شوية مشاكل ومحتاج مساعدتكم

[Eng. Ekramy Hamdin]

السلام عليكم
العربية إبيزا 99 (1400 سى سى) والمشاكل هى:
1-الفرامل واطيه ومبتمسكش كويس.
2-أمبير الحرارة مبيرفعش لكن المروحة شغالة.
3-الموتور صوته عالى وقارى 12 rpm والعربية واقفة.
4-الفتيس فيه بوش خفيف.
وجزاكم الله خيراً

[M.Mostafa80]

بسم الله الرحمن الرحيم
بالنسبه لمشكله الفرمله أحتمال يكون زيت الباكم ناقص أو محتاج يتغير هو والتيل
أمبير الحراره لو عداد الحراره بس اللى فاصل يبقى فى مشكله فى العداد ولو فى حاجات تانيه فاصله تبقى مشكله عداد سواء كدا أو كدا فى واحد بيصلح عدادت ديجيتل جنب كوبرى الدقى فى الشارع اللى على ناصيته بنزينه مصر للبترول وانت رايح على كليه فنون
الأر بى أم عالى يبقى العربيه كهربتها عاليه ومحتاجه تتظبط ولازم تتجط على الجهاز بعد ما تعملها سيرفس طقم فلاتر وبوجيهات ويتعملها بيزك سيتنج من على الجهاز وهيتظبط معاك ومتنساش تخليه ينظفلك البوابه
البوش اللى فى الفتيس بيبقى فى بيضه فى عصايه الفتيس من تحت محتاجه تتغير ودى ممكن تدوخ عليها شويه ولو رحت لمحمد سمير فى جسر السويس هتلاقيها عندو خدتها منو ب 40 جنيه قبل كدا
وكل دا بسيط ومحلول أن شاء الله

[alzelafy]

اطلع على محمد سمير هيظبطلك كل دة فى نص ساعه و انتا ولقف و الشاشه هات واحدة استيراد ب 200 جنيه و اوعى تدفع فيها شلن الا لما تجربها

[Eng. Ekramy Hamdin]

السلام عليكم:
شكرأً لردودكم وتم حل المشاكل كالأتى:
1-الفرامل واطيه ومبتمسكش كويس.
تم تغيير ماستر وسيرفو
2-أمبير الحرارة مبيرفعش لكن المروحة شغالة.
تم تغيير حساس حرارة الامبير
3-الموتور صوته عالى وقارى 12 rpm والعربية واقفة.
كان فيها بنزين 80 وبمجرد ماحطيت 90 كل حاجة اتظبطت والصوت العالى من بلى الدينامو
وجزاكم الله خيراً

[ehab_mansour]

الحمد لله وربنا يوفقك بس لو تقدر تحط بنزين 92 يبقي تمام وهيفرق معاك كتيييييير جدا في السحب والصوت والاستهلاك