جنط الابيزا

[shafey]

انا الحمد للة اشتريت ابيزا 2009 و عايز اجنط ممكن حد يساعدنى و يقولى اجيب جنوط منين وكام . الجنط الاصلى 15

[M.Mostafa80]

أنزل شوف فى الحرفيين وانت وحظك وربنا يوفقك وتلاقى
يأما التوكيل بس طبعا هيبقى نار سبايسى على الأخر

[masterzmind]

يا باشا لو سمحت تعمل تقرير عشان العربية دية هتجننى والله العربية جامدة موت وتبترونيك ومتور وفتيس vw والمتور vw jeta والعربية مش بشوفها كتير مش عارف لية ناس تقول لى بطيئة وناس تقولى قطع غيرها غالية ....................

بخصوص الجنط فى kenzo محل جامد اوى وعلى العموم خوش على facebook هوة لية group جامد اوى وفى كل حاجة من جنوط وزنون

[ehab_mansour]

الف مبروك يا باشا علي العربية الجديدة انا طبعا ما عنديش فكرة عن موضوع الجنوط لكن فقط حبيت أهنبيك وأباركلك علي العربية الجديدة وبعدين دي مش اي عربية دي إبيزا ودي من احب العربيات ليا لأني ركبت وجربت عربيات كتييييير والمفروض انها اعلي في الفئة من عربيتي ومعايا ابيزا 98 ولكن احساس قيادتك للعربية دي مختلف تماما عن اي سيارة أخري رغم صغر محركها 1000 سيسي ومع ذلك لا اطلب منها شيئا في اي موقف وتخذلني .

وأخيرا مرة اخري اهنيك علي اختيارك والف مبروك وربنا يارب ان شاء الله يبارك لك فيها ويعطيك خيرها ويبعد عنك شرها
وصدقني انت احسنت الأختيار وبالتوفيق

[shafey]

اللة يبارك فيكم . انشاء اللة هعمل التقرير بعد صيانة ال5000 كم . دلوقتى العربية عملة 4300 كم .على فكرة العربية لونها احمر

[solid_khaled]

الف مبرك i love ibiza هيا كام سى سى وسعرها كام

[shafey]

1600cc ستيب ترونك 6 سرعات و السعر 112000

[alzelafy]

ربنا يباركلك فيها و اختيار موفق

[masterzmind]

هى سعرها 109 انت اواى جبتها 112

[mr_shims_49]

الف مبروك يا باشا ربنا يديك خيرها و يكفيك شرها انا بردو لسه شاري ابيزا 2009 بس لونها جراي غامق بس انا لسه جايبها الخميس اللي فات و مرخصتش لسه كنت عايز اعرف منك بس رسوم الترخيص لمدة سنة بتكون كام بالظبط لو سمحت و ربنا يوفقك و تلاقي الجنط و لو لاقيته قولي بردو يمكن اجيبوا معاك و بص انا ايميلي هكتبهولك ياريت تضيفني و نكون اصحاب انا اسمي سامح محمد و ايميلي dnt.speak@hotmail.com
, انا جايبهاب 110 علي فكرة من المصرية