سعر الابيزا 94 و 98 لو بحالة ممتازة

[mohameds2002]

عايز اعرف لو هجيب ابيزا 94 او 98 بحالة ممتازة تعمل كام اليومين دول

و شكرأ جدأ

[NaGaTy]

بص يا معلم من كلام الاخ الكبير لينا كلنا محمد إبيزا ملك الإبيزا أنصحك بإبيزا موديل 94 لإنها أحسن بكتير من ال 98
لكن على الأسعار فأنا 24 ساعه على النت وسوق الجمعه كل اسبوع لإني ناوي اشتريها خلال شهر
فالإبيزا موديل 94 كوبيه تتراوح بينت 25 ل 30
والإبيزا 4 باب فتتراوح بين 30 ل 35
والإثنين بيعتمدوا على حسب الحاله بتاعتهم
لكن ميعدوش الأسعار ديه خالص
وبالتوفيق إن شاء الله ..:)
وفعلا إختيارك كان في محله ..:)

[dadapharma]

السلام عليكم
كنت عايز اسأل ليه الابيزا 94 أحسن من ال98؟؟؟ عشان الموتور 1000 سي سي فى أغلب ال98 ولا ليه؟؟
ولو موتورها الأصلى 1400 سي سي ..يبقا برده ال94 أحسن؟؟
أنا ان شاء الله هأنضم للابيزاويين قريب بس لسه بدور على حاجة فبريكة...
و ربنا يوفقنا جميعا ان شاء الله....

[alzelafy]

هو بيفضل ال 94 عشان كربراتير مش انجكشن و الموتور 1300 لكن لو لقيت 98 انجكشن و موتور 1000 و حالتها نظيفه هاتها على طول حتى لو ب 35 الف بس تكون نظيفه مفيهاش خربوش و يكون تكييفها شغال و بتكون زجاج كهرباء و مرايات كهرباء و سنتر و تتمير ال 98 عن ال 94 بالمفتاح المشفر كمان و دى ميزة حلوة جدا و اكيد فى شويه تعديلات خفيفه من المصنع --- و ابعد عن ال 1400 سىسى عشان دا مش موتورها حاول تجيب ال 1000 بحاله نظيفه عشان تركب و تستمتع

[M.Hassan47]

مع احترامى ليك يامان بس هو ايه اللى مش موتورها انا معايا 98 1400 سىسى وهو ده موتورها اللى نازلة بيه ولو حضرتك سألت ولفيت شوية عند بتوع قطع الغيار وسألتهم الإبيزا 98 نزل منها ايه هايقولك 100 و 1400 وعلى فكره المنتشر هو 1400 وفعلا هو اجمد حاجة فى عربيتى الحمدلله موتور من الأخر

[ehab_mansour]

شوف يا اخ نجاتي
انا اختلف معاك في نقطة ان ال 94 احسن من 98 لأن انا معايا 98 ومحرك 1000 سيسي وبعمل بيها كل حاجه ومافيش اي ابيزا 94 بيعرف يمشي جنبي اصلا المهم في الأخر هو انك تلاقي عربية حالتها نظيفة وبس لكن الفرق بين الإتنين هو في النقاط التالية :-
1- الشكل الخارجي ال 98 احسن شكلا من 94
2- المحرك ال 94 1300 كاربيراتير لكن 98 1000 انجيكشن والإتنين بيعطوك نفس التسارع ونفس السرعة القصوي من 150كم\س الي 160 لكن ال 98 تفرق في معدلات الإستهلاك الممتازة واعلي في السحب والتسارع شوية لأنها انجيكشن بالإضافة لانها مشاكلها اقل من الكاربيراتير لأنها لا تحتاج الي ضبط ولا غيره ولا صيف ولا شتاء طالما تراعي الصيانة الدورية بإنتظام وبقطع غيار اصلية انساها بمعني الكلمة .
3-فرق عمر التشغيل وده ال 98 تكسب لأنك اكيد هتلاقي منها حالة كويسة لأنها بقالها 11 سنة في الشارع غير اللي بقالها 15 سنة هتلاقيها بالسلامة بقت خردة
ده رايي الشخصي ومع احترامي لكل أراء بقية الأخوة