خبر جامد و سؤال مهم

[Tayer]

الخبر :وهو خفض الجمارك 10% على السوق الأوروبيه أبتداء من أول السنه مما يؤدى الى خفض سعر العربيه فى مصر ان شاء الله
السؤال : أين و متى هنشوف القردوبا 2010 و يترى شكلها هيكون فاجر زى الابيزا 2010 ال كلنا شفناها

[beihoo]

الخبر :وهو خفض الجمارك 10% على السوق الأوروبيه أبتداء من أول السنه مما يؤدى الى خفض سعر العربيه فى مصر ان شاء الله
السؤال : أين و متى هنشوف القردوبا 2010 و يترى شكلها هيكون فاجر زى الابيزا 2010 ال كلنا شفناها

بالنسبة لموضوع خفض الجمارك .. ده هايأثر على سعر العربية بأنه هايقل من 3-4% تقريبا و الموزع يا إما هاينزل العربية بنفس السعر لكن بمواصفات أعلى أو هاينزل نفس المواصفات و بسعر أقل من 3-4% .. و لو عاوز يكسب معقول و يزود المبيعات هاينزل العربية بسعر أقل و مواصفات أعلى.


السؤال الأهم: الكوري و الياباني هايعملوا إيه ؟؟ يعني إزاي هايقدروا ينافسوا قدام الاوروبي و سعر الاوروبي بيقل و بيلغي الميزة الرئيسية للياباني و الأوروبي؟
الحل هايبقى حاجة من الاتنين: يا إما هاينزل كماليات أعلى بنفس السعر و يقلل هامش الربح الكبير يا إما هانسمع حاجات لطيفة زي بتاعة اليارس إن الين الياباني أو اليوان الصيني أو الوون الكوري سعرهم نزل و العربيات سعرها ينزل.

و بالنسبة للكوردوبا الجديدة .. طبعا هايبقى شكلها حلو جدا زي الابيزا لأنها ابيزا سيدان ادخل على موقع سيات و دور على Exeo عشان ده اسمها الجديد. الميزة الأكبر في الكوردوبا الجديدة إنها أعرض من 2009 و بذلك أعتقد هاتختفي مشكلة ضيق الكنبة الخلفية.

[mr_shims_49]

فعلا الكوردوبا بقت اكسيو و شكلها تحفة

[Tayer]

مستر شيمز اشكرك
انت فخر لمنتى سيات

[solid_khaled]

اعتقد سعر الexeo هيكون فوق ال 150 الف مستريح

[Tayer]

ليه يا عم بس كده 150 الاف كده مش هشترى

[alzelafy]

يا جماعه متقلقوش الجمارك هتنزل 10 % الوكيل هيعوضها احنا فى مصر يا جماعه

[Ahmad Aboul Fotouh]

بالنسبة لموضوع خفض الجمارك .. ده هايأثر على سعر العربية بأنه هايقل من 3-4% تقريبا و الموزع يا إما هاينزل العربية بنفس السعر لكن بمواصفات أعلى أو هاينزل نفس المواصفات و بسعر أقل من 3-4% .. و لو عاوز يكسب معقول و يزود المبيعات هاينزل العربية بسعر أقل و مواصفات أعلى.


و بالنسبة للكوردوبا الجديدة .. طبعا هايبقى شكلها حلو جدا زي الابيزا لأنها ابيزا سيدان ادخل على موقع سيات و دور على Exeo عشان ده اسمها الجديد. الميزة الأكبر في الكوردوبا الجديدة إنها أعرض من 2009 و بذلك أعتقد هاتختفي مشكلة ضيق الكنبة الخلفية.

عندك حق مش هتفرق كتير في السعر
وعلي فكرة ال Exeo عربيه جديدة و كاتيجوري اعلي من الكوردوبا و معمولة علي شاسية ال A4 تقريبا اما الكوردوبا فمعمولة علي نفس شاسيه الابيزا
اعتقد ان الكوردوبا ممكن متنزلش تاني ولو نزلت هتكون نفس الابيزا بس بشنطة برضه

[javacoder]

الجمارك

الجمارك اللى بتنزل من جهة و مصاريف الترخيص ترتفع من الجهة الأخرى , علاقة عكسية يعنى عشان الجات ما تزعلش و الضرايب ما تحزنش

[javacoder]

مشكلة الجمارك

ليه الجمارك ما تبقاش علاقة عكسية مع الجودة
بحيث السيارات ذات الجودة عالية تكون جماركها أقل لأنها توفر أموال الدولة
و السيارات الكورى و الصينى تكون جماركها عالية لأنها تستنزف أموال الدولة و العملة الصعبة و فى أقل من عشر سنوات يكون مالك السيارة دفع ثمن السيارة مرة أخرى كقطع غيار و خدمة.

أنا فعلا بستغرب إن مفهوم الجمارك فى مصر مبنى على أساس حماية الصناعة المصرية من المنافسة الأجنبية.

و لكن المضحك أن الجمارك المصرية بعد أربعون عاما من فرضها قد أوقفت تماما صناعة السيارات و قطع الغيار تماما.

بل و أصبح لها هدف آخر غير مقصود ألا و هو حماية الصناعات الآسيوية فى مقابل الصناعة الأوروبية و اليابانية.

فأصبحة الصناعات المشهود لها دوليا بضعف و انخفاض جودتها أصبحت منافس شرس للسيارات الأوروبية عالية الجودة.

حتى أن مصر أصبحت فى أقل من أربع سنوات أكبر سوق للسيارات الأسيوية و تنافس السوق الروسي فى استهلاك هