مجرد راى فى الابيزا

[ibiza50]

يا محبى السيات و خصوصا الابيزا عندى بعض الانتقادات للابيزا خصوصاً ال1000 موديل 98
انا معايا العربى دى من الزيرو و بعد لما اشتريتها اكتشفت عيوب كتيره جداً و ارجو ان لوحد متفق معايا فى اللى حقولة يرد بعد اذنكم
انا حقول المميزات الاول

1. العربيه ثابته و مالهاش حل فى الثبات
2. بالرغم من موتورها الصغير جدا على وزنها اللى بالظبط 940 كيلو الا انها بتجيب 165 ك/س و كانها واقفه بدون مبالغه بالرغم ان الكتالوج بيقول السرعه القصوى 145
3. انا ماشى بيها 190 الف كيلو من غير ما اغير طقم الدبرياج ودى حاجه لاتصدق
4. قطع الغيار اجمالا بتعمر
5. استهلاك البنزين ممتاز و هى فعلا اقتصادية
6. جسم العربيه متعالجه ضد الصدا

العيوب او المشاكل اللى ظهرت معايا خلال ال11 سنة

1. العربية المفروض بتشتغل ببنزين اما 95 او 98 و دى فى حد زاتها مشكلة كبيره
2. بسبب البنزين ال 90 او 92 باظت علبة الشكمان الاولى اللى هى الكتالايزر بعد حولى 80 ال كيلو تقريباً وحتى الان و مسببه ارتفاع فى صوت العربيه
3. دراع الاشارات اتحرق و الانوار كلها نورت
4. الزجاج الكهرباء كل سنة لازم يتصلح او يتغير
5. عفشة العربية الخلفية مش مريحه فى المطبات نهائياً
6. فرش الباب بيقب لوحده وده عيب شائع جداً
7. التابلو الجزء الاوسط بيتكسر لوحده
8. عيب فى اسلاك البوجيهات
9. صندوق التروس بتاعها بيخبط خصوصا فى الصباح و اثناء المشى ليه فى بعض النقلات صوت
10. وش العربية ضعيف جداً من اقل تريجه بيتأثر

اللى ظهر عنده الحجات دى ياريت يقولى

[mr_shims_49]

سلاموا عليكوا بص يا باشا انا معايا ابيزا 2009 بس بعد اذنك احب اعلق علي كلامك

العيوب او المشاكل اللى ظهرت معايا خلال ال11 سنة

1. العربية المفروض بتشتغل ببنزين اما 95 او 98 و دى فى حد زاتها مشكلة كبيره
2. بسبب البنزين ال 90 او 92 باظت علبة الشكمان الاولى اللى هى الكتالايزر بعد حولى 80 ال كيلو تقريباً وحتى الان و مسببه ارتفاع فى صوت العربيه

بص يا باشا انا شايف ان دي مشكلة بلدنا مش مشكلة العربيةيعني لو انت في اي بلد تانية كان زمانك بتحط 95 او 98 و كان الشكمان مش هايبوظ ومكانتش دي هاتبقي مشكلة بالنسبالك و بعدين في هنا 95 بس اكيد ساعتها ماكنش طلع فا لو الموضوع مضايقك ممكن تركب الكاتلايزر دلوقت و تبدأ تحط 95 بس هو غالي عشان مصر برده

العيوب او المشاكل اللى ظهرت معايا خلال ال11 سنة

1. دراع الاشارات اتحرق و الانوار كلها نورت

اعتقد ان ده عادي بعد 11 سنة استخدام و ده بكون بسبب انك حملت علي دراع النور مثلا اعدت ترعش كتير او اي حاجة من دي و خصوصا لو مركب زينون و الحركة حصلت معايا في النوبيرا بس بعد سنتين استخدام شوف انت الفرق 9 سنين

1. الزجاج الكهرباء كل سنة لازم يتصلح او يتغير

اعتقد ان في حاجة معينة رئيسية باظت فا ممكن انت كل مرة بتحل حاجة بسيطة و بتسيب المشكلة الرئيسية او ممكن الكهربائي هو اللي مش بيعملها كويس عشان تروحلو تاني او مش بيحل المشكلة الرئيسية

