa80]

معلش سؤال غريىب شويه هى لونها دهبى

[lorans_el3rab]

لا مش دهبى لونها احمر
انما ليه السؤال ده

[M.Mostafa80]

أصل انا ليه واحد جارى بس ملاش معرفه ببعض عارض عربيتو للبيع وبنفس الموصفات الى انت بتتكلم عليها هو طالب فيها كام

[lorans_el3rab]

طالب 22 الف
هو جارك طالب كام

[M.Mostafa80]

هعرف وأقولك ياباشا أن شاء الله دا لوماكنتش أتباعت

[lorans_el3rab]

الحمد لله
اشتريت السيارة اليوم
بعد ما صاحبها راح فك الحظر عنها
من بورسعيد
وقربا سأرفع لكم صورها
هى بحالة جيدة
يلزمها بعض المصاريف البسيطة
فى حدود 1500 جنية
لكى تكون 100/100 من جوه ومن بره
اشتريت بإذن الله بـ 22 الف جنية
ممكن خبراء السوق يقولولى السر ده غالى ولا ايه
ولو اى حد يعرف اى معلومة عن قطع غيارها متوفرة فين
او اشتريهم منين
ياريت يقولى
وجزاكم الله خيرا

[M.Mostafa80]

بص متسالش السعر دا غالى ولا رخيص لأن الكل هيقولك غالى حتى لو مش غالى
ربنا يكفيك شرها ويباركلك فيها ويحفظهالك من العين أعمل ليها حاجه لله
أما موضوع قطع الغيار فا مش هقدر أفيدك
وسمعت والله اعلم أن بعض قطع الغيار الخاصه بالفيات بتشتغل عليها والله أعلم ولونى مبحبش غير قطع الغيار تكون أصليه ال
الف مبروك عليك

[nuba]

السلام عليكم قطع غياره فى التوفقيه عند هشام لهيطه ومحمد لاد فى فيصل وسامح فى مصر الجديده والمستعمل فى الوكاله عند محمد كرنك وحسن ابو العلا والفوانيس والمريات عند الشامى فى الوكاله انا عندى السيستم بورش بس 90 الكبالن 28 وطقم الدبرياج كامع بردو 28 وقواعد الموتور الريجاتا تمشى عليها

[spirit5]

نوبا باشا
واضح انك معلم فى الموديل ده الف شكر على معلوماتك بس نا عندى سؤال مهم
انا اول مره اشترى عربيه وقدامى واحده 90 ب 20 الف بس سؤالى اصلا
العربيه مجمل حلوه كعربيه ولا ايه واسعار قطع الغيار عامله ازاى مثال فوانيس وكبالن ومقصات
تنصحنى اجيبها ولا لأ

ارجو الرد يا بوب عشان انا ناوى اخلص فى حدود 4 ايام.
سامح

[nuba]

السلام عليكم بص العربيه مجمل حلوة وبيقولو عليها زلطه دا عشان عضمها ناشف اقوى صاج فى اللى موجود واسعار قطع الغيار اغلى حاجه بسيطه من غيرها سير كاتينه بتعها ب 60 دينمز استيراد 150 اسبرتير استيراد 250 كبالن جوز صينى ب 100 جوز ايطالى ب 220 اصلى بتعا ال 28 يركب عليها طقم دبرياج اصلى 320 وبردز بيركب عليها 28 جوز مساعدين امامى مونرو ب 600 طقم تيل امامى يركب عليها بتاع الريجاتا وعلى فكرة التكيهات بتعاعتها مش بتحتاج زبط ولا صيف ولا شتا واعطلها ولله الحمد وربنا يديمها نعمه قليله فى حاجه اقولها لك قطع غياره رغم انها غاليه نسبيا حاجه بسيطه بس معمرة حطها وانساها بس اول شى تبص على الريديتير بتعها وبتسخن ولاء والاحسن لو عملت ريديتير 3 ماسورة وربنا بعطيك خيرها ويكفيك شرها

[spirit5]

يا باشا الف مليون شكر
يعنى اتكل على الله واشترى ولا رائيك ولا اخلينى فى حاجه تانيه اصل انا ماليش فى العربيات خالص
وممكن بنفس المبلغ اجيب ريجاتا او اونو ولا ابيزا اشد ؟؟؟
ان شاء الله انا مش ناوى اغيرها الا على زيرو فعايز عربيه حلوه.
رائيك لأخ عشان انا قريت مشاركه لواحد جاب واحده سيستم بورش واتعذب عند الميكانكيه (انا عارف ان ده وارد فى اى عربيه)
يعنى لو واحد صاحبك انتيم قالك اجيبها ولا لأ تقوله ايه بفرض ان حالتها حلوه.

من الأخر لو رجع بيك الزمن قبل ماتشترى كنت هاتجيب سيستم بورش ولا حاجه تانيه
انا عارف انى بتقل عليك وربنا يكون فى ميزان حسناتك يارب

[nuba]

بص لو هتقارن بين الريجاتا والاونو والابيزا هشور عليك بالريجاتا قطع غيارها عند البقال عشان فيات الابيزا عربيه جميله وقويه قطع غيارها عند اربع او خمس اشخاص بس فى القاهرة والجيزة دا العيب بس قطعها موجودة اقصد انى مثلا الميكانيكى بتاعى فى اخر فيصل لازم انزل التوفيقيه او اول فيصل مش زى العربيات الاخرى قطع الغيار جنب البيت

[lorans_el3rab]

طب لو سمحتم يا خبراء
هى الابيزا 88 تختلف عن ال 90 والــ 91 فى قطع غيارها
ولا ايه

[shawki300]

واضح أن خبرتك حلوة قوى فى الابيزا يا نوبا
يا ريتنى كنت عرفتك من خمس سنين لآنى كنت بادوخ على حاجتها فى الاماكن الى انت عارفها لغاية ما بالصدفة كنت مع صديق ليا بيشترى مساعدين ودبرياج لعربيته الأوبل كاديت من أوتو ربيع فى عين شمس -وفوجئت أنهم كاتبين مساعدين لكل السيارات وفوجئت أكتر أن كل حاجة ألابيزا سيستم بورش بتاعتى عندهم.
حتى الحاجات الناقصة زى طلمبة المياة والمقصات وحاجة افرامل الماستر والسرفو لقيتها هناك اصلى.والفرق ما يستحقش أنك تركب مستعمل.
وعلى فكرة طقم المساعدين ب500 المونرو مش ب600 لكن انا فضلت أجييبهم كونىkoni من عندهم،
بس ماأنصحكش تعدل وتركب بتوع28 لأانهم بيعملوا فرق فى الزوايا وتبقى مشكلة فى المنحيات بسرعة عالية والاحسن أنك تركب الاصلى بتاعها
وتسمحلى ابقى أستشير خبرتك فى المرات الجاية