خراطيم الفاكيوم

[ibiza50]

اصدقائى محبى سيات
فى الاول احب اشكر ك كل اللى شارك معانا و اضاف لينا معلومات جديده و ده هو الهدف
فى حدود علمى لانى مش متخصص - علشان المتخصصين ما يزعلوش - بتكلم عن الحجات المهمة فى سيات وخصوصاً الابيزا 98
و اليوم هحاول اتكلم عن خراطيم الفاكيوم و ارجو من محبى السيات انهم يضيفوا معانا معلومات على الموضوع ده لو كل واحد عارف حاجه واحده صح و قدمها المعلومه هتوصل كاملة و مؤكده
خراطيم الفاكيوم هى عباره عن مجموعه من الخراطيم الصغيره الصلبه الى حد ما يعنى مش ممكن تكون طريه باى حال من الاحوال و ده ليه لان الفاكيوم يعنى شفط مش ضغط
ايه الهدف منها
الحقيقه ليها وظائف كتير فى العربيه



اولاً التكييف

1. بسببها الموتور بيعلى للحد المطلوب لتشغيل التكييف و الحفاظ على دوران الموتور بحد مناسب(فى بعض الموديلات)
2. بتستخدم فى بوابات النكيف اللى جو العربيه (فى بعض الموديلات)يعنى هى اللى بتخلى البوبات تشتغل و توجه الهواء على حسب ما انت عاوز من فتحات التكييف

ثاياً الموتور

1. خراطيم الفاكيوم هى المسئوله عن ضبط الموتور يعنى بتخليه ما يعلاش و لا يوطى و هى ضمن منظومه البنزين و الكهرباء لضبط الموتور
2. هى بتستخدم كمان فى تشغيل الخرطوم الحرارى اللى اتكلمنا عنه قبل كده و هى المسئوله عن تحديد كمية الهواء الساخن اللى محتاجها الموتور

مع العلم بانها بتشتغل عن طريق مجموعه من المنظمات اللى بتحدد الضغط المطلوب لكل و ظيفه من وظائفها



طيب الخرطوم ده لو مش متوصل هيعمل ايه

• هيخلى العربيه مش مريحه فى السواقه
• هيبقى ملخبطها خصوصا فى الصباح الباكر
• هيخليه تستهلك بنزين زياده عن معدلها الطبيعى

علشان كده هى مهمة و لازم تكون شغاله على احسن حال.
مستنى اضافاتكم و ارائكم
ان شاء الله الموضوع اللى جاى عن التكييف
مع تحياتى محمد مصطفى

[mr_shims_49]

باشا يا محمد والله
المفروض والله المواضيع دي تتثبت و تتعمل موسوعة بس هو فين مشرف القسم ماشوفتش ولا مشاركة واحدة منه من يوم ما دخلت القسم يلا عموما كتر الف خير يا محمد باشا علي المجهود الرائع ده و ربنا يجزيك عنا كل خير ان شاء الله

[ehab_mansour]

الف شكر استاذ محمد علي مشاركاتك الجميلة واحب اضيف فقط ان هناك نوعين من خراطيم الفاكيوم

1- خراطيم فاكيوم رفيعة وهذه تستخدم للتحكم نسبة فتح وغلق البوابة التي تتحكم في نسبة الهواء السخن الي الهواء العادي
2- خرطوم فاكيوم سميك وذلك يستخدم في توصيل الفاكيوم الرئيسي لسيرفو الفرامل والمسئول عن تشغيل فرامل السيارة

وجزا الله عنا خيرا كل من ساهم في تعليم الأخرين

[M.Mostafa80]

محمد باشا اسمك على اسمى محمد أنت بتحط ايدك بالموضوع ده على المشكله اللى عندى ألا وهى ان العربيه مع التكييف بالذات بتلخبط تحس ان الموتور عايز يبطل ويرجع يقوم تانى وميكانيكيه الدنيا متخصصين وغير متخصصين مش عارفين يوصلو لحل فى الموضوع ده وانا زهقت منو فأتمنا انك تساعدنى فى أننا نكشف عليها مع بعض ونشوف هل ممكن يكون سبب المشكله عندى هى خراطيم الفاكيوم ولا هيبقى فى سبب تانى وانا تايه عنو على فكره عربيتى بولو موديل 98 يعنى تؤامه عربيتك مستنى ردك ومتابعتك معايا للموضوع بفارغ الصبر

[fadynabil]

موضوع جامد بجد .. ومعلومات أول مرة أعرفها

[mr_shims_49]

محمد باشا اسمك على اسمى محمد أنت بتحط ايدك بالموضوع ده على المشكله اللى عندى ألا وهى ان العربيه مع التكييف بالذات بتلخبط تحس ان الموتور عايز يبطل ويرجع يقوم تانى وميكانيكيه الدنيا متخصصين وغير متخصصين مش عارفين يوصلو لحل فى الموضوع ده وانا زهقت منو فأتمنا انك تساعدنى فى أننا نكشف عليها مع بعض ونشوف هل ممكن يكون سبب المشكله عندى هى خراطيم الفاكيوم ولا هيبقى فى سبب تانى وانا تايه عنو على فكره عربيتى بولو موديل 98 يعنى تؤامه عربيتك مستنى ردك ومتابعتك معايا للموضوع بفارغ الصبر

ربنا معاك و ان شاء الله محد يساعدك و تحلوها المشكلة دي

[ibiza50]

محمد باشا اسمك على اسمى محمد أنت بتحط ايدك بالموضوع ده على المشكله اللى عندى ألا وهى ان العربيه مع التكييف بالذات بتلخبط تحس ان الموتور عايز يبطل ويرجع يقوم تانى وميكانيكيه الدنيا متخصصين وغير متخصصين مش عارفين يوصلو لحل فى الموضوع ده وانا زهقت منو فأتمنا انك تساعدنى فى أننا نكشف عليها مع بعض ونشوف هل ممكن يكون سبب المشكله عندى هى خراطيم الفاكيوم ولا هيبقى فى سبب تانى وانا تايه عنو على فكره عربيتى بولو موديل 98 يعنى تؤامه عربيتك مستنى ردك ومتابعتك معايا للموضوع بفارغ الصبر

صديقى محمد
فى الاول انا بشكرك على متابعتك و مشاركتك و بشكر كل الاصدقاء محبى السيات و الفولكس (علشان هما اخوات) اللى شاركو و اتمنى منهم انهم يشاركونا ارائهم و خبراتهم
بص انا عاوزك تدينى معلومات اكتر عن الموضوع و عن التكييف نفسه هل هو الاصلى و لا انت مركبه و هل العربيه من غير التكييف مظبوطه و لا لاء و هل بتكون مظبوطه و تشغل التكييف و تلخبط و هل وهى ماشيه بتلخبط و لا و انت واقف فى اشاره بتعمل كده
انا عاوزك توصفلى ايه اللى بيحص بالظبط و العربيه دايره من غير تكييف و بتكييف

و عموما انا هحاول اشرحلك بعض الاسباب اللى بتسبب الاعراض دى ويمكن تكون واحده من الاسباب

1. لو التكييف اصلى بيكون عيب اللخبطه بسبب حساس الحراره (عيب شائع)ده لو العيب بيظهر وانت وافق فى اشاره و مشغله مثلاً
2. لو التكييف اصلى ممكن يكون الكباس بتاع التكييف فيه عطل وده تصليحه بيكلف شويه يمكن فى حدود 600 جم لان النظريه اللى متصمم بيها الكباس الاصلى انه ما بيفصلش زى العربيات اليابانى و الكورى فيه حساس راكب داخل الكباس بيغير احماله طبقاً للظروف
3. لو التكييف مش اصلى ممكن يكون من الكباس برده انه يكون اكبر من الموتور بتاع العربيه لان موتور ال1000 محتاج كباس مخصوص
4. لو التكييف مش اصلى يبقى مش متوصل بالكنترول يونت بتاع العربيه و بالتالى الموتور مش بيعلى كفايه علشان يشغل التكييف بيعتمد بس على وحده ضبط الموتر الاليه ودى مش كفايه
5. اخيراً ان يكون الموتور محتاج صيانه او بوجيهات او اسلاك بوجيهات

ممكن يكون عندك سبب او مجموعه اسباب من اللى فوق

اتمنى اكون قدرت افيدك فى حدود معلوماتى
مع تحياتى محمد مصطفى

[M.Mostafa80]

من محمد مصطفى لمحمد مصطفى
بص ياسيدى
أولا الموضوع ده وانا مشغل التكييف بس العربيه فى العادى مظبوطه
التكييف بتاع العربيه يامحمد الأصلى ولو اشتغل على سرعه واحد أو أثنين التكييف بيفصل ويشتغل عادى
لكن لو معليه على 3 بيفضل شغال على طول وطبعا دا لأن الدنيا بتبقى مولعه
الموضوع ده بيحصل غالبا فى السلانسيه أى فى الوقوف أو فى تهدئه سرعه السياره أى كبس فرامل عند السير ببطئ أو فى بدايه الطلعه بعد الوقوف
لكن على السرعات العاليه مش عاليه قوى يعنى اللى هى 40 60 ما بيبقاش فى أى مشاكل
يبقى كده مشكلتنا فى الوقوف والطلوع بس
وعلى فكره لو خراطيم الفاكيوم دى هى الخراطيم اللى بتبقى فى العمه من تحت وواحد رايح ناحيه السيرفو والتانى رايح ناحيه فتحه التهويه بتاعت الرفرف فأحب أقولك أنهم بايظين عندى ونفسى ألاقيهم بالبيبه بتاعتهم
ومتابع معاك ياباشا

[mr_shims_49]

من محمد مصطفى لمحمد مصطفى

انتو هاتلخبطونا ليه هو مين مع مين
بهزر بس يا جماعة حلوة الصدفة دي :10D5C8~1107:

[ibiza50]

من محمد مصطفى لمحمد مصطفى
بص ياسيدى
أولا الموضوع ده وانا مشغل التكييف بس العربيه فى العادى مظبوطه
التكييف بتاع العربيه يامحمد الأصلى ولو اشتغل على سرعه واحد أو أثنين التكييف بيفصل ويشتغل عادى
لكن لو معليه على 3 بيفضل شغال على طول وطبعا دا لأن الدنيا بتبقى مولعه
الموضوع ده بيحصل غالبا فى السلانسيه أى فى الوقوف أو فى تهدئه سرعه السياره أى كبس فرامل عند السير ببطئ أو فى بدايه الطلعه بعد الوقوف
لكن على السرعات العاليه مش عاليه قوى يعنى اللى هى 40 60 ما بيبقاش فى أى مشاكل
يبقى كده مشكلتنا فى الوقوف والطلوع بس
وعلى فكره لو خراطيم الفاكيوم دى هى الخراطيم اللى بتبقى فى العمه من تحت وواحد رايح ناحيه السيرفو والتانى رايح ناحيه فتحه التهويه بتاعت الرفرف فأحب أقولك أنهم بايظين عندى ونفسى ألاقيهم بالبيبه بتاعتهم
ومتابع معاك ياباشا

صديقى محمد مصطفى

يبقى كده لازم تصلح الخراطيم دى واسال عنهم فى التوكيل اولاً و الحرفيين ثانياً و لو ما لقيتش الاصلى يبقى تروح لواحد فى بابا اللوق امام الجامعه الامريكيه اسمه جورج نحاس و اركن العربيه جنبه و وريله مكان الخرطوم و هو هيديلك البيل اللى ممكن يركب على طول
و بالتوفيق
محمد مصطفى

[M.Mostafa80]

صديقى محمد مصطفى

يبقى كده لازم تصلح الخراطيم دى واسال عنهم فى التوكيل اولاً و الحرفيين ثانياً و لو ما لقيتش الاصلى يبقى تروح لواحد فى بابا اللوق امام الجامعه الامريكيه اسمه جورج نحاس و اركن العربيه جنبه و وريله مكان الخرطوم و هو هيديلك البيل اللى ممكن يركب على طول
و بالتوفيق
محمد مصطفى

الف شكر ياباشا

[mr_shims_49]

ربنا يكرمك ان شاء الله يا محمد علي مساعدتك لأعضاء المنتدي

[Mustafaa Sakr]

طيب انا عندي الخراطيم دي متلخبطه وعملالى جنان فى الماتور ومحدش عارف يظبطها وانا من العريش وما ادراك ما صنايعية العريش ياريت حد يساعدنى ازاى اركبهم صح عربيتي نوبيرا 2