هل عفشة الليون سبورت ناشفة ؟

[عبد الرحمن اسامه]

السلام عليكم،
انا معايا ليون سبورت 2009 الهي جنوت 17" انا حاسس إن عافشتها ناشفة ، حد عندو زيها او اي عربية الماني بعافشة سبورت، يقولي ايه رأيوا فيها؟
او حد يكون ركب عربية الماني سبورت و زيها عادية يقول الفرق بينهم؟

[mr_shims_49]

الحقيقة مش عارف يا عبد الرحمن بس اللي اعرفه ان معظم العربيات اللي جنوطها كبيرة بتنشف العفشة و ده مقابل الثبات علي الطريق فا اعتقد ان العفشة ناشفة عندك بسبب الجنط ال 17 اللي راكب و الله و اعلم

[عبد الرحمن اسامه]

سعات بحترمه اوي و بحث ان العفشة محترمة جدا، و ساعات لو معايه الاسرة بيصعبة عليا، او و انا راجع من الشغل و خلصان، ده في حالة اني عديت علي اي شارع مكسر ، لكن الشوارع العادية ، عدي مبتحسش بفرق

[beihoo]

انا عاوز أقول حاجة .. فعلا العفشة ناشفة شوية .. بتظهر في الشوارع المكسرة جامد أو المطبات المتتالية .. يمكن عشان مكنتش بعدي على مطبات كتيرة و المطبات اللي باخدها كانت بتبقى العربية ناعمة لكن بعد تجربة في طريق السويس عن الكيلو 4.5 حسيت إن العربية عفشتها ناشفة شوية.

[mr_shims_49]

انا لسه ماحستش ان العافشة ناشفة اوي مع اني بمشي كتيير في شوارع مكسرة و ياجماعة ماتنسوش العفشة مع الاستخدام هاتبقي انعم من كده شوية كمان

[عبد الرحمن اسامه]

انا عاوز أقول حاجة .. فعلا العفشة ناشفة شوية .. بتظهر في الشوارع المكسرة جامد أو المطبات المتتالية .. يمكن عشان مكنتش بعدي على مطبات كتيرة و المطبات اللي باخدها كانت بتبقى العربية ناعمة لكن بعد تجربة في طريق السويس عن الكيلو 4.5 حسيت إن العربية عفشتها ناشفة شوية.

انت عربيتك عافشة سبورت ولا عادي ؟

انا عربيتي عافشة سبورت زي ممكتوب في الموقع بتاع سيات sport suspension و اعتقد زي ماحد قال قبل كده هنا إن دي المساعدين بس.

[mr_shims_49]

انا اعتقد ان العافشة عادية مش سبورت انا ماسالتش بصراحة بس ماحدش قال خالص ان الكوردوبا او الابيزا عافشة سبورت
ده حتي نازلين بطاسات مش جنوط سبور

[beihoo]

انت عربيتك عافشة سبورت ولا عادي ؟

انا عربيتي عافشة سبورت زي ممكتوب في الموقع بتاع سيات sport suspension و اعتقد زي ماحد قال قبل كده هنا إن دي المساعدين بس.

هي طالما العفشة سبورت تبقى غالبا ناشفة و ده لازم لأنها مصممة للصدمات العنيفة فرد الفعل لازم يكون ناشف عشان ما تتكسرش .. معظم العربيات اللي بتنزل مصر دلوقت بينزل فيها عفشة ناشفة علشان تعطي ثبات أكتر و السبب الأهم عشان شوارع مصر الحريرية.

[mr_shims_49]

هي طالما العفشة سبورت تبقى غالبا ناشفة و ده لازم لأنها مصممة للصدمات العنيفة فرد الفعل لازم يكون ناشف عشان ما تتكسرش .. معظم العربيات اللي بتنزل مصر دلوقت بينزل فيها عفشة ناشفة علشان تعطي ثبات أكتر و السبب الأهم عشان شوارع مصر الحريرية.

ههههههههههههههههههههههه فعلا الشوارع عندنا حريررررررررررررررر

[عبد الرحمن اسامه]

والله ساعات ببقي سعيد بيها و مش فارقة معايا و ساعات بحس انها ممتازة بس ياريت كانت عافشتها انعم.

[mr_shims_49]

والله ساعات ببقي سعيد بيها و مش فارقة معايا و ساعات بحس انها ممتازة بس ياريت كانت عافشتها انعم.

انا اعتقد انها مع الوقت هاتبقي انعم من كده ان شاء الله و ربنا يباركلك فيها يا عبد الرحمن ان شاء الله

[mohammedwa]

اولا انا مبسوط اني لاقيت عضو في نايل موتورز معاه العربيه اللي انا بحبها...يا ريت يا استاذ عبدالرحمن ليون احكيلي بقى عنها وخصوصا الثبات..وهل بمكن مقارنتها بالامبريزا في حكايه الثبات...واسف للاطاله

[mr_shims_49]

يا باشا عبد الرحمن عامل تقرير كامل عن العربية اقراه هاتعف عنها كل حاجة

[hossaam]

انا الحمد لله معايا الليون 2009
رأيي الشخصي..ان عفشتها مش ناشفة اوي ومش ناعمة
ومتنسوش انها سيارة يفترض انها ذات اداء رياضي نوعا ما
ويمكن لو الشوارع عندنا افضل مكناش حسينا بمشكلة اوي
عموما بالنسبة لي..العفشة مش مسببه لي متاعب
وكل اللي يركب معايا..يشكر لي في راحة الجلوس والسير ولو لمسافات طويلة

[عبد الرحمن اسامه]

انا الحمد لله معايا الليون 2009
رأيي الشخصي..ان عفشتها مش ناشفة اوي ومش ناعمة
ومتنسوش انها سيارة يفترض انها ذات اداء رياضي نوعا ما
ويمكن لو الشوارع عندنا افضل مكناش حسينا بمشكلة اوي
عموما بالنسبة لي..العفشة مش مسببه لي متاعب
وكل اللي يركب معايا..يشكر لي في راحة الجلوس والسير ولو لمسافات طويلة

اهلا اهلا اخيرا حد تاني معاه ليون، اتمني تكو قرأت التقرير بتاعي عن السيارة، و يا ريت تعمل تقرير انت كمان او ترد علي التقرير بتاعي برأيك في العربية.

انت المعاك فيها جنوط كام ؟