سؤال فى عدادات الأبيزا 1998

[ayafarfour]

عداد السرعه و ال R P M بيعلقوا يعنى بيشتغلوا لما تكون العربيه بارده يعنى اول دوارتها الصبح و بعدين لو بطلت العربيه لأى سبب و تيجى تشغلها تانى لا يعمل العدادين ,يعنى لا يعملوا لما تكون العربيه سخنه , و الحرارة و البنزين شغالين كويس , فأيه رأيكم و مين اللى بيصلح الحجات دى , و شكرا للأعضاء الكرام

[alzelafy]

راجع على حساسات الحرارة و السرعه عند اى كهربائى و ظبط السلوك بتاعتهم و لو تمام و لسه المشكله موجودة يبقى شاشه عدادات و دى تجبها من الحرفيين ب 200 جنيه و تجربها قبل ما تمشى تجيب كهربائى يركبهالك و انتا هناك ضرورى و قدام المحل عشان انا اتنصب عليا فى شاشتين خدتهم اركبهم و كانو بايظين و طبعا ما صدقوا الزبون طلع بالشاشه اللى بايظه من المحل و هبشو الفلوس و كل سنه و انتا طيب الشاشه فاصله ميه و نور و مرميه عندى فى البيت و لما جت ارجعها قالولى انتا فكتها و حاولت تصلحها ؟؟؟؟؟ اصلح ايه

[M.Mostafa80]

تسمحلى اقلك راجع على الفيوزات الموجوده جوه صالون العربيه وأتأكد أن مفيش فيوزات ملمسه أو سايحه وبعد كده لو هى سليمه يبقى تعمل ألى الأخ الكريم بيقولك عليه ولو هى العداد بايظ
قولى وأنا هبعتك لواحد زى الفل فى الحرفيين وأسعارو حلوه وغير مغاله فيها ماشى ياكبير

[ayafarfour]

[quote=momomero;793834]تسمحلى اقلك راجع على الفيوزات الموجوده جوه صالون العربيه وأتأكد أن مفيش فيوزات ملمسه أو سايحه وبعد كده لو هى سليمه يبقى تعمل ألى الأخ الكريم بيقولك عليه ولو هى العداد بايظ
قولى وأنا هبعتك لواحد زى الفل فى الحرفيين وأسعارو حلوه وغير مغاله فيها ماشى ياكبير [/quotشكرا على الأهتمام والفيوزات عندى سليمه مش سايحه او ملمسة . فياريت تبعتلى عنوان اللى فى الحرفيين اللى بتقول علية زى الفلو اسعارة حلوة و غير مغاله فيها, و شكرا

[iBiZa]

ممكن تجيب من عند عبدة فى شارع المرسيدس او من عند ياسر او من عند ابو يوسف (و ان كنت لا افضل الاخير).

السعر اخرة 175 و دة لو بتعرف تفاصل, اللى هتشترى من عند تتفق معاة انك هتجربها يومين و لو فيها حاجة هترجعها.

[M.Mostafa80]

مختار الفوال الحرفيين شارع المرسيدس قولو بس أنك من طرف محمد مصطفى الى معاه البولو البيضاء بتاع الهرم ورقم تليفونو أهو
0161900997