العيوب او المشاكل اللى ظهرت معايا خلال ال11 سنة

1. عفشة العربية الخلفية مش مريحه فى المطبات نهائياً

هي كده من اول ما جبتها ولا مع الاستخدام بقت كده و هل انت مركب جنوط ولا بجنوطها الاصلية

العيوب او المشاكل اللى ظهرت معايا خلال ال11 سنة

1. فرش الباب بيقب لوحده وده عيب شائع جداً

11 سنة يا باشا اعتقد ان خد شمس كفاية تفك اي لزق في الدنيا و تخليه يقب

العيوب او المشاكل اللى ظهرت معايا خلال ال11 سنة

1. التابلو الجزء الاوسط بيتكسر لوحده
2. عيب فى اسلاك البوجيهات
3. صندوق التروس بتاعها بيخبط خصوصا فى الصباح و اثناء المشى ليه فى بعض النقلات صوت
4. وش العربية ضعيف جداً من اقل تريجه بيتأثر

مااعتقدش ان التابلوه بيتكسر لوحده اكيد في سبب لان لو بيتكسر لوحده مش هايعد 11 سنة و بعد كده يتكسر لوحده

عيب في سلوك البوجيهات اعتقد انها حاجة استهلاكية بتتغير كل فترة اصلا في اي عربية

صندوق التروس الله واعلم بصراحة مش عارف ده ايه

كتييير جدا من العربيات الجديدة وشها فيبر الرفارف الامامية بيكون نوع من الفيبر و ده في البيجو برده كده فا اعتقد ان الصاج افضل مهما كان ضعيف


نيجي بقي للمميزات

انا حقول المميزات الاول

1. العربيه ثابته و مالهاش حل فى الثبات
2. بالرغم من موتورها الصغير جدا على وزنها اللى بالظبط 940 كيلو الا انها بتجيب 165 ك/س و كانها واقفه بدون مبالغه بالرغم ان الكتالوج بيقول السرعه القصوى 145

ميزة جامدة جدا الثبات الفظيع ده و انا مصدق كلامك لأني مجربه في عربيتي فعلا ماشاء الله ثابتها وهمي بجد

انا حقول المميزات الاول

1. انا ماشى بيها 190 الف كيلو من غير ما اغير طقم الدبرياج ودى حاجه لاتصدق

ما شاء الله لا تعليق بجددددددددددددددددد

1. قطع الغيار اجمالا بتعمر
2. استهلاك البنزين ممتاز و هى فعلا اقتصادية
3. جسم العربيه متعالجه ضد الصدا

ما شاء الله ربنا يباركلك فيها انا بجد شايف العربية دي كده تحفة بجد ومعمرة و اعتقد ان مميزاتها كفيلة بانها تغطي علي عيوبها ولا انت رايك ايه يا باشا يعني بغض النظر عن العيوب و المميزات هل انت راضي عن العربية ولا لأ و لو رجعت بيك الايام 11 سنة و انت رايح تشتري عربية هاتشتري الابيزا ولا هاتغير رايك

واسف اني طولت عليك
سامح محمد

[alzelafy]

انا معاك فى موضوع التابلوة و الجزء الاوسط بيتكسر من اقل حاجه العربيه ثباتها فظيع الفتيس لا غبار عليه ممتاز جدا و ناعم فى النقل موضوع البنزين انا بحطلها 80 بقالى سنتين بدون اى مشاكل رغم ان اصدقاء كتيير انتقدونى بس بالتجربه العمليه مفيش اى مشاكل و انا انجكشن و 1000 سىسى الوش الفيبر بتاعها فعلا اى ترييحه بتبان عليه بس دا كلو فى العربيات الجديدة العفشه ناعمه و كوسه بس هى ممتازة و امينه جدا على الطريق

[ibiza50]

الصديق سامح محمد
احب اقولك حاجه انا بشكرك على مشاركتك وردك عليا
العيوب دى ظهرت بعد لما اشتريتها بسنه تقريباً وانا هحاول ارد على كل نقطه من الاول

