معلومات عن الخرطوم الحرارى لسيات 98

[ibiza50]

اصدقى محبى سيات
احب اكلمكم عن حجات لو حافظتو عليها هتزيد من كفائة العربيه بشكل كبير وهبدئها بموضوع عن الخرطوم الحرارى
الخرطوم الحرارى اولا هو بيكون راكب من فرن العربيه وحتى العمة
ما اهمية الخرطوم الحرارى فى الابيزا

1. التسخين السريع عند بداية التشغيل يعنى العربيه لو بارده بيخليها تسخن فى اقل من 4 دقائق
2. بيساعد الرشاشات فى عملها بانه بيسخن الهواء اللى بيتخلط مع البنزين و ده بيساعد فى احتراق البنزين بشكل كويس و بيوفر فى استهلاك البنزين

وعلى فكره الخرطوم ده مرتبط بدايره كامله بتحدد كميه الهواء الساخن اللى محتجاه العربيه يعنى مش بيدخل كميه الهواء الساخن نفسها فى كل الظروف يعنى فى الصباح بيكون الحد القصى لسحب الهواء الساخن و اثناء التشغيل العادى بيقل سحب الهواء الساخن حسب حاجه العربيه للهواء الساخن

• عدم وجود الخرطوم الحرارى بيأثر على استهلاك البنزين و على سحب العربيه بنسبه 10% تقريباً

المره الجايه ان شاء الله خراطيم الفاكيوم
احب اسمع ارائكم و اتمنى تشاركونى فى الموضوعات دى
مع تحياتى محمد مصطفى

[beihoo]

فكرة هايلة .. دي حاجة تساعد الناس إنها تعرف أكتر عن العربية و ما تقع ضحية لفتاوى الميكانيكية.

[mr_shims_49]

ألله ينور يا محمد باشا اهو ده الشغل و الف شكر علي المعلومات الحلوة دي و في انتظار المزيد

[ehab_mansour]

الف شكر استاذ محمد علي المعلومات القيمة دي واحب أضيف ان الخرطوم الحراري ده متوصل مع مدخل الهواء الخاص بدخول الهواء للعمة مرورا بفلتر الهواء والي الماكينة
ويتم التحكم في نسبة الهواء الساخن الي الهواء العادي عن طريق بوابة بتفتح وتقفل عن طريق خرطوم فاكيوم رفيع موصل لها من اعلي
والفاكيوم المسئول عن فتح وغلق البوابة يأتي من وصلة فاكيوم سيرفو الفرامل مرورا بجزء في اسفل عمة الهواء يسمي (temprature switch) وهو عبارة عن مفتاح حراري بيفتح الفاكيوم للبوابة بنسبة معينة علي حسب درجة حرارة الهواء الداخل للمانيفول وعلي هذا الأساس يتم خلط الهواء الساخن مع البارد ليعطي كفاءة أعلي للإحتراق

للأسف ان المنظومة دي متوقفة عندي بسبب احد الميكانيكية كان بيركب طقم دبرياج للعربية و سقط منه خرطوم الفاكيوم واتحرق فوق الشكمان وكمان كسرلي الجزء اللي بيركب فيه الخرطوم علي وصلة فاكيوم سيرفو الفرامل واضطريت الغيها نهائيا والحمد لله

[mr_shims_49]

الف شكر استاذ محمد علي المعلومات القيمة دي واحب أضيف ان الخرطوم الحراري ده متوصل مع مدخل الهواء الخاص بدخول الهواء للعمة مرورا بفلتر الهواء والي الماكينة
ويتم التحكم في نسبة الهواء الساخن الي الهواء العادي عن طريق بوابة بتفتح وتقفل عن طريق خرطوم فاكيوم رفيع موصل لها من اعلي
والفاكيوم المسئول عن فتح وغلق البوابة يأتي من وصلة فاكيوم سيرفو الفرامل مرورا بجزء في اسفل عمة الهواء يسمي (temprature switch) وهو عبارة عن مفتاح حراري بيفتح الفاكيوم للبوابة بنسبة معينة علي حسب درجة حرارة الهواء الداخل للمانيفول وعلي هذا الأساس يتم خلط الهواء الساخن مع البارد ليعطي كفاءة أعلي للإحتراق

للأسف ان المنظومة دي متوقفة عندي بسبب احد الميكانيكية كان بيركب طقم دبرياج للعربية و سقط منه خرطوم الفاكيوم واتحرق فوق الشكمان وكمان كسرلي الجزء اللي بيركب فيه الخرطوم علي وصلة فاكيوم سيرفو الفرامل واضطريت الغيها نهائيا والحمد لله

[midoazzam]

موضوع جاااااااااامد وفى انتظار القادم

[mr_shims_49]

موضوع جاااااااااامد وفى انتظار القادم

فعلا محمد موضوعاته كلها جامدة جدا