مساعدة عاجلة

[batros]

عايز اعرف البوابة بتاعت الانجكشن للابيزا ال 98 تعمل كام تقريبا وكمان طقم الرشاشات وهيكونوا جداد ولا استراد

وكمان انا بفكر انزل موتور 1400 بفتيسه وبكنتروله وبتكييفه يا ترى هيعمل كام وانزله فى الحرفيين ولا بورسعيد وهل بيكون عليه ضمان ولا لا

واسف لازعاجى ليكوا

اخوكو الابيزاوى الجديد

[M.Mostafa80]

البوابه من 400 ل 500 وماتتعرفش أذا كانت كويسه ولا لأ ألا أذا اتحطيت على الجهاز بعد ماتركب بس طبعا فى أوليات ولو هتنزل موتور بورسعيد هتبقى أرخص من الحرفيين بس التعب والمشوار لو دول مش هيفرقو معاك يبقى فله
أما السعر فهيبقى فى حدود 4000 ل 5000 لو مسقط مكنه نضيف بمشتملاتها بضيفريتها بكنترولها بسلاطتها با بابا غنوجها

[ehab_mansour]

عايز اعرف البوابة بتاعت الانجكشن للابيزا ال 98 تعمل كام تقريبا وكمان طقم الرشاشات وهيكونوا جداد ولا استراد

وكمان انا بفكر انزل موتور 1400 بفتيسه وبكنتروله وبتكييفه يا ترى هيعمل كام وانزله فى الحرفيين ولا بورسعيد وهل بيكون عليه ضمان ولا لا

واسف لازعاجى ليكوا

اخوكو الابيزاوى الجديد

السلام عليكم

معلش ممكن اعرف ايه السبب انك عايز تغير البوابة والرشاشات ارجو التوضيح وبيتهيئلي ان عربيتك 1000 سيسي مش كده ؟
لأن انا عندي نفس العربية وفكيت البوابة دي حته حته وتقريبا متأكد انها مستحيل تبوظ غير لو حصل فيها عيب ميكانيكي او اتلعب فيها من جوه

مستني ردك