خطوات الصيانة الثقيلة من العضو ibiza50

[mr_shims_49]

منقول
اصدقائى
احب اضيف حاجه بسيطه لو سمحتولى
فيه نوعين من الصيانه صيانه خفيفه و صيانه تقيله
الصيانه الخفيه اللى انتم اتكلمتو عنها دلوقتى و دى مهمه جدا و لاتقل فى اهميتها عن الصيانة الثقيله بس لوحدها مش كفايه يعنى ممكن تعمل كل التغيرات المطلومه فى مواعيدها و بالرغم من كده تلاقى العربيه برده مش تمام يبقى ايه السبب
السبب انك لازم تعمل الصيانه الثقيله

• و هى عباره عن الكشف على الزوايه بتاعت العربيه كل 10000 كيلو

لان عدم ضبطها يؤدى الى
استهلاك بنزين اكسر من اللازم
تاكل الكاوتش
تلف جلب و بيض المقصات

• مراجعه ضغط الهواء بالاطارات كل شهر على الاقل.

لان الضخط لو زايد يخلى العربيه مش مريحه فى المطبات و تزيد من تاثير المطب على السياره و الركاب
لو الضغط اقل هيخلى العربيه ما تسحبش كويس
يستهلك بنزين اكتر
ياكل الكاوتش و يخلى الكاوتش يبوظ فبل معاده
قلة التماسك و الثبات للسياره

• مراجعه اتزان العجل (الترصيص) كل 10000 كيلو

الترصيص مهم جدا خصوصا فى السرعات العاليه و اهميته انا بيمنع اى ارتجاج ناتج عن سرعة دوران العجل انه يوصل لجسم السياره و الارتجاج الزياده و المتواصل بيخرب علبه الدركسيون و العفشه كلهال و بياثر كمان على هيكل السياره عموما

• الكشف على الفرامل و الطنابير كل 20000 كيلو
• الكشف على العافشه (مساعدين - سوست - مقصات - جلب و خلافه) كل 50 الف
• الكشف و صيانه كبالن السياره الداخليه و الخارجيه كل 100 الف كيلو و اعاده ملئهم بالشحم الخاص بالكبالن
• تنظيف وحده الحقن و الرشاشات ووضع السياره على جهاز الاعطال بالتوكيل كل 40 الف كيلو
• الكشف على دوره المياه كل 10000 كيلو من حيث التسريب ( و على فكره الابيزا مابزودهاش ميه خالص بال6 شهور يعنى الميه مستواها مظبوت و ما تنقسش) يعنى لو حد بيزودها كل اسبوع يبقى فيه مشكله
• الكشف و اعادة تشحيم رومان بلى العجل الامامى و الخلفى

اتمنى انى اكون افادتكم و سامحونى ازا كنت نسيت حاجه
مع تحياتى محمد مصطفى

[mr_shims_49]

الف شكر يا محمد علي المعلومات المهمة دي

و ادي لينك الموضوع بتاعي كمان http://www.nilemotors.net/Nile/93484-a.html
عشان يبقي موضوعك مع موضوعي يبقوا دليل الصيانات الدورية لحد ما نكتشف فين مشرف القسم و يضملنا الموضوعين او يثبتهم بس نلاقيه

يا جماعة محدش يعرف مين مشرف قسم السيات ؟؟؟

[M.Hassan47]

الله عليك ياسامح موضوع راااائع جدا بجد وفعلا لو الواحد اهتم بالحاجات البسيطة او اللى احنا شايفنها انها صيانة خفيفة بجد هايحس بفرق كبير اوووى

[mr_shims_49]

ربنا يخليك يا محمد باشا و الف شكر علي مشاركتك

[original]

موضوع كويس جدا..
شكرا..

[masterzmind]

موضوع كويس اوى اوى

[mr_shims_49]

موضوع كويس جدا..
شكرا..

الف شكر يا باشا

[mr_shims_49]

موضوع كويس اوى اوى

الف شكر يا باشا ربنا يخليك