سؤال في ابيزا 98

[hamadaaa]

اولا صوت الموتور عالي و انا راكب العربيه و قافل الزجاج بسمع ذي صوت هواء خارج من التابلوه بس لما بدوس فرال الصوت بيروح ده يبقي ايه؟

ثانيا العربيه بتمشي لوحدها في السلانسيه لما بكون شايل رجلي من كل الدواسات و ما بتبطلش و الار بي ام علي 10 المفروض الار بي ام بيكون علي كام؟
واسف علي الاطاله

[M.Mostafa80]

الهوا الى جاى من التابلو دا من بوابه الراجع بتاعت التكييف لو قفلتها مش هتسمع الصوت دا
أما الأر بى أم المفروض يبقى 8 أو 8.5 كدا يبقى كهربه العربيه عاليه عندك شويه وعايزه تتظبط شوف حد عندو الجهاز يظبطهالك

[kojyad]

موضوع الهوا ده بصراحة مقدرش افتيلك فيه اوي بس انا حاسس ان الموضوع اكبر من التكييف , اما بخصوص ان العربية بتمشي لوحدها فده عادي جدا اي عربية محترمة لما تكون جايب الاول مثلا وماشي بشويش وسبت كل الدواسات العربية مش هتقف هتكمل مشي لوحدها بشويش اوي . والحركة ده بنستخدمها دايما واحنا طالعين من الركنة لما نكون مزنوقين عشان منخبطش في العربية الي ورانا او امامنا, عن طريق انك لو واقف خالص وجبت الاول وشلت رجلك براحة جدااااااا من على الدبرياش هتلاقي العربية بتطلع معاك , والعملية ده برده وانت راجع للخلف نفس الكلام

[M.Mostafa80]

موضوع الهوا ده بصراحة مقدرش افتيلك فيه اوي بس انا حاسس ان الموضوع اكبر من التكييف , اما بخصوص ان العربية بتمشي لوحدها فده عادي جدا اي عربية محترمة لما تكون جايب الاول مثلا وماشي بشويش وسبت كل الدواسات العربية مش هتقف هتكمل مشي لوحدها بشويش اوي . والحركة ده بنستخدمها دايما واحنا طالعين من الركنة لما نكون مزنوقين عشان منخبطش في العربية الي ورانا او امامنا, عن طريق انك لو واقف خالص وجبت الاول وشلت رجلك براحة جدااااااا من على الدبرياش هتلاقي العربية بتطلع معاك , والعملية ده برده وانت راجع للخلف نفس الكلام

الكلام دا حقيقى بس مش على أر بى أم 1000 كدا الكهرباء بتاعت العربيه عاليه

[sayedabdovw]

غالبا السرفو مخروم يعنى فية تنفيس ودة عامل الاثنين ار بى ام عالى وصوت تحت التابلوة------متخصص

[hamadaaa]

يا جماعه انا بشكركم جدا علي الرد
وكنت عاوز ميكانيكي كويس يعملهالي في الاسكندريه غير هريسه
و هل كهربة الابيزا لازم تتظبط بجهاز معين و لا لا؟
و كنت عاوز اعرف ازاي اختبر السيرفو اذا كان مخروم و لا لأ
و الف شكر