لما السيات القديم المنتشر قطع غياره ندره جدا@هيعمل ايه يا عينى المعاه سيات 2009

[Tayer]

لما السيات القديم زى أبيزا 94 و 98 بيزعل عشان يلاقى قطع الغيا بتعته أمال بتاع سيات 2009 الهوة أصلا بنشوفو كل سنه مره فى شوارع مصر هيعمل أيه سنه 2020
بيتهيالى القطعه التبوظ ينساها (و يقول فقدنا أوبشن فى العربيه)أو يبيع العربيه
أو ممكن يشترى من دلوقتى عربيتين وحده تلعب دور قطع غيار التنيه كمان 10 سنين و دا طبعن لأن قطع الغيار مستحيل هيلقيها
و لو لقاها عند حد بعد ميلف مصر كلها هيستغلو طحن و هتكون مطر تجبها منه أيا كان تمنها
بس بصراحا قطع غيرها معمره جدا جدا........ألمانى يا ريس مش كورى ولا يبانى ولا صينى
أنا بجد حبيت العربيه دى أوى
و بنام بحلم باليوم الأركب ألمانى و بالأخص سيات
بس خايف من سنه 2020
و محتاج حد يقنعنى و يطمنى
و شكرا

[beihoo]

لما السيات القديم زى أبيزا 94 و 98 بيزعل عشان يلاقى قطع الغيا بتعته أمال بتاع سيات 2009 الهوة أصلا بنشوفو كل سنه مره فى شوارع مصر هيعمل أيه سنه 2020
بيتهيالى القطعه التبوظ ينساها (و يقول فقدنا أوبشن فى العربيه)أو يبيع العربيه
أو ممكن يشترى من دلوقتى عربيتين وحده تلعب دور قطع غيار التنيه كمان 10 سنين و دا طبعن لأن قطع الغيار مستحيل هيلقيها
و لو لقاها عند حد بعد ميلف مصر كلها هيستغلو طحن و هتكون مطر تجبها منه أيا كان تمنها
بس بصراحا قطع غيرها معمره جدا جدا........ألمانى يا ريس مش كورى ولا يبانى ولا صينى
أنا بجد حبيت العربيه دى أوى
و بنام بحلم باليوم الأركب ألمانى و بالأخص سيات
بس خايف من سنه 2020
و محتاج حد يقنعنى و يطمنى
و شكرا

مين قال لحضرتك كده ؟؟

أي قطع غيار ما تلاقيهاش عند بتوع سيات روح هاتها من عند بتوع سكودا و فولكس

دا بفرض إنك مش لاقيها و لا حتى في التوكيل

و بعدين ما شاء الله اللي مخلي العربيات السيات القديمة ماشية في الشارع لغاية دلوقت فالجديد مش هايمشي .. دا اللي معاه إبيزا من 10 سنين يمكن لسه مفكرش يغير قطع غيار!

أحب ألفت نظر حضرتك لحاجة .. سيات مملوكة لفولكس و فولكس تمتلك ايضا سكودا و أودي و بتنزل دايما نفس الميكانيكا و الكهرباء بتوعها في كل العربيات الفرق كله بيبقى في بعض الأوبشنز و الديزاين الخارجي

سيات مثلا الشكل الرياضي و الشبابي لفولكس
أودي الواجهة التكنولوجية لفولكس
سكودا الوجه العملي لفولكس
و فولكس إحتفظت لنفسها بالبرستيج

لو حضرتك رحت أي معرض سكودا و فتحت الفابيا الجديدة و بعدين رحت معرض سيات و فتحت الابيزا أو القرطبة مش هتلاقي أي فرق .. حتى نفس ترتيب الاشياء هي هي بدون أي إختلاف .. نفس الشيء مع البولو

انا لما بصيت في الحوض بتاع العربية لقيته كله علامات أودي و فولكس و ما لقتش علامة سيات غير على غطاء الزيت

نزلت بصيت على على المساعدين يمكن الاقي علامة سيات تانية لقيت علامات فولكس مطلعالي لسانها

إدخل صالون الابيزا - القرطبة - الفابيا - الاوكتافيا - البولو - البولو - الجولف ...... هتلاقي نفس التفاصيل متكررة بإختلاف الديزاين من شركة للتانية .. يعني هتلاقي نفس أذرع المساحات و الكشافات و الإضاءة و نفس ترتيب العدادات .. حتى العدادات هتلاقيها متماثلة و تختلف فقط في التطعيم الخارجي و لون الإضاءة.


