ابيزا الشكل الجديد

[ibiza50]

الى اصدقائى عشاق الابيزا
عايز اقولكم انطباعى عن الابيزا الشكل الجديد و اللى عايز يتفرج عليها على الطبيعه هى فى معرض سيارات اتو ماجد و مكانه خلف قسم مدينة نصر اول
العربيه خليجى يعنى مش من التوكيل
انا هقول الانطباع الاولى عنها



المميزات او اللى ليها

1. حجمها اكبر شويه
2. مقدمة العربيه قويه جدا و اكصدام العربيه الامامى بفتحات التهويه مديها شكل رياضى قوى
3. التابلوه بتاعها حلو داخل فيه اكتر من لون بس فقير نسبياً
4. العربيه من جوه اجمالا حلوه جدا اوسع شويه بصيطه من الموديل الحالى
5. شنطه العربيه اكبر من الشكل الحالى
6. سعرها 105 الف جنيه قابل للتفاوض

العيوب او اللى عليها

1. الموثور 1400
2. مش كل الكماليات
3. مش اتوماتك
4. شكل مؤخر العربيه مش حلوه الشكل الحالى احلى بكتير

اتمنى تروحوا تتفرجو عليها و تكتبولى تعليقكم على الشكل ده و تضيفوا اراكم

http://www.seat.com/com/generator/su/com/newIbiza08SC/site/360views/main.html

مع تحياتى
محمد مصطفى

[mr_shims_49]

بص يا محمد هاقولك بصراحة انا اول ما جبت الابيزا ماكنتش اعرف عنها اي حاجة و الاعضاء هنا عرفوني كل حاجة فيها تقريبا و حبتها بس لما عرفت ان في شكل جديد نازل مصر اتقفلت اوي مكنتش لسه رخصت العربية بس لما مشيت بعربيتي حبتها اوي و اقتنعت بيها جدا جدا ده غير اني لما شفت الشكل الجديد ما اقتنعتش بيه اوي خصوصا من ورا و كمان عرفت ان موتورها 1400
و كمان لما لقيت ان سقفها بانوراما و بتاع قلت اكيد هاتبقي غالية اوي و كمان قلت هايبقي عندي ميزة ان معايا الموديل الوحيد في الابيزا اللي نزل بموتور 1600 في النهاية الحمد لله دلوقت راضي عن عربيتي و مش زعلان ان في شكل جديد نازل بس دي حكايتي مع ابيزتي حبيبتي

[عبد الرحمن اسامه]

شكلها جميل جدا، شبه الليون بس علي صغير، تحفة، انا حاسس ان ٢٠٠٩ اكبر بس مش متأكد يعني مجرد احساس.






IBIZA -> GALLERY

[zigoma]

ya 2ostaz abd el rahman ana kont ba3tlk msg 3ala el private messages.. yareet terod 3alia fe 2estfsary wa shokran

[عبد الرحمن اسامه]

ya 2ostaz abd el rahman ana kont ba3tlk msg 3ala el private messages.. Yareet terod 3alia fe 2estfsary wa shokran

انا اسف جدا مخدتش بالي من رسالتك، اصلي محدش بعتلي رسائل خاصة قبل كده فمكنتش واخد بالي من مكانه. انا دلوقتي رديت عليك.

[mr_shims_49]

، انا حاسس ان ٢٠٠٩ اكبر بس مش متأكد يعني مجرد احساس.
IBIZA -> GALLERY

انا برده حاسس كده

[beihoo]

السؤال الأن ....

هل برضه هاينزلوا الكوردوبا بنفس الشكل الحالي و لا هاينزلوا الاكسيو ؟

بتاع المبيعات كان قالي هاتنزل على 2011 و طبعا دا كلام تجاري بحت عشان عاوز يبيع موديل 2009

[beihoo]

الشيء الغريب ...

إن التوكيل نزل المواتير و الفتيس الجديد على الشكل القديم !!! يعني الابيزا الجديدة و الاكسيو بره بنفس المواتير اللي في موديلات 2009 و هي نفسها اللي نزلت في الفابيا 2009 (فابيا ميني).

بجد دي مش فاهمها.

[mr_shims_49]

بس بيقولوا الابيزا الجديدة 1400