الحمد لله إشتريتها بس محتاجكم

[NaGaTy]

الحمد لله اشتريت ابيزا موديل 99 والحمد لله العربيه حالتها كويسه بس في بعض المشاكل ياريت تفيدوني في حلها
صاحب العربيه كان مهبطها فسألت ميكانيكي عشان كان بيغير البوجيهات
فبقول ليه هو انا عاوز اجيب مساعدين جداد عشان وهي متهبطه بتحك جامد في المطبات
فقال ليا مينفعش ترفع العربيه خالص حتى لو غيرت المساعدين
عشان الموتور بتاعها تقيل لإنه الموتور بتاعها جولف 1400 س س
هل كلامه صح وهتفضل تحك معاي في كل مطب ولا إيه
ياريت تساعدوني ضروري يا جماعه ..
لإني بجد محتار ومعرفش حد ورحت لشارع كله ميكانيكيه وكلهم نازلين إشتغالات فيا
مستني ردكم بفارغ الصبر

[ehab_mansour]

السلام عليكم
الف مبروك يا نجاتي علي العربية وربنا يباركلك فيها
موضوع التهبيط ده انا ما بفهمش فيه لأني ما بحبش اللعب والتغيير في اصل وشكل العربية الحقيقي والمكونات الأوريجينال
بس حبيت اباركلك بس عشان بقالك فترة بتدور وكويس انك وصلت للي انت عايزه وربنا يسهل وتلاقي حد بيفهم في الموضوع ده او عمله قبل كده يقدر يفيدك

[NaGaTy]

الله يبارك فيك يا اخ ايهاب
وبجد شكرا جدا على محاولتك مساعدتي
وياريت لو مفهاش ازعاج يا جماعه انا عاوز متخصص كهربائي للإبيزا
وميكانيكي للجولف لان المكنه اللي فيها جولف
وربنا يخليك يا ايهاب على المباركه ..:)

[alzelafy]

على ما اعتقد انك احتمال تغير العفشه الاماميه عشان تستحمل حمل الموتور ال 1400 عموما فى الحرفيين فاهمين اوى فى الموضوع دة عشان هما اللى بيسقطو المواتير ال 1400 و مش عارف بيغيرو معاة العفشه و لا لا عندك السراج جنب الشيخ حسن مشهورين اوى هيبصو على العربيه و يقولك فيها ايه

[ehab_mansour]

الله يبارك فيك يا اخ ايهاب
وبجد شكرا جدا على محاولتك مساعدتي
وياريت لو مفهاش ازعاج يا جماعه انا عاوز متخصص كهربائي للإبيزا
وميكانيكي للجولف لان المكنه اللي فيها جولف
وربنا يخليك يا ايهاب على المباركه ..:)

السلام عليكم
ياريت لو ممكن تقلنا العربية فيها ايه عشان ممكن نفيدك ونقلك تروح لمين وكمان انت اصلا منين في القاهرة عشان نعرف ندلك علي حد يكون قريب منك وتقدر تنزل تعمل شغل في الحرفيين ولا لأ ؟

رد علي الأسئلة دي اولا وبعدين ربنا يسهلها

[NaGaTy]

انا من الهرم من الطالبيه
والعربيه فيها عيوب كالأتي
العربيه بتنتش ومش عارف إيه الحل .؟؟؟؟!!!!!
والراجل اللي اشترتها منه مهبط العربيه جامد اوي
رحت النهارده لواحد بتاع عفشه
قال ليا الموضوع سهل وبسيط
وهنشيل السوست ونحط سوست جديده والعربيه هترجع لإرتفاعها الطبيعي
وقال ليا هنعمل حل تاني وهو هنركب للسوست علايات وهترجع لإرتفاعها الطبيعي
تنصحوني أعمل إيه ..؟؟!!!
هو نصحني انه هينزل تحت العفشه وهيبص على السوست
وهيشوف الحل الأمثل والأصح وهيعمله
هل الراجل ده بيفهم ولا لا ..؟؟
يا جماعه ياريت تساعدوني بليز

[M.Mostafa80]

