تغير وش الابيزا 94

[Chucky]

انا معايا ابيزا 94 و بفكر انى اغير الوش بتاع العربية بالوش بتاع الابيزا 98 ( الكشفات و الشبكة و الاكصدام ) بس سمعت ان لازم اغير الرفارف كمان

هل الكلام ده صح ولا لاء ؟

يا ريت اللى جرب الموضوع ده او يعرف حد جربه يقولى اذا كان الكلام ده صح ولا ممكن اغير الكشفات و الشبكة و الاكصدام بس

[mr_shims_49]

انا ماجربتش بس اعتقد لازم الرفارف كمان عشان الوش كلوا يتقفل كويس حتة و احدة من غير ما يعدل في رفارف العربية
و استني رد العضو محمد ibiza50 هو ان شاء الله اكيد هايفيدك

[Chucky]

شكرا ليك يا باشا على الرد و يارب الاستاذ محمد يقدر يفيدنى برضو

لحسن انا محتار جدا فى الموضوع ده

لان شوية ناس تقول لا مش بيحتاج يتغير الرفرف هو بيتركب علطول مكان الوش القديم و شوية ناس تقول ان لازم الرفرف يتغير

[mr_shims_49]

العفو يا باشا علي ايه طب ما تشوف تكلفتها كام لو غيرت الرفارف و تكلفتها كام لو مغيرتش الرفارف لو الفرق مش كبير غيرهم و ريح دماغك و بردو نستني محمد نشوف هايقول ايه

[Chucky]

هى يا باشا الفكرة مش فكرت فلوس لان انا كده كده هصرف

بس الموضوع و ما فيه ان لو ميحتجش يتغير يبقى بلاش اغيرهم علشان متبقاش مصاريف على الفاضى

و عموما ادينا فى انتظار رائى الاستاذ محمد برضو d:

[mr_shims_49]

تمام طيب ادينا مستنين محمد

[ehab_mansour]

السلام عليكم

انا عندي 98 وما غيرتش حاجه ولكن عندي نصيحة لك هقولها وربنا ينفع بيها
انت عشان تاخد وش صح للعربية واكنها نازلة بيه يبقي تروح تشتري ربع كامل وهو عبارة عن شبكة بالعلامة - فوانيس عادية - فوانيس شبورة - اكصدام والجزء الحديد اللي تحته بتثبيته بالقنطرة الحديد الي في وش العربية كمان وكله استيراد بحوالي 1500
نيجي بقه لموضوع الرفارف وانت بتشتري لو لقيت الفتحة اللي في الرفرف عندك تناسب فانوس الإشارة والتثبيت والمقاس يبقي تمام وان لم تناسب يبقي غير الرفارف كمان وهما مش غاليين يعني ممكن تجيب الإتنين استيراد كمان في حدود 300 جنيه وكده لو روحت لسمكري محترم يركبهم ياااااااااااااااااه هتلاقيها تحفة فعلا واكنها لسه جديدة
بس اهم حاجه تتفرج وتنقي كويس وانت بتشتري وتحاول تسقط علي ربع صح وانا شفت حاجات زي كده كتير في الحرفيين والله وش العربية اكنها ما مشيتش علي الأرض ومافيش فيه خدش وربنا يوفقك

[mr_shims_49]

باشا ياباشمهندس ايهاب والله اهو جابلك المفيد في الموضوع و ربنا يوفقك للي فيه الخير ان شاء الله و جزاك الله خيرا يا باشمهندس ايهاب

[ibiza50]

صديقى الايبزاوى
العربيه ال94 ممكن تتعدل انا بشوف ناس كتير عاملينها و اشهر ناس بيعملوها فى الحرفيين التعديل بيتم باحد طريقتين اما زى ما شرح المهندس ايهاب انك بتغير الصدر بحاله مع تغعديل بسيط فى الرفارف وبيكون كويس و شغال
و الطريقه التانيه انك بتعدل الصدر بتاع العربيه علشان تلائم اماكن تثبيت الاكصدام وهما اربع مسامير تثبيت اثنين من فوق و اثنين من تحت و اعتقد ان الفوانيس و الاشاره بتركب هى هى و بتغير طبعاً الشبكا الاماميه كلها

بس انا نصيحتى ليك انك تغر و تجيب ال98 او 99 احسن من التعديل و الفرق اللى هتدفعه يمكن يكون مساوى للتعديل او اقل طالما ان شكل ال98 عاجبك اكتر و هو فعلا احسن
و لعلمك العربيتين نفس القدره الحصانيه 50 حصان و الاتنين السرعه القصوى 160 كيلو متر /ساعه و ال98 فيها حجات كتير احسن من اول المفتاح بتاعها و عداد الكيلو متر الديجيتال و جهاز الانزار الاصلى و علبه الشرايط الاصليه و تعديل مستوى الاضائه للكشافات الاماميه و غيرها
دى نصيحتى ليك لان مهما عدلت مش هتكون مظبوطه 100%
و عموما انا تحت امرك لو عزت اى حاجه اى معلومه فى 98 و 99 انا تحت امرك
مع تحياتى
محمد مصطفى

[mr_shims_49]

as i thought mohamed knows about what you are asking about

sorry for the english writing the keyboard isn't working :(

[Chucky]

السلام عليكم

انا عندي 98 وما غيرتش حاجه ولكن عندي نصيحة لك هقولها وربنا ينفع بيها
انت عشان تاخد وش صح للعربية واكنها نازلة بيه يبقي تروح تشتري ربع كامل وهو عبارة عن شبكة بالعلامة - فوانيس عادية - فوانيس شبورة - اكصدام والجزء الحديد اللي تحته بتثبيته بالقنطرة الحديد الي في وش العربية كمان وكله استيراد بحوالي 1500
نيجي بقه لموضوع الرفارف وانت بتشتري لو لقيت الفتحة اللي في الرفرف عندك تناسب فانوس الإشارة والتثبيت والمقاس يبقي تمام وان لم تناسب يبقي غير الرفارف كمان وهما مش غاليين يعني ممكن تجيب الإتنين استيراد كمان في حدود 300 جنيه وكده لو روحت لسمكري محترم يركبهم ياااااااااااااااااه هتلاقيها تحفة فعلا واكنها لسه جديدة
بس اهم حاجه تتفرج وتنقي كويس وانت بتشتري وتحاول تسقط علي ربع صح وانا شفت حاجات زي كده كتير في الحرفيين والله وش العربية اكنها ما مشيتش علي الأرض ومافيش فيه خدش وربنا يوفقك

صديقى الايبزاوى
العربيه ال94 ممكن تتعدل انا بشوف ناس كتير عاملينها و اشهر ناس بيعملوها فى الحرفيين التعديل بيتم باحد طريقتين اما زى ما شرح المهندس ايهاب انك بتغير الصدر بحاله مع تغعديل بسيط فى الرفارف وبيكون كويس و شغال
و الطريقه التانيه انك بتعدل الصدر بتاع العربيه علشان تلائم اماكن تثبيت الاكصدام وهما اربع مسامير تثبيت اثنين من فوق و اثنين من تحت و اعتقد ان الفوانيس و الاشاره بتركب هى هى و بتغير طبعاً الشبكا الاماميه كلها

بس انا نصيحتى ليك انك تغر و تجيب ال98 او 99 احسن من التعديل و الفرق اللى هتدفعه يمكن يكون مساوى للتعديل او اقل طالما ان شكل ال98 عاجبك اكتر و هو فعلا احسن
و لعلمك العربيتين نفس القدره الحصانيه 50 حصان و الاتنين السرعه القصوى 160 كيلو متر /ساعه و ال98 فيها حجات كتير احسن من اول المفتاح بتاعها و عداد الكيلو متر الديجيتال و جهاز الانزار الاصلى و علبه الشرايط الاصليه و تعديل مستوى الاضائه للكشافات الاماميه و غيرها
دى نصيحتى ليك لان مهما عدلت مش هتكون مظبوطه 100%
و عموما انا تحت امرك لو عزت اى حاجه اى معلومه فى 98 و 99 انا تحت امرك
مع تحياتى
محمد مصطفى

شكرا ليكم يا جماعة بجد على نصايحكم

بس انا مش هينفع اغير العربية لـ 98 لان انا بحضر مفاجاة و ان شاء الله اول لما تجهز هبقى اعمل موضوع عنها

و انا برضو احب اضيف رد برضو وصلنى عن طريق رسالة خاصة من عضو هنا كان عمل فكرة التعديل دى قبل كده... فأنا هضيف الرد علشان لو حد سال فى الموضوع ده فى يوم يقدر يلاقى الرد

عليكم السلام ورحمة الله بركاتة
بص ياباشا كلامك صح في موضوع تغيير الرفارف
عشان يبقى الرفرف من عند فتحات الفوانيس قدام مبيت على الفوانيس تمام
لأن فتحة الفوانيس عند ال98 اصغر حاجة بسيطة من ال94

ده الكلام المفروض ....

بس انا معملتش كده ووفرت على نفسي وجع الدماغ وغيرت الاكصدامات على طول والفوانيس

هيبقى في فرق بسيط قوي بين الفوانيس وصاج العربية
ولكن انا مش حاسه قوي , شايفه عادي يعني , لأن اي عربية مستعملة وارد ان يكون فيها ديفوهات ذي ده
فبالتالي مش باينة خالص

وانا أنصحك بجد متغيرش الرفارف لأنك يوم ماتحب تبيع اي حد هيقولك انك مغير الرفارف عشان حادثة في الحوض
الامامي

as i thought mohamed knows about what you are asking about

sorry for the english writing the keyboard isn't working :(

مفيش مشكلة يا باشا

و برضو شكرا على محاولتك للمساعدة

[mr_shims_49]

مفيش مشكلة يا باشا

و برضو شكرا على محاولتك للمساعدة

يا باشا علي ايه و مستني المفاجأة اللي قلت عليها