أسعار قطع غيار إبيزا 99

[ehab_mansour]

الحمد لله علي انك خلصت وكل حاجه اظبطت والأسعار اللي انت جبتها دي كويسه بس لقيت العلامة عند مين لأني محتاج واحده وبعدين العاكس اللي موجود عندك ورا ماله وفيه ايه وايه اللي ناقص ؟

[SmartMega]

تسلم ياباشا علي الأسعار دي
وأنا شايف انها أسعار معقوله جدا

[Eng. Ekramy Hamdin]

الحمد لله علي انك خلصت وكل حاجه اظبطت والأسعار اللي انت جبتها دي كويسه بس لقيت العلامة عند مين لأني محتاج واحده وبعدين العاكس اللي موجود عندك ورا ماله وفيه ايه وايه اللي ناقص ؟

السلام عليكم
- العلامة خدتها بالشبكة الامامية السوداء من عند محل فى الشارع اللى فيه الفوال هو انا مش فاكر إسمه دلوقت إن شاء الله لما اروح أشوفلك الكارت بتاعه معايا بس هو على اليمين وانت رايح للفوال وقدامه علطول شارع فيه محل إسمه عالم الجولف وهو عنده شبكه كمان أخت اللى أنا أخدتها.
- العاكس اللى وره انا شارى العربية من غيره بس كده سعره غالى قوى.
- كده باقى السمكرة والدوكو إن شاء الله.
جزاكم الله خيراً على المتابعة والإهتمام.

[Eng. Ekramy Hamdin]

السلام عليكم
الحمد لله قدرت أحول المرآة العادية لكهرباء فكيت موتور المرآة القديمة وركب مكان الموتور اليدوى بتاع المرآة العادية بالضبط
هى المشكلة إن الموتور كان للمرآة اليمين وركبته فى الشمال بس الحمد لله خلفت الكابلين اللى رايحين للموتورين بتوع المرآية الكهرباء وكله بقى تمام
والسلام عليكم

[ehab_mansour]

وعليكم السلام

الحمد لله كدا زي الفل وبالتوفيق ان شاء الله وكويس ان العربية بقت كويسه وموضوع السمكرة والدوكو نصيحة مني لو انت مستخدم جديد في عالم السيارات يبقي تستني شويه لحد ما تبقي متمكن لكن لو خبرة توكل علي الله وظبطها انا عربيتي اشتريتها فيها احتكاكات بسيطة وبعد سنة كاملة بدأت أظبطها سمكرة ودوكو بس كانت بقت لا تطاق بس الحمد لله بقت زي الفل
عايز بس أسألك علي حاجه الواقي الفلين بتاع الصدمات اللي تحت اكصدام عربيتك موجود ولا لأ وكمان تثبيت الإكصدامات كويس ولا اي كلام لأن الحاجات دي محتاجه تظبيط وتثبيت بشكل جيد قبل ما تبدأ في السمكرة والدوكو شوفها كده ورد عليا لأن اي سمكري هتروحله مش هيظبطلك كل حاجه وهيعكها اي حاجه وخلاص أقصد طبعا الإكصدامين اللي قدام واللي ورا

وربنا يوفقك

[Eng. Ekramy Hamdin]

وعليكم السلام

الحمد لله كدا زي الفل وبالتوفيق ان شاء الله وكويس ان العربية بقت كويسه وموضوع السمكرة والدوكو نصيحة مني لو انت مستخدم جديد في عالم السيارات يبقي تستني شويه لحد ما تبقي متمكن لكن لو خبرة توكل علي الله وظبطها انا عربيتي اشتريتها فيها احتكاكات بسيطة وبعد سنة كاملة بدأت أظبطها سمكرة ودوكو بس كانت بقت لا تطاق بس الحمد لله بقت زي الفل
عايز بس أسألك علي حاجه الواقي الفلين بتاع الصدمات اللي تحت اكصدام عربيتك موجود ولا لأ وكمان تثبيت الإكصدامات كويس ولا اي كلام لأن الحاجات دي محتاجه تظبيط وتثبيت بشكل جيد قبل ما تبدأ في السمكرة والدوكو شوفها كده ورد عليا لأن اي سمكري هتروحله مش هيظبطلك كل حاجه وهيعكها اي حاجه وخلاص أقصد طبعا الإكصدامين اللي قدام واللي ورا