البنزين ال 98 او 95 المفروض ان المستورد يجيب العربيه بمواصفات بلده يعنى يطلبها تشتغل بالبنزين اللى كان موجود فى مصر وقتها اللى هو 90فدى غلطه التوكيل اللى لم يوضح هذا لما اشتريت العربيه

دراع الاشاره باظ فى الشهر ال15 يعنى بعد الضمان ما خلص ب 3 شهور و ده عيب فى كل الموديلات من 94 الى 99 و التوكيل بيعالج العيب بوضع كتاوت على ذراع الاشارة و هما فى التوكيل كانو عارفينت كده بالرغم من ان اللمبات الاصليه 60 وات وانا ماكنتش مركب او معدل حاجه خالص

اما الزجاج الكهربائى برده عيب فى كل الموديلات من 94 الى 99 و يمكن بعد كده كمان و على فكره انا كل تصليح العربيه فى التوكيل حتى الان

الجزء الاوسط من التابلو
فعلا بيتكسر لوحده تصبح يوم تلاقية فيه شرخ فى حته غريبه وده ظهر بعد 3 سنوات تقريبا و انا غيرته برده فى التوكيل و كان ب 300 جم و برده اتكسر وده فى رايى انا عيب فى هندسه تصميم التابلوه و الخامات المستخدمة
و فى النهاية لو الايام رجعت تانى كنت هاشتريه برده
مع تحياتى للصديق سامح

[mr_shims_49]

انا معاك فى موضوع التابلوة و الجزء الاوسط بيتكسر من اقل حاجه العربيه ثباتها فظيع الفتيس لا غبار عليه ممتاز جدا و ناعم فى النقل موضوع البنزين انا بحطلها 80 بقالى سنتين بدون اى مشاكل رغم ان اصدقاء كتيير انتقدونى بس بالتجربه العمليه مفيش اى مشاكل و انا انجكشن و 1000 سىسى الوش الفيبر بتاعها فعلا اى ترييحه بتبان عليه بس دا كلو فى العربيات الجديدة العفشه ناعمه و كوسه بس هى ممتازة و امينه جدا على الطريق

تمام يا باشا ياريت باقي الناس اللي معاهم ابيزا 98 يقولوا رايهم

[ibiza50]

انا معاك فى موضوع التابلوة و الجزء الاوسط بيتكسر من اقل حاجه العربيه ثباتها فظيع الفتيس لا غبار عليه ممتاز جدا و ناعم فى النقل موضوع البنزين انا بحطلها 80 بقالى سنتين بدون اى مشاكل رغم ان اصدقاء كتيير انتقدونى بس بالتجربه العمليه مفيش اى مشاكل و انا انجكشن و 1000 سىسى الوش الفيبر بتاعها فعلا اى ترييحه بتبان عليه بس دا كلو فى العربيات الجديدة العفشه ناعمه و كوسه بس هى ممتازة و امينه جدا على الطريق

اهلا بالصديق
العربيه مصممة للبنزين 98 و 95 يعنى حتى ال90 مش بتاعها اعتقد انك بتتعبها كتير بالبنزين ال80 وده اكيد بينعكس فى اداء و سحب و نعومة العربيه
اما العفشه الخلفيه هى وحشه فى حاجه و حلوه فى حاجه هى حلوه فى انها ثابته و مثبته العربيه بس فى اى نوع مطبات بتسمه فى كل العربيه و بترجها جامد من وهى زيرو و غير ت المساعدين و لقيت العيب هو هو و العربيه بدون تغيير و الكلام ده مع اى نوع كاوتش

[mr_shims_49]

الصديق سامح محمد
احب اقولك حاجه انا بشكرك على مشاركتك وردك عليا
مع تحياتى للصديق سامح

ربنا يخليك الف شكر يا باشا

و مفيش حاجة كاملة 100 % بس انا برده رايي زيك كده ان العربية كويسة جدا و مميزتها تطغي علي عيوبها

و انا فرحت جدا لما حضرتك قلت انك لو الايام رجعت بيك تاني كنت هاتشتريها طمنتني علي مستقبلي مع ال 2009 ان شاء الله اني زي ما الناس هنا كلها قالتلي اني ان شاء الله عمري ماهندم اني جبت ابيزا
و اعذرني مرة تانية لو طولت عليك
و تحياتي ليك

[batros]

الى الاستاذ ابيزا 50
انا معايا ابيزا 98 بقالى سنة بس هقولك على اللى اعرفه
اول حاجة اللى كنت شاريها منه كان بيحطلها بنزين 80 ربنا يسامحه وده طبعا مبوظلى الانجكشن شويه وسادسدلى الرشاشات وان شاء الله هروح اظبط الكلام ده فى التوكيل قريب مع انى مش عارف هيتكلفوا كام
ذراع الاشارات الحمد لله بخير وهو فابريقة
الزجاج الكهرباء الحمد لله سليم بس الخلفى هو اللى باظ مع العلم انها 4 زجاج كهرباء
والكلام الباقى صح تقريبا

1. عفشة العربية الخلفية مش مريحه فى المطبات نهائياً ده صح
   
2. فرش الباب بيقب لوحده وده عيب شائع جداً
   
3. التابلو الجزء الاوسط بيتكسر لوحده العيب ده بقى ابن 60 فى ا70 انا جبته مره واتكسر تانى
   
4. صندوق التروس بتاعها بيخبط خصوصا فى الصباح و اثناء المشى ليه فى بعض النقلات صوت
5. وش العربية ضعيف جداً من اقل تريجه بيتأثر

[mr_shims_49]

الردود بدأت تزيد اهيه ياريت كمان باقي الناس تقول رايها

[ehab_mansour]

السلام عليكم

وانا كمان معايا ابيزا 98 1000 سي سي نفس المميزات اللي هو قالها لكن فيه عيوب ظهرت عنده ولم تظهر عندي علي الرغم ان العربية معايا بقالها سنة ونصف ومنها ان الجزء الأوسط من التابلوه سليم ولم يحدث له شيء وعيب البنزين ده عيب بلدنا مش المصنع ولا التوكيل لأن المصنع له مواصفات خاصة لا يغيرها بتغير الموزع
وكمان موضوع العفشة ده مش موجود انا من وقت ما اشتريت العربية دي عملت بيها 50 الف كيلو في سنة وشهرين ما شاء الله لم اغير اي شيء في عفشة العربية وحتي الأن بالمساعدين الأصلي بقالها 11 سنة و241 الف كيلو
ذراع الإشارات سليم وفبريقة ولم يتم تغييرة وفي اعتقادي ان باظ بسبب سوء الإستخدام ودي بتفرق من مستخدم لأخر

باقي العيوب فعلا موجودة وللأمانه انا ماعنديش زجاج كهرباء عشان اكون منصف ومحق
أخيرا بقيت العيوب دي شيء طبيعي لأن لازم يكون فيه عيوب عشان يتم تصحيحها في التصميمات الحديثة ولأن الكمال لله وحده وصدقني العيوب دي لا تعتبر عيوب لأنها ليست قاتلة زي عربيات تانيه كتير تلاقي عيب في تصميم الفرامل مثلا وبينتج عنه مشاكل لا حصر لها

اسف علي كثرة كلامي لكن في النهاية عربية ممتازة جدا جدا جدا بالنسبة لسعرها وكفائتها مقارنة بال ...... اللي مالية الشارع
والله المستعان

[mr_shims_49]

السلام عليكم

وانا كمان معايا ابيزا 98 1000 سي سي نفس المميزات اللي هو قالها لكن فيه عيوب ظهرت عنده ولم تظهر عندي علي الرغم ان العربية معايا بقالها سنة ونصف ومنها ان الجزء الأوسط من التابلوه سليم ولم يحدث له شيء وعيب البنزين ده عيب بلدنا مش المصنع ولا التوكيل لأن المصنع له مواصفات خاصة لا يغيرها بتغير الموزع
وكمان موضوع العفشة ده مش موجود انا من وقت ما اشتريت العربية دي عملت بيها 50 الف كيلو في سنة وشهرين ما شاء الله لم اغير اي شيء في عفشة العربية وحتي الأن بالمساعدين الأصلي بقالها 11 سنة و241 الف كيلو
ذراع الإشارات سليم وفبريقة ولم يتم تغييرة وفي اعتقادي ان باظ بسبب سوء الإستخدام ودي بتفرق من مستخدم لأخر

باقي العيوب فعلا موجودة وللأمانه انا ماعنديش زجاج كهرباء عشان اكون منصف ومحق
أخيرا بقيت العيوب دي شيء طبيعي لأن لازم يكون فيه عيوب عشان يتم تصحيحها في التصميمات الحديثة ولأن الكمال لله وحده وصدقني العيوب دي لا تعتبر عيوب لأنها ليست قاتلة زي عربيات تانيه كتير تلاقي عيب في تصميم الفرامل مثلا وبينتج عنه مشاكل لا حصر لها

اسف علي كثرة كلامي لكن في النهاية عربية ممتازة جدا جدا جدا بالنسبة لسعرها وكفائتها مقارنة بال ...... اللي مالية الشارع
والله المستعان

تمام يا باشمهندس ايهاب الله ينور

[ibiza50]

[QUOTE=batros;3871970204]الى الاستاذ ابيزا 50
انا معايا ابيزا 98 بقالى سنة بس هقولك على اللى اعرفه
اول حاجة اللى كنت شاريها منه كان بيحطلها بنزين 80 ربنا يسامحه وده طبعا مبوظلى الانجكشن شويه وسادسدلى الرشاشات وان شاء الله هروح اظبط الكلام ده فى التوكيل قريب مع انى مش عارف هيتكلفوا كام


اشكرك على المشاركة و الرد
بالنسبه لتنظيف الرشاشات امرها سهل انت ممكن تشترى سبراى هو امريكى الصنع موجود فى كل محطات موبيل هو مخصوص للرشاشات وخد بالك لان فيه نوعين نوع للكربراتير و نوع اخر للرشاشات ودى مرحلة المرحلة التانيه بعد ما تنظف بالاسبراى ده فيه اضافه تانيه بس دى مع البنزين فى التنك دى ليها فائدتيين الاولى تنظيف اضافى للرشاشات و التانيه تنظيف الصبابات
انا بشتريهم من التفيقيه شارع زكى من واحد اسمة نعيم صليب
الاسبراى ب 30 و اللى مع البنزين 35 تقريباً
وربنا معك
تحياتى محمد مصطفى

و ربنا معك

[mr_shims_49]

[QUOTE=ibiza50;3871971951]

الى الاستاذ ابيزا 50
انا معايا ابيزا 98 بقالى سنة بس هقولك على اللى اعرفه
اول حاجة اللى كنت شاريها منه كان بيحطلها بنزين 80 ربنا يسامحه وده طبعا مبوظلى الانجكشن شويه وسادسدلى الرشاشات وان شاء الله هروح اظبط الكلام ده فى التوكيل قريب مع انى مش عارف هيتكلفوا كام


اشكرك على المشاركة و الرد
بالنسبه لتنظيف الرشاشات امرها سهل انت ممكن تشترى سبراى هو امريكى الصنع موجود فى كل محطات موبيل هو مخصوص للرشاشات وخد بالك لان فيه نوعين نوع للكربراتير و نوع اخر للرشاشات ودى مرحلة المرحلة التانيه بعد ما تنظف بالاسبراى ده فيه اضافه تانيه بس دى مع البنزين فى التنك دى ليها فائدتيين الاولى تنظيف اضافى للرشاشات و التانيه تنظيف الصبابات
انا بشتريهم من التفيقيه شارع زكى من واحد اسمة نعيم صليب
الاسبراى ب 30 و اللى مع البنزين 35 تقريباًتحياتى محمد مصطفى

و ربنا معك

متشكرين علي المعلومات المهمة دي

[abb]

مع كل ده بس عربيه ممتازه

[mr_shims_49]

اكييييييييد