بص عشان العربيه ترجع لحالتها الطبيعيه هتنزل تجيب أربع يايات بالمساعدين بتعهم أستيراد لأنهم مش هيردو يدهملك من غير المساعد
وتركبهم حته موتور 1400 دى مش هتفرق لأن بيتهيئلى مدام ركب يبقى مش موتور جولف فى الغالب موتور بولو 1400 وبيبقى بنفس القواعد ونفس الوزن ونفس الحجم كل الفرق بيبقى فى البلوكه ان البستم من الداخل بيبقى أكبر
فا هتجيبهم وتركبهم هيتظبط معاك أرتفاع العربيه الطبيعى
العلايات ممكن تقوم بنفس الدور بس النتيجه مش مضمونه لأنها ممكن تعلى عن الطبيعى بتاعها فتأثرعلى الثبات
أما موضوع الموتور وحد بيفهم فيه
فعند فولكس سنتر أمام مدارس حفر الباطن بالطريق السياحى الهرم
أو محمد على طريق بشتيل أمبابه
أو تنزل الحرفيين فى كذا واحد هناك
والموضوع بسيط ان شاء الله

[ehab_mansour]

بص عشان العربيه ترجع لحالتها الطبيعيه هتنزل تجيب أربع يايات بالمساعدين بتعهم أستيراد لأنهم مش هيردو يدهملك من غير المساعد
وتركبهم حته موتور 1400 دى مش هتفرق لأن بيتهيئلى مدام ركب يبقى مش موتور جولف فى الغالب موتور بولو 1400 وبيبقى بنفس القواعد ونفس الوزن ونفس الحجم كل الفرق بيبقى فى البلوكه ان البستم من الداخل بيبقى أكبر
فا هتجيبهم وتركبهم هيتظبط معاك أرتفاع العربيه الطبيعى
العلايات ممكن تقوم بنفس الدور بس النتيجه مش مضمونه لأنها ممكن تعلى عن الطبيعى بتاعها فتأثرعلى الثبات
أما موضوع الموتور وحد بيفهم فيه
فعند فولكس سنتر أمام مدارس حفر الباطن بالطريق السياحى الهرم
أو محمد على طريق بشتيل أمبابه
أو تنزل الحرفيين فى كذا واحد هناك
والموضوع بسيط ان شاء الله

السلام عليكم
الله ينور عليك يا محمد انا برضه لما لقيته من ولاد منتطقتك ما رديتش اتكلم سبت الموضوع وعارف انك كبير المنطقة هناك وكبيرنا احنا كمان حمدا لله علي سلامة وصولك

[M.Mostafa80]

السلام عليكم
الله ينور عليك يا محمد انا برضه لما لقيته من ولاد منتطقتك ما رديتش اتكلم سبت الموضوع وعارف انك كبير المنطقة هناك وكبيرنا احنا كمان حمدا لله علي سلامة وصولك

وعليك يابشا الله يسلمك وبعدين كبير أيه بس ياراجل دا ميجيش حاجه جمب اللى بتعملوه أنت والأخوه الأفاضل فى القسم هنا

[NaGaTy]

للأسف أنا ركبت علايات وهستلمها إن شاء الله بكره والعفشجي قال ليا حتى لو جبت ليها سوست مش هتستحمل لكن العاليات هتستحمل والراجل كان ممكن يقول ليا هات سوست مع إن السوست أغلى ..!! بس قال ليا العلايات أحسن لان السوست والمساعدين إسبور .. وهتديك برده نفس الإرتفاع الطبيعي بتاعها .. المهم انا الحمد لله دلوقتي حليت موضوع الإرتفاع لإنها كانت متهبطه جامد اوي اوي اويوبعدين ناقص ليا موضوع النتشه ده العربيه بتنتش بيا وانا ماشي بيها .. ليه ..؟؟! ياريت تقول ليا حل موضوع النتشه ((الرجرجه)) ده ..

[kojyad]

الف مبروك ياباشا وربنا يباركلك فيها يارب ويكفيك شرها

ممكن تقولنا جبنها بكام ؟ وايه مواصفاتها يعني التكييف والباور ولا عادي .......

[mr_shims_49]

للأسف أنا ركبت علايات وهستلمها إن شاء الله بكره والعفشجي قال ليا حتى لو جبت ليها سوست مش هتستحمل لكن العاليات هتستحمل والراجل كان ممكن يقول ليا هات سوست مع إن السوست أغلى ..!! بس قال ليا العلايات أحسن لان السوست والمساعدين إسبور .. وهتديك برده نفس الإرتفاع الطبيعي بتاعها .. المهم انا الحمد لله دلوقتي حليت موضوع الإرتفاع لإنها كانت متهبطه جامد اوي اوي اويوبعدين ناقص ليا موضوع النتشه ده العربيه بتنتش بيا وانا ماشي بيها .. ليه ..؟؟! ياريت تقول ليا حل موضوع النتشه ((الرجرجه)) ده ..

بص يا باشا انا مش عندي خبرة كبيرة في الموضوع ده بس اعتقد ان التنتيش ده عيب رشاشات و الله و اعلم و استني برده نتاكد من حد من الناس الخبرة