وربنا يوفقك

السلام عليكم
الواقى الفلين اللى حضرتك بتقول عليه ده هل لازم أفك الإكصدام علشان أشوفه ولا ممكن اكشف عليه من غير فك؟
- بالنسبه للإكصدام الخلفى زى الفل ومتثبت تمام.
- الإكصدام الأمامى كويس ما عدا من الناحيه الشمال مفكوك هو السمكرى قال إنه حيثبتهولى وكمان عرفت إن فيه ناس متخصصه فى تصليح الإكصدامات الفيبر إيه رأيك أعمله عند مين فيهم؟
والسلام عليكم

[ehab_mansour]

السلام عليكم
الواقى الفلين اللى حضرتك بتقول عليه ده هل لازم أفك الإكصدام علشان أشوفه ولا ممكن اكشف عليه من غير فك؟
- بالنسبه للإكصدام الخلفى زى الفل ومتثبت تمام.
- الإكصدام الأمامى كويس ما عدا من الناحيه الشمال مفكوك هو السمكرى قال إنه حيثبتهولى وكمان عرفت إن فيه ناس متخصصه فى تصليح الإكصدامات الفيبر إيه رأيك أعمله عند مين فيهم؟
والسلام عليكم

السلام عليكم

هو الفلين ده مش هتقدر تشوفه غير لما تفك الإكصدام لكن انت تقدر تعرف هو موجود ولا لأ لو موجود هتلاقي الإكصدام قوي من قدام لما تحاول انك تضغط عليه جامد بإيدك او تزقه جامد ناحية السيارة وليس لأسفل لو الفلين موجود هتلاقي الإكصدام قوي وما بيتحركش كله وبالتالي لما تثبته كويس من الأجناب التثبيت مش هيفك تاني وبالتالي لما تعمل شغل المعجون والدوكو هيفضل شكل العربية كويسه وما يتبهدلش تاني

لكن لو الفلين مش موجود انسي يبقي كل ما تثبت وتقفل بدونه علي اقل ترييح علي الإكصدام هتلاقي كل التثبيت اتخلع وبقي شكله زباله

انا في عربيتي فكيت الإكصدامين ولم اجد فلين وجيبت الفلين اللي بيستخدم في اطباق الورد الصناعي وباستخدام الشمع كمان عملت طبقه اعلي من الأصلي بالنظر وبدأت أخفف منها بالكتر لحد ما بقت زي الفل وبعدين قفلت الإكصدام بقي حديد بفضل الله وكله تمام وبعدين رحت عملت السمكرة والدوكو عليه

معلش اسف اني دايما بطول عليك لكن الحاجات دي مهمة جدا جدا عشان العربية ترجع شكلها حلو تاني والشكل ده ما يضيعش بسرعه وبصراحه انا ما بيعجبنيش شغل اي صنايعي نهائيا كله بيك وبياخد فلوس ويبوظ العربية كمان والله المستعان

وربنا يوفقك لما يحبه ويرضه

[ehab_mansour]

المقصود انك لو تقدر تعمل الموضوع ده ومعاك العدد اللازمة يبقي زي الفل لو ما تقدرش يبقي تروح للسمكري وخلاص وهو يظبطلك الموضوع بس تقف علي ايده وتشوف كل حاجه بنفسك وتتأكد من ان كلشيء رجع لأصله لأن الضمير معدوم للأسف عند ناس كتييييير وربنا يحفظنا منهم

[ahmed azab]

سعر الاكصدامات 99 كام ؟؟؟؟

[Eng. Ekramy Hamdin]

سعر الاكصدامات 99 كام ؟؟؟؟

السلام عليكم
على ما أفتكر الطقم أمامى وخلفى كان ب550.