من فضلكم سؤال مهم ؟

[shams_alld]

السلام عليكم - بصراحة دى اول مشاركة ليا وكنت عايز آخد رأيكم فى حاجة ؟

كنت عايز اشترى عربية والمفاضلة بين نوعين
1- ابيزا 2000
2- سكودا فليشيا وش اوكتافيا موديل 2000

وبصراحة معرفش عن العربيتين اى حاجة ولا حتى اعرف الاسعار - اتمنى تفيدونى ولكم جزيل الشكر

[Mohamed_Ibiza]

والله ياباشا نا هقدر افيدك في العربية الموجودة عندنا بالقسم وهي ابيزا 2000 انما سكودا فحضرتك عليك وان تتوجه لقسم اسكودا وهناك خبراء يقدروا يفيدوك جدا

انما بالنسبة للابيزا فهي 1000 سي سي .. وطبعا اقتصادية في البنزين جدا مع نظام الانجيكشن وطبعا بالنبة للموتور بسعته الصغيرة فده يرجع ليك ولاستخدامك .. يعني سفر كتير زيادة عن اللزوم او حمولة كتير او استخدام شاق فمتيهيالي ان ال1000 سي سي مش هتناسب حضرتك .. اما لو كان استخدامك طبيعي وعادي فانصحك بال 1000 سي سي وبشدة لانه اقتصادي جدا بدرجة فوق ما تتخيل

واي حاجة عايز تعرفها انامعاك وربنا يوفقك ياباشا

[shams_alld]

انا متشكر جدا يا استاذ محمد على معلوماتك القيمة - طب فية موديلات تانية فى الايبيزا أعلى من 1000 سى سى ولو تتكرم عندك فكرة عن سعر العربية موديل 2000 تكون فى حدود كام دلوقتى - على فكرة احنا اسكندرانية زى بعض - جزاك الله خير الجزاء .

ممنوع استخدام اللون الاحمر حيث انه مخصص للمداخلات الادارية فقط
يرجى مراجعة قواعد المنتدى

مشرف فرعي 1

[kojyad]

ايوة يا باشا انت فعلا اختيارك موفق انشاء الله بالنسبة للابيزا وهي فعلا في منها موديلات اعلى من 1000 يعني عندك ابيزا 94 او 98 ممتازة جدا وفي منها 1100 و 1300 , بس بصراحة ووالله بدون اي تحيز انا اعرف ناس معاها ...اوكان معاها اسكودا فليشيا وكانت بتشتكي مر الشكوى من العربية ومشاكلها الكتيييير ودة والله العظيم كلام بكل امانة ,
عشان متفتكرش اني متحيز لعربية معينة , وعلى فكرة انا معايا ابيزا 98 انا واختي والعربية محترمة جدا جدا
وانا كنت عارض واحدة منهم للبيع 1600 cc مش 1000 يعني السحب والشد ماشاء الله عربية ممتازة لو حبيت تعاين انا تحت امرك
انا رقمي 0105208621 وهتلاقيني عارض كل بيانتها في قسم الشراء في اللينك ده

http://www.nilemotors.net/Nile/showthread.php?t=80672

[Mohamed_Ibiza]

انا متشكر جدا يا استاذ محمد على معلوماتك القيمة - طب فية موديلات تانية فى الايبيزا أعلى من 1000 سى سى ولو تتكرم عندك فكرة عن سعر العربية موديل 2000 تكون فى حدود كام دلوقتى - على فكرة احنا اسكندرانية زى بعض - جزاك الله خير الجزاء .

ياباشا انا تحت امرك

الابيزا عندك 94 موتور 1300

98 و 99 و 2000 موتو 1000 سي سي

2002 فيه منها 1400 على ما اتذكر

بس صدقني بامانة الموتورال 1000 كويس جدا وعن تجربة

[alzelafy]

مينفعش تقارن سكودا بالابيزا انتا عشان شفتهم شكل بعض و قريبين فى الحجم و السعر يبقى تحتار ؟؟؟؟؟؟ لا طبعا دى حاجه و دى حاجه الابيزا انعم فى المشى و اكفأ على الطريق و اثبت و المتور ال 1000 اكفأ من ال 1300 فى الاسكودا و عن تجربه و متسالنيش ازاى و لا تقول عليا عبيط اركب و احكم انتا ليك عقل بردو و الله انا معايا ابيزا 1000 سىسى و المتور بايظ و جايب زيت من سنتين و ماشيه معايا تمام و بشد مع اللانوس ال 1500 و ببهدلها على الطريق