يعني معاك عربية ألماني بنكهة أسباني .. تقفيل ممتاز و إهتمام بأدق التفاصيل .. حتى الإطارات مستخدمين واحدة من أفضل أنواع الإطارات في العالم.

بعض الريفيوهات على مواقع عالمية محترمة بتقول على القرطبة الجديدة -أكسيو- إنها أودي A4 متنكرة و بسعر سيات

بعدين هل تعتقد إن على سنة 2020 هاتبقى لسه بتدور على قطع غيار .. التخفيضات المتوقعة في الجمارك حتى تصل إلى صفر في المية هتعمل ثقافة شرائية جديدة في سوق السيارات .. تماما مثل الخليج و اوروبا -مع الفارق- بحيث إن العربية مش هاتقعد معاك من الزيرو 5 او 6 سنين على بعض .. تخيل كده الابيزا اللي كنت بتجيبها ب 110 ألف هاتجيبها في حدود 65-70 ألف و بكماليات أعلى كمان.

دا طبعا غير إن ربك هو اللي بيسر الأمور كلها .. فيه ناس بتجيب عربيات منتشرة و قطع غيار زي الرز و لا قدر الله بيعمل حادث و تضيع منه العربية -ربنا يعافينا و يعافي السامعين و القارئين- يعني لما يأتي أمر ربك مفيش أي حاجة هاتنفعك غير الله.

برضه إحسب حساباتك .. لو إنت عاوز تركب عربية محترمة و فيها اللي إنت عاوزة و لما تيجي تبيعها بعد 5-10 سنين تخسر فيها 5-10 ألف زيادة عن أي عربية تانية منتشرة يبقى توكل على الله كفاية استمتاعك بيها الفترة دي. و من يدريك مش يمكن سيات تاكل السوق بموديل من موديلاتها و العربية تنتشر زي السيراتو ما عملت مثلا؟ و زي ما الإبيزا نفسها عملت من كام سنة.

لو كنت ناوي تبيع في القريب العاجل أو هاتستنى عليها لكن راكب عربية مش ملبية كل رغباتك و هاتستحمل يبقى توكل على الله و عسى أن تكرهوا شيئا و هو خير لكم.

[mr_shims_49]

بجد لازم نسقفلك يا محمد يا بهي علي الرد الجميل ده بجد الله ينور تحياتي ليك

[beihoo]

بجد لازم نسقفلك يا محمد يا بهي علي الرد الجميل ده بجد الله ينور تحياتي ليك

جزاك الله خيرا يا سامح و كل سنة و إنت طيب

[Tayer]

طيب لو معاك كوردوبا 2009 سنه 2015 هتروح التوكيل ولا الحرفيين ولا للميكانيكى بتاعك ؟
و هتشترى قطع غيارك منين ؟
و لو عاشت معاك ل 2020 هتروح لمين فى التلاته دول
بجد انا عارف ان الأعمار بيد الله بس انا هعمل الهتأولولى عليه و نفسى أعرف مصيرى فى المستقبل ؟
دى بردو تحوشت العمر و نفسى أجيب بيها عربيه العمر
انا ميهمنيش ال (after sale ) لأنى مش ناوى أبيع العربيه الهشتريها
انا معايه بيجو 504 بجد من سنه 79 مشتكتش و بتزعل أى عربيه على الطريق خصوصا ال 1600 سى سى كلو ولاهى بدون أستسناء حتى لو 2010 بس حريقه بنزين
أنتو كلمكو بيطمنى أوى
و أنا بعد ردك دا يا بيهوو الجامد أوى أقتنعت بنسبه 90 %بعد مكنت مقتنع بنسبه 80 %
مش فاضل غير ال10% و هشترى أم الكردوبا
و بجد تحيا الألمانى
و يعيش الأسبانى
ممكن حد يعرفلى جنط القرطبه ال 17" بكام فى التوكيل

[beihoo]

طيب لو معاك كوردوبا 2009 سنه 2015 هتروح التوكيل ولا الحرفيين ولا للميكانيكى بتاعك ؟
و هتشترى قطع غيارك منين ؟
.....

بص يا أستاذي .. لو على 2015 ساعتها غالبا هاتابع مع ميكانيكي بره سواء في الحرفين أو غيرها المهم يكون متخصص في السيات و أعتقد فيهم منهم كتير و لو غلبت هاروح لميكانيكي سكودا بتاعي القديم و هايشتغل فيها و هو مغمض برضه عشان هي هي نفس العربية اللي بتعدي عليه و لو ملقتش هاروح لبتاع فولكس و اصلح عنده.

أسعار الصيانة للعربية في التوكيل بتغلى جدا لما العربية بتقدم شوية لأن التوكيل بيغلي أسعاره قوي لسببين (من وجهة نظري):
- الأول يخف عن دماغه صداع العربيات القديمة
- الثاني إنه شايف اللي جاي يعمل الصيانة في التوكيل لعربية عدى عليها أكتر من 5 سنين دا برنس و معاه فلوس كتير.

بص يا عم .. طالما ما يهمكش سعر إعادة البيع يبقى دور على الركوبة الحلوة اللي ترضيك .. فيه عربيات كتيرة الناس بتقول عليها رخيصة في قطع غيارها و لما تقارنها بالباقيين تكتشف الخدعة الكبيرة سواء في السعر أو في العمر الافتراضي .. من تجربتي مع الاسكودا .. العربيات الألماني إعتمادية جدا و قطع غيارها معمرة و أوفر على المدى البعيد.

العربية القديمة كان فيها مشط إلكتروني بغييره تقريبا كل سنة لأنه مكنش أصلي و لما جبت الأصلي ما شاء اله لو قوة إلا بالله .. حاجة تانية .. و لقيت إنه أوفر من أي بديل اللي بيكلفك و قت و فلوس و عطلة عند الميكانيكي.

قطع الغيار زي ما قلت دلوقت .. هتلاقيها يا عند بتوع سيات يا عند التوكيل يا إما إستيراد و ده أضعف الإيمان.

بخصوص الجنوط مش عارف الحقيقة و يا ريت سامح -اللي معاه أرقام خدمة ما بعد البيع- يتصل و يعرف لنا.

[Tayer]

شكرا على الردود الجمده دى يا بيهو و يا ريت يا أستاذ سامح تسألنا بكام 16" و ال 17"
ممكن يا بيهو تقولى فين الميكانيكيا الجمدين ال فى شارع فيصل و الهرم أو المهندسين أو 6 أكتوبر(العنوان بالتفصيل)
و منين أجيب قطع الغيار الأصلى بتعها (الألمانى أو الأسبانى) عشان ميدحكش عليا(أماكن غير التوكيل)؟؟؟؟
أكيد فى أماكن تنيه أرخص من التوكيل و أوريجال برده أو أضعف الايمان اصتراد بس نضيف؟؟؟؟؟؟؟؟؟؟؟؟؟؟

[mr_shims_49]

و انت طيب يا محمد باشا
و حاضر ان شاء الله بعد اجازة العيد هاسالكوا علي الجنوط و كل سنة و انتوا طيبين

[abb]

الله ينور

[doglas]

انا كنت سألت من شهر تقريبا على الجنط ال 16 بتاع الكوردوبا و قالولي إنه ب 6000 جنيه يا Tayer
و طبعا إنت اللي تختار شكله من المجموعة الموجودة على السايت بتاعهم، يعملو بيه أوردر لأسبانيا و يجيبوهولك

[mr_shims_49]

انا كنت سألت من شهر تقريبا على الجنط ال 16 بتاع الكوردوبا و قالولي إنه ب 6000 جنيه يا tayer
و طبعا إنت اللي تختار شكله من المجموعة الموجودة على السايت بتاعهم، يعملو بيه أوردر لأسبانيا و يجيبوهولك

تمام يا باشا الف شكر علي الافادة

[Tayer]

لما ال جنط ال16" ب 6000 جنيه
أمال ال 17" يعمل كاااااااااام يا عم دوجلس ؟
و كل سنه و أنتو طيبين

[Tayer]

الى جميع السياتويه يا ريت تجيبو حق السيات
السيات بتتهان و بتخسر قدام السيراتو فى قسم المقارنات
حد يجبلها حقها ونبى
فى موضوع عنوانه كالأتى :
(( كيا نيو سيراتو 2010 ولا سيات كوردوبا 2009 ستيب ترونيك )

[ehab_mansour]

السلام عليكم
مين قال ان قطع الغيار نادرة ونار بتاعت السيات بالعكس انا نزلت الحرفين وشارع دمشق وحتي في المنصورة وطنطا كل حاجه موجودة جديدة واستيراد ولو حتي عايزتعمل عربية تانية تعملها والحمد لله سعرها يناسب العمر الإفتراضي لها

[Tayer]

الجنط ال 17" بكااااااااااااااااااااام يا ناس