ابيزا1200 سيستم بورش!!!

[eng_abdou]

السلام عليكم و رحمة الله ,,, وكل سنة وانتم طيبين.

ان عندي ابيزا 1200 سيستم بورش 93 Injection و بحالة جيدة جدا (فابريقة جوة وبرة – الحمد لله) و بدور علي قربة رداتير اصلى او مستعملة مش لاقي.
سوالي الاول: انا عايز حد يقولي اجيبها منين, ولو حد يعرف محل قطغ غيارعنده قربة رداتير Injection لانها مختلفة عن الكربراتير, يا رايت يقولي على مكانة او حتى تليفونة.

سوالي الثانى : ان بسمع صوت التكيهات الصبح وبعد شواية بيروح, مع العلم ان العيب دة راح بعد ما غسلت الماتورمن شهرين :) ولكن عاد مرة اخري من يومين :( , ارجو الرد ان كان احد واجهة هذه المشكلة من قبل وعرف العيب فين , مع العلم ان الموتور متفتحش ولا حد لعب في التكيهات بتعتة.

ولكم جزيال الشكر

[mmabdelaal]

هو ماحدش رد علي السؤال ليه؟؟؟؟؟
السلام عليكم مهندس عبده, أنا برضه لسة شاري ابيزا سيستم بورش موديل 92 بس أنا خام لسة في موضوع قطع الغيار والتضليح والكلام دا, فلو فيه أي معلومة حضرتك ممكن تفيدني بيها يبقي ليك جزيل الشكر

[eng_abdou]

السلام عليكم و رحمة الله
مش عارف محدش رد لية :? ... يمكن محدش يعرف او مش فاكر.
اية المعلومات التى انت محتاجة... اسئل وانا هرد عليك. :lol:

[doglas]

يا مهندس عبده
جربت الحرفيين ؟ او الوكالة ، او فتح الباب ؟

؟

[eng_abdou]

لا مجربتش !!!!
بس انا عرفت ان في واحد اسمة جمــال ابو ســريع في الحرفيين.
ان شاء الله فى نهاية الاسبوع اتحصل علي وقت واذهب الية.

[TAG_Turbo0]

يعنى ايه ابيزا سيستم بورش
ولا تأصد بوش

[eng_abdou]

ابيزا سيستم بورش دة ابيزا موديل 1992 بس الماتور بتاعها 1200 رشاشات (Injection ) و مكتوب علية System Porsche على غطا التكيهات من فوق بطريقة بارزة وواضح اول ما تفتح الكبوت.
علشان كدة الموديل دة اسمة System Porsche.

[mmabdelaal]

أنا برضه صوت التكيهات عندي عالي شوية, شكلي محتاج ظبط تاكيهات فممكن أروح لمين؟ كمان أنا عايز أعرف أسعار قطع الغيار, زي الفوانيس, المساعدين والكبالن وأذا كانت الحاجات دي عامة غالية ولا لأ؟

[eng_abdou]

بالنسبة لموضوع التكيهات ان معرفش حد و كمان بالنسبة لعربيتي الصوت بيروح و بيرجع تانى فا مش شرط انة تكيهات.
بالنسبة لقطع الغيار فهي رخيصة مقارتة باسعار قطع غيار سيارات ثانية.
اسعار قطع الغيار التي اشترتها كما يلي:
فانوس الاشارة بـــ 35 جنية دة التايوان مش اصلى وهو حلو ونظيف والبلاستك بتاعة كويس مش بيتلف من الشمس.
الفانوس الكشاف 170 التايوان والاصلى بــ 270 وازجاج بتاع الفانوس مصري بــ 35 جنية .
فلتر الهوا بــ 35 جنية دة بالنسبة لعربيتي Injection .
قواعد الماتور في 2 زي بعض الوحدة 90 والثالثة ب 120 عشان اكبر ودول اصلي.
فلتر الزيت الالمانى بــ 20 جنية.
طقم ديسك واسطوانة و بلية Valume ب320 تقريبا
كل دة عند واحد في مصر الجديدة في شارع دمشق اسمة سامح وعندة تقريبا كل قطع الغيار بتاعة ابيزا سيستم بورش.
والسلام عليكم.

[Xpert]

انا اللي عاوز اعرفه و بانخور وراه من زمان ...
الموتور ده يركب في ال 128 ؟؟ :twisted:

[titomafia2010]

بص ياجماعة انا اعرف كل الناس بتعوت سيستم بورش كلمنى على الميل SG5952@HOTMAIL.COM

[spiderex777]

لو حد جاوبك ابقي قابلني

يا حبيبي العربية دي قطع غيارها عند واحد بس في الوكالة اسمه محمد كرنك
بس عاوز نصيحتي ؟؟
بيعهاااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااا
و بسرعةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةة
عربية ماحدش بيفهم فيها حاجة خالص و اتحدي حد يقولي ان حد بيعرف يصلحها في مص
علي فكرة انا معايا واحدة موديل 93 سيستم بورش برضة و بانصحك لو العربية حالتها كويسة اخلص منها بسرعةةةةةةةةةةةةةةةةةةةةةةةةةةةةةةةةةةةةةةةةة
قبل ماتتبهدل بهدلة لا كانت علي البال و لا علي الخاطر

[spiderex777]

سامح ابيزا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مع احترامي ده راجل يستاهل الحرق لما نويت اشتري العربية رحت عنده و سالته ايه اللي موجود قاللي كل حاجتها عندي
ماعندوش طرمبة بنزين و لا اسبراتير قاللي اشتري بتاع ريجاتا و لا مرايات و لا مقصات و لا علبة دركسيون و لا رشاشات و لا دراعات نور و لا تابلوه و لا اي حاجة خالص عنده اكصدامات و بسسسسسسسسسسسسسسسسسسسسسسسسسسسسس

[MohabSaeed]

مع احترامي ده راجل يستاهل الحرق لما نويت اشتري العربية رحت عنده و سالته ايه اللي موجود قاللي كل حاجتها عندي
ماعندوش طرمبة بنزين و لا اسبراتير قاللي اشتري بتاع ريجاتا و لا مرايات و لا مقصات و لا علبة دركسيون و لا رشاشات و لا دراعات نور و لا تابلوه و لا اي حاجة خالص عنده اكصدامات و بسسسسسسسسسسسسسسسسسسسسسسسسسسسسس

كحال كل بياعين الكلام ... وجر رجل الزبون . انزل عزبه شلبى وحتسمع العجب ...

[iBiZa]

ان عندي ابيزا 1200 سيستم بورش 93 Injection و بحالة جيدة جدا (فابريقة جوة وبرة – الحمد لله) و بدور علي قربة رداتير اصلى او مستعملة مش لاقي.
سوالي الاول: انا عايز حد يقولي اجيبها منين, ولو حد يعرف محل قطغ غيارعنده قربة رداتير Injection لانها مختلفة عن الكربراتير, يا رايت يقولي على مكانة او حتى تليفونة.

ممكن تسال عند احمد الابيض فى الحرفيين او البيومى فى بورسعيد و دة عندة كل حاجتها بس انا مش معايا نمرتة.

سوالي الثانى : ان بسمع صوت التكيهات الصبح وبعد شواية بيروح, مع العلم ان العيب دة راح بعد ما غسلت الماتورمن شهرين :) ولكن عاد مرة اخري من يومين :( , ارجو الرد ان كان احد واجهة هذه المشكلة من قبل وعرف العيب فين , مع العلم ان الموتور متفتحش ولا حد لعب في التكيهات بتعتة.

انا الى عرفتة ساعتها ان التاكيهات بتاعتها بتشتغل بضغط الزيت عشان كدة اول ما تدور تسمع صوتها لحد ما تبتدى تسخن تلاقى الصوت راح.

انا اللي عاوز اعرفه و بانخور وراه من زمان ...
الموتور ده يركب في ال 128 ؟؟ :twisted:

الموتور دة نفس قواعد الRitmo و الRegata فا لو زى ال128 يبقى ينفع.

مع احترامي ده راجل يستاهل الحرق لما نويت اشتري العربية رحت عنده و سالته ايه اللي موجود قاللي كل حاجتها عندي
ماعندوش طرمبة بنزين و لا اسبراتير قاللي اشتري بتاع ريجاتا و لا مرايات و لا مقصات و لا علبة دركسيون و لا رشاشات و لا دراعات نور و لا تابلوه و لا اي حاجة خالص عنده اكصدامات و بسسسسسسسسسسسسسسسسسسسسسسسسسسسسس

سامح بيشوف اية الى مش موجود و بيروح اسبانيا يجيبة و يبيعة باسعار فى السما.