مساعدة للابيزاوى الجديد

[batros]

السلام عليكم:-
كنت عايز مساعدتكم يا ابيزاوية فى كام حاجة كده تخص ابيزا 98:
1- اماكن الناس المحترمة بتوع قطع الغيار يكونوا مضمونين فى بضايعهم واسعارهم كويسه عشان عايز اظبط فيها كام حاجة زى
كبالن (يا ريت السعر لو حد يعرف )
سير كاتينة
طقم بوجيهات نظيف
ويا ريت حد يقولى لو عايزلها تكييف يعمل كام عشان تكيفها متشال بالكامل سواء استيراد او جديد وهل هيتعب موتورها ال 1000 سى سى ولا لا ..
واسف على الاطالة
وشكراااااااااااااااا
:10d5c8~1107::10d5c8~1107:

[Ahmad]

مبروك عليك العربية و ربنا يباركلك فيها ان شاء الله.
بالنسبة لقطع الغيار, فهي متوفرة في كذا مكان.
شارع دمشق في مصر الجديدة هتلاقي فيه أكتر من محل زي "سامي هلال", "فتح الباب", و غيرهم.
و في وسط البلد في التوفيقية و شارع شمبليون أكتر من محل.
و هتلاقي مركز بيع قطع الغيار بتاع التوكيل موجود في شارع معروف من شمبليون. غير مركز البيع الرئيسي في أرض اللواء.
فتح الباب ساعات مش بيبقي مضمون.
و علي فكرة في منتدي فولكس هتلاقي كذا موضوع عن محلات قطع غيار للبولو أخت الابيزا في كل حاجة و في قطع غيار مشتركة كتير. يعني ممكن تجيب كبالن البولو لو ينفع تركب عندك (أنا مش متأكد) و هتلاقي ناس مضمونين ان شاء الله في بيع قطع غيار البولو.
بالنسبة للأسعار , انا مش عارف سعر الكبالن الحقيقة.
سير الكاتينة بيبقي في حدود ال 40 أو 50 جنيه.
البوجيهات معرفش توع محدد كويس بس الناس بتشكر في ال NGK, و أنا كنت بستعمل ال bosch و كانوا كويسين.
بالنسبة للتكييف, هو يعمله من 2500 ل 4000 جنيه تقريبا. حسب النوع و المكان اللي هتشتري منه.
لو العربية نازلة من غير تكييف أصلا , يبقي هيتعب الموتور شوية تركيب تكييف لأنه مش معمول حسابه. انما لو كان فيها تكييف أصلي و تلف يبقي مش هيحمل
علي الموتور الا بنسبة بسيطة.
بالتوفيق.

[M.Mostafa80]

كلام أستاذ أحمد مظبوط جدا بخصوص التكييف أزيك يا بشمهندس أحمد أخبار التكييف أيه وقولى هو حاسبك على كام فى اليوم ده لحسن أنا سنيلى السكينه على الأخر المرادى

[batros]

شكرا على الرد استاذ احمد

انا فعلا واحد صحبى قاللى على الناس بتوع شارع دمشق ونزلت جبت البوجيهات NGK ب 50 جنيه
والكبالن ب 125 الكبلن الواحد
وسير الكاتينة عمل 60 وخدتة ب 50 جنية
وجبت كمان طنابير اماميه ولفيت منهم ماركات كتيره بس شكرولى فى البرازيلى والفرنساوى فجبت الفرنساوى ب 260 جنيه

وشكرا على الرد تانى ليك ولاستاذ momo بتاع البولو
وياريت اى معلومات عن الابيزا متنسنيش

:10D5C8~1107::10D5C8~1107:

[Ahmad]

كلام أستاذ أحمد مظبوط جدا بخصوص التكييف أزيك يا بشمهندس أحمد أخبار التكييف أيه وقولى هو حاسبك على كام فى اليوم ده لحسن أنا سنيلى السكينه على الأخر المرادى

مجمد باشا :)
أنا الحمد لله بخير. يا رب تكون في أحسن حال.
و الله هو شكله سانن السكينة علينا كلنا :) . هو أخد 100 جنيه و أنا بصراحة مش بفاصل معاه الا في أضيق الحدود.
المهم بالنسبة للتكييف, أنا شكوكي كانت في محلها, و الفريون اللي حطوه عندي مش هو النوع المناسب لعربيتي. و بناء علي نصائح الغالبية, انا رحت فضيت الفريون الغلط و شحنت بالفريون الصح. و دة عند واحد مشهور جدا اسمه مهندس/ محمد خلف مسرح البالون في المهندسين.
أعتقد كدة أفضل ما أخسر الكمبريسور بعد كدة :)
شكرا لسؤالك يا محمد, و انا مستني الصدفة اللي جاية بفارغ الصبر علشان أشوفك ;)
المهم عربيتك اتظبطت الحمد لله و لا لسه عندك زيارة تانية لمحمد علي؟؟

[M.Mostafa80]

هو لحد دلوقتى الحمد لله مش محتاج أروحلو أنت عارف المره الى فاتت كل الى عمله فك سلك وركب التانى وحط العربيه على الجهاز خد 80 ج ألظاهر كدا بيلم حق توضيب الورشه مننا ولا أيه ويارب تبقى فى صدفه تانيه عشان أشوفك تانى بس بعيد عن الورش والأعطال