مشكله فى كنترول ابيزا 98

[midoazzam]

ياجماعه انا عندى كذا مشكله ظهرو مره واحده فى الابيزا 98 بس هاقول على اهم الحجات الى ظهرت
كنت رايح اغير الفيبر بتاعت الكونتاكت عند الكهربائى وغيرهالى واشتغلت وكله تمام بس بعد ماركب كل حاجه بندور العربيه مش بدور بس علطول تبطل مش راضيه نكمل دوران الكهربائى راجع على كل حاجه لاقاعا سليمه وقالى العيب مش منى روحت كشفت عليها بالكمبيوتر رقيتو بيقولى ده عيب فى الكنترول انا مش عارف اعمل ايه هو الكنترول ده بيتصلح ولا بيتغير ولو اتغير بيكام وفين

[mr_shims_49]

بص يا باشا هو اللي اعرفه ان الكنترول يونيت بتاع الابيزا ال 2001 بتعمل 1000 جنيه استيراد

لكن بتاع ال 98 مش عارف بكام بس اكيد هي اقل من كده ان شاء الله

[M.Hassan47]

طبعا ياميدو انت شفت التوبيك بتاعى وانا بقى مريت على كل حاجة فى العربية واحده واحده
ومريت على موضوع المفتاح ده
بس على فكره مش شرط يكون الكنترول هو اللى باظ ممكن تكون الشفرة بتاعت المفتاح اتخبطت او الإيمو او عموما الوحده بتاعت التشفير فيها حاجة انا بقولك كده عشان متروحش علطول تغير كنرول يعنى الأول اعمل اسهل حاجة خد المفتاح وعند ااقرب واحد بتاع مفاتيح قولوا عايز اعرف الشفرة شغالة ولا لا
لو كانت شغالة يبقى كده المشكلة هاتنحصر فى الإيمو والكنترول وحاول توديها تانى عند واحد بتاع كشف اعطال محترم لأنها ممكن تكون بس كودت وانه بمجرد انه يمسح الكود تشتتغل
لكن لو ماتمسحش واتأكد انه كنترول يبقى تنزل تجيبه بنفسك من الحرفيين ومتخلييش حد يجبهولك عشان انا كنت هالبس فى الحيط بسبب حوار الكنترول ده وعلى فكره بتاع 98 مش غالى اوى زى ماحنا فاكريين

[midoazzam]

العربيه فعلا دلوقتى واقفه فى الحرفيين وانا نازل بعد الفطار اشوف ايه النظام بالظبط ويارب يكون من كود المفتاح لان الموضوع ده اتعمل معايا قبل كده بس اشتغلن بعدها بربع ساعه وكانت عشره على عشره وكنت نسيته تماما لاغايت مرجع تانى وحلفت انها مش دايره خالص

[M.Mostafa80]

اللى حضرتك بتقول عليه دا بيقول ان الأيمو بلايزر هو اللى فيه مشكله

[midoazzam]

يجماعه انا جبت العربيه الحمد الله من الحرفين وبعد الفحص الى اخد وقت طويل لغايت معرفنا فعلا انو الايمو بلايزر هو المشكله وكان لازم يتغير وفعلا غيرناه والعربيه دارت الحمد الله وكلفتنى 350 جنيه بس انا كنت خلاص قربت اتجنن انا والكهربائى وناس كتير فى الحرفيين بس اهو اتظبطت الحمد الله دلوقتى باقى شويه مشاكل انى العربيه من تحتى بتشخلل فى اى مطب وهاروح لواحد بتاع عفشه عشان يظبطهالى ويااااارب مايفتحهاش معايا حواااار كبير ويقولى غير العفشه

[M.Mostafa80]

يجماعه انا جبت العربيه الحمد الله من الحرفين وبعد الفحص الى اخد وقت طويل لغايت معرفنا فعلا انو الايمو بلايزر هو المشكله وكان لازم يتغير وفعلا غيرناه والعربيه دارت الحمد الله وكلفتنى 350 جنيه بس انا كنت خلاص قربت اتجنن انا والكهربائى وناس كتير فى الحرفيين بس اهو اتظبطت الحمد الله دلوقتى باقى شويه مشاكل انى العربيه من تحتى بتشخلل فى اى مطب وهاروح لواحد بتاع عفشه عشان يظبطهالى ويااااارب مايفتحهاش معايا حواااار كبير ويقولى غير العفشه

هى لو العربيه بتشخلل من تحت فرامل اليد وناحيه عصايه الفتيس يبقى مش عفشه وهل هو صوت خبط ولا شخلله زى ما حضرتك وصفت

[mr_shims_49]

يجماعه انا جبت العربيه الحمد الله من الحرفين وبعد الفحص الى اخد وقت طويل لغايت معرفنا فعلا انو الايمو بلايزر هو المشكله وكان لازم يتغير وفعلا غيرناه والعربيه دارت الحمد الله وكلفتنى 350 جنيه بس انا كنت خلاص قربت اتجنن انا والكهربائى وناس كتير فى الحرفيين بس اهو اتظبطت الحمد الله دلوقتى باقى شويه مشاكل انى العربيه من تحتى بتشخلل فى اى مطب وهاروح لواحد بتاع عفشه عشان يظبطهالى ويااااارب مايفتحهاش معايا حواااار كبير ويقولى غير العفشه

الحمد لله انها دارت و تمام مبررروك و ان شاء الله حكاية العفشة تبقي بسيطة ان شاء الله

[midoazzam]

انا بجد اتجننت خلاااااااااااااااااااااص النهارده بعد ماجبتها انبارح من عند الحرفيين وكانت زى الفل معادا طبعا حوار العفشه نازل ادورها مادرتش خااالص جبت الميكانيكى لاقيتو بيقولى ده طرمبه البنزين فصلت انا بجد خلاص مش عارف اعمل مع العربيه دى ايه

[mr_shims_49]

بص يا باشا نصيحتي ليك كلم العضو محمد هو الاكونت بتاعه اسمه romeo21 لأن هو كان عنده تقريبا نفس مشكلتك دي و الحمد لله حلها فانت كلمه اساله و كده و هو انسان محترم جدا و ان شاء الله هايساعدك و تحلوا المشكلة دي ان شاء الله

[M.Hassan47]

اولا شكرا جدا على ذوقك ياسامح وانت اللى فعلا حد محترم جدا

ثانيا بص ياعم ميدو شوف كده انت مع نفسك اما بفتح كونتاك وحط ايدك على الطلمبة اللى هى تحت الكنبة اللى ورا لو بتعمل زنة يبقى كده شغالة لو مش بتعمل تجيب كهربائى مش ميكانيكى فى الأول وقولوا عايز اعرف الطلمبة مالها ممكن يكون فى سلك ملمس او قاطع او ممكن تكون الطلمبة ضعيفة وبتفصل زى ماحصل معايا فى اواخر ايام الطلمبة القديمة لو مش كل الحاجات دى بقى يبقى الطلمبة اتحرقت ولازم تغيرها
شوف ورد عليا

[M.Hassan47]

اه نسيت اقولك ان كده العربية خلاص فتحت بؤها عليك فاماتتعصبش ولا تحرق فى دمك كده او كده هايتصرف عليها فاستحمل بقى لحد ماتقفل بؤها عليك

[mr_shims_49]

اولا شكرا جدا على ذوقك ياسامح وانت اللى فعلا حد محترم جدا

يا باشا ربنا يخليك

[ibiza50]

حل الكتنرول يونت التوكيل ليس سواه لان اجهزتهم ادق و لو الكنتروا فيه اى ايرور ممكن حد تانى يكتشفه انما بس ما يعرفش يصلحه فى التوكيل هيكتشف و يصله و يبرمج لو لزم الامر
هما طبعا اغلى بس حلهم حل نهائى

[mr_shims_49]

انا بردو من رايي التوكيل افضل من اي صنايعي حتي لو اغلي بس علي الاقل بتريح دماغك و كمان بيركبولك الحاجة اصلية و مضمونة و لو في مشكلة تروح ترميلهم العربية و هما هايحلوها فا انا شايف ان التعامل معاهم اريح من اي صنايعي بس طبعا كل شئ له مقابل