سؤال بخصوص إبيزا 2001

[tako517]

السلام عليكم دى أول مشاركة ليا و أرجو أن تفيدونى

معايا إبيزا 2001 و كونت عايز أسقطلها موتور إبيزا 2008 1600cc فهل ممكن ينفع ؟ و هيتكلف كام؟؟ و إيه التغيرات إلى ممكن أعملها فى العربية ؟ شكرا

[tako517]

:d ممكن حد يرد عليا وكمان لو سمحتو عايز أعرف سعرها كام م2001 نبيتى شكرا و أرجو الرد

[crazylambada]

انا شوفت رساله حضرتك
بس فيه اختلافات عن الرساله اللي بعتهالك
اولا الموتور موديل 2008 حيبقى غاااااااااااالي
الموتور ده بفتيس ستبترونيك
بس قولي حضرتك منين الاول

[tako517]

الى مهم يبقى 1600 و ثانيا ممكن من بور سعيد أو الحرفيين

[tako517]

أنا من القاهرة

[crazylambada]

بص حضرتك انه يتجاب من بورسعيد احسن بكتيييييييييييييييييير من الحرفيين طبعا
لسببين السعر حيبقى رخيص جدا ممكن توفر كام الف في جيبك
ثانيا انك حتلاقي مكن كتير فتختار احسنهم مش عدد محدود من المكن
طبعا الاحسن المكنه بتاعتها بس لو سقطت ال1600 و لما نجيب الضفاير بتاعتها
ممكن يبقى فيه سنسورز ميركبش مع التابلوه
انا معرفش تابلوه الابيزا القديمه و الجديده شكله ازاي
فممكن كمان تسقط تابلوه الابيزا الجديد
ده لو فيه اختلافي في الضفيره عند التابلوه و السنسورز
و ده بيريح كتير اوي
و ساعتها 150 جنيه تركيب المكنه و خلاص على كده
و ده احسن بكتير من انك تسقط حاجه مش بتاعتها زي جولف مثلا
بس ميزانيه حضرتك كام الاول

[tako517]

تقريبا فى حدود 5 ألاف بالكتير أوى يعنى :d:d:d

[crazylambada]

طب اصبر كده حرد عليك بكره
فيه واحد بتاع قطع غيار استيراد حبيبي بيشتغل في مجموعه فولكس كلها
حساله الفرق بين 1000 و 1400
علشات التكاليف
و لو كده يبقى ممكن يكفوا و يفيضوا كمان باذن الله

[tako517]

أنا فعلا هأبا متشكر جدا و إن شاء الله هأدر أرضلك خدماتك كلها شكراااااااااااا

[tako517]

طب أنا سألت باردو صديق و نصحنى بادل 1400 أجيب اللاكلام ده بعلبة شكمان سبور كاربون فيبر مثلا و سلوك بوجيهات سبليت فاير و بوجيهات سبليت فاير و فلتر هوا سبور و ليكن k&n و ممكن chip سبور او تحط تربو علي المكنة عندك بيتكلف في حدود 3-4 الاف جنيه و هيعمل اداء عالي هل فعلا هذة التغيرات ممكن تعفينى من الموتور و هل هذا فعلا سعرها شكرا

[crazylambada]

مش حتحسسك لان المكنه عندك اصلا 1000 سي سي
المكنه بتاعتي 1300 كبراتير يعني بتحرق اكتر من بتاعتك المفروض
و لما عملت الموضوع ده محستش بفرق
لان كل دخ بيزود بنسبه معينه من القدره الاساسيه للموتور
فلو القدره الاساسيه عندك ضعيف فالزياده حتبقى لا تذكر
يهني كل اللي عمله عندي انه بيوفر في البنزين و خلي العربيه انعم
الحاجات ديه بتتعمل على مكن ال1600 و انتا طالع
على العموم اصبر كده على بليل وربنا يقدم اللي فيه الخير

[crazylambada]

بص انا الحمد لله ربنا وفقني فيالمعلومات ديه
بص يا باشا تسقيط المكنه حيغنيك عن دوره التبريد و التابلوه و التنك و كل الحوارات ديه
حيبقى المكنه بالضفيره بالكنترول فقط ده في حاله1400 سي سي
و تمنهم 3000 جنيه اول كلام ساعه الشرا طبعا حاجه تانيه
اما المكنه ال1600 الستبترونيك كامله الفتيس بالضفيره بالكنترول كله عامل 4500
عاوز اقولك ان الماكنه بتاعتك اللي زيها استيراد اغلاهم تمنها 5000 جنيه تخيل
علشان عليها اقبال جامد


نيجي للمهم لو سقط ال1400 حيكلفك الموضوع قول 3000 جنيه بان الفلوس اللي حنقصها من تمن المكنه تتعوض في التركيب والحوارات ديه
و يبقى معانا 200 جنيه نقدر نعمل بيهم حاجات كتير
نشوف حوار التربو و البوجيهات و السلوك الرياضيه و الكلام فيه طويل محتاج مناقشه


او تسقط الموتور ال1600 يكلفك قول4500 جنيه بالتركيب مثلا بس حيبقى فيه مشكله
انك لازم تجيب العفشه بتاعته كاملا علشان العربيه تستحمل قوه الماكنه فكدا الميزانيه حتعدي ال5000 بسهوله

انا من رايي دلوقتي انك تختار ال1400
لو وفقت و مشيت في الموضوع حنشوف ايه الخطوات اللي جايه

ملاحظه الاسعار ديه من تاجر في الزقازيق يعني حتبقى ارخص من القاهره
لكن حتبقى اغلى بكتير من بورسعيد

المكنه بتاعتك لو حلوه حتتباع بالف جنيه فقط علشان اسمها خلع
وربنا يقدم اللي فيه الخير

[tako517]

فعلا ألف شكر و ن شاء الله هاخلص إمتحانات و بعدين أعمل الحوار دة

معلش أخر طلين أولا نمرة تليفون حضرتك
ثانيا سعر الإبيزا 2001 نظيفة فى السسوق دلوقتى بكام وفعلا أنا مش عارف أشكر حضرتك إزاى

[crazylambada]

نمره تلفوني حضرتك 0163676712
و سعرها انا معرفش بصراحه بس مليش فيها انا ممكن اسالك برضه
بس في رايي مادام انتا ناوي تعديل متجبش واحده نضيفه اوي وكله بتمنه

[tako517]

يعنى طبعا أنزل بورسعيد أحسن صح؟؟؟؟؟