حجزت الإبيـــــزا و زعلان عربية ماتستاهلش!!!

[PAYOO]

أنا كنت هارشحلك الجراند بونتو عربيه ممتازه ووكيلها بيبتدي بدايه جديده في مصر لكن بما أنك خلاص حجزت يبقى ألف مبروك والأبيزا عربيه ممتازه جدا وعيبها أنها فعلا غاليه لكن العربيه ممتازه سبات على الطريق وموتور محترم وعفشه رياضيه وبصراحه الأبيزا من كتر ما هيه شرسه أنا شايفها شبابي أكثر عن كونها بناتي لكن ممكن تمشي بناتي برضه

وألف مبروك

[eng_mkhalaf]

الصراحة أنا شايف أنك أتسرعت فى القرار دة - هيى عربية نادرة فبالتالى معناة مع قطع الغيار والصيانات ودة شر لابد منة - لكن للجانب الحسن هية عربية جامدة جدا لكن الحلو مبيكملشى

[boody2]

العربية جميلة ما شاء الله

عربية اسباني بموتور الماني و سمعتها حلوة من زمان من ايام موديل 1993 و 1994 لكن توكيلها ضعيف و مش عارف يسوقها خالص بس بصراحة شكلها تحفة بس هي اسما و شكلا احسن من الياريس و البونتو وشكلها احلي من الكولت بس حاول تسئل علي الصيانة بتاعتها و الضمان .
فعلا هي غالية بس هو ايه الي رخيص يعني؟؟؟و ربنا يباركلكوا فيها

انا كنت بقلب علي النت علشان اجيب شكلها و لاقيت واحد عرضها للبيع. http://www.car100100.com/car_details.php?car=1673

[معاذ الشرباصى]

العربية قطع غيارها متوفرة بره التوكيل حاليا, مش كلها طبعا بس مش اقل من 50%

و كمان فى لها قطع غيار استيراد لأن الشكل ده بقاله اكترمن سنتين

الوكيل بتاعها كويس, معقول يعنى لكن مش ممتاز لكن عندهم قطع الغيار و مش غالية اوى زى اخواتهم بتوع الفولكس

هما فعلا مقصرين فى موضوع الدعاية ده, على الاساس ان العربية جامدة و تبيع نفسها, و ده قصر نظر طبعا

بس على فكرة يا جماعة العربية دى فيها cd player, airbag, ABS, EBD فى النسخة المانيوال بتاعتها, يعنى فيها كماليات مش موجودة فى معظم العربيات اللى محمد قالها

[CryptonX]

Seat Ibiza = Skoda Fabia = VW Polo

3 اوجه لعملة واحدة , المانية VW ممتازة .

ال3 سيارات بنفس الشاسيه و نفس المواتير تقريبا . الفروقات مش جوهرية
بس اعتقد تسويق ال3 موديلات من ال 3 توكيلات زي الزفت !

البولو الجديدة اصبحت منظر نادر ! مش زي القديمة الخالص
الفابيتا اتغيرت برة السنة دي , بس احتا بنحب التراث .. انتوا عارفين طبعا .
الآبيزا منتشرة شوية عن البولو في رأي

انا شخصيا ارجح الابيزا فوق البولو

ولو اني شايف ان ال3 سعرهم مبالغ فيه لفئتهم
الجراند بونتو الكاملة , تحفة ايطالية ما شاء الله !
بس يعيبها موتورها المطروح في مصر .. و وكيل النقل الي واخدها و مش عارف يعمل اعلان نص صفحة حتى مش صفحة واحدة في الجورنال !

[yahyanaabil]

حضرتك شارى عربيه فى تفس مستوى العربيات الالمانى وهيه عربيه امنه جدا زى الفولكس والاوبل عشان كده هيه غاليه
ودايما العربيات الاوروبيه بتبقى اغلى من العربيات الاسيويه اللى فى نفس فئاتها

[ahmed1981]

الابيزا عربيه شيك مميزه شكلا
شركه عالميه محترمه
مواتير الماني من شركه فولكس
قد يكون عيبها الوحيد توكيلها اللي مش عارف يسوقها كويس
لكن ما عدا ذلك عربيه حلوه
ربنا يباركلكوا فيها

أؤيدك تماماً

[محمدايهاب]

أنا شايف ناس كتيير مرشحة الجرلند بونتو غحنا فكرنا في العربية العربية كاملة المواصفات ب100 ألف عند المصرية يعني ممكن 98 بره التوكيل بس أنا اسمع عنها كلام وحش جدا كمان الأهل مارضيوش تحت مبدأ إنها مجمعة في الصين


أنا الغيبيزا متقبلها ماشي بس الوضع إنها ما تستهلش سعرها و ده عيبها الكبيير و كمان في عربيات احسن منها كتيير في تمنها و أرخص
بس الحمد لله على كل حال

[oshy]

يا محمد باشا الموضوع أبسط من كده بكتير و الله العربيه الابيزا دى واحد صاحبى بيفهم فى العربيات أكتر منى مليون مره حلم حياته انه يشتريها و كل مشكلته انها غاليه عليه شويه و بيفضل يكلمنا عن مميزاتها اكنه بيتكلم عن استون مارتن و من وجهة نظرى ان العربيه مادام تمن العربيه مش عاملك مشكله زى صاحبى يبقى ألف ألف مبروك علي أختنا و عموما أول ما تشترى العربيه خد بيها كام لفه و انتا تغير رأيك و ساعتها ممكن تكتب بيوت شعر فى العربيه دى و أنا هجيبلك كام صوره للعربيه و هيه متظبطه عشان أحببك فيها أكتر و أكتر . آسف للاطاله

[oshy]

أنا جبتلك كام واحده على الماشى و فى أكتر من كده كمان و على فكره الناس اللى عمله كده فى عربياتها بيفهموا فى العربيات أكتر مننا بكتير و لو كانوا شايفين ان العربيه متستاهلش ماكانوش ظبطوها كده يا رب الصور تعجبك

[modux]

الصورة اللي قبل الاخيرة دي سيات ليون مش ابيزااااا

[محمدايهاب]

الصورة اللي قبل الاخيرة دي سيات ليون مش ابيزااااا

فعلا

أنا جبتلك كام واحده على الماشى و فى أكتر من كده كمان و على فكره الناس اللى عمله كده فى عربياتها بيفهموا فى العربيات أكتر مننا بكتير و لو كانوا شايفين ان العربيه متستاهلش ماكانوش ظبطوها كده يا رب الصور تعجبك

ما أنا قلت العربية شكلها جميل من بره أنا عارف
مش معنى إنها متظبطة إنها عربية حلوة كل العربيات بيظبط
شكرا جدا على الصور فرحتني :lol:

[oshy]

فعلا اللى قبل الأخيره سيات ليون معلش عندى أنا المره دى

[Sharky]

خالى بالك يا محمد الإيبيزا الشكل الجديد نازل السنة الجاية فى الصيف خلاص
و دا اللينك اللى فيه صورتها
http://www.nilemotors.net/Forum/viewtopic.php?t=8115

[shady_elkady]

البيزا ممتازة جدا انت راكب عربية المانى ن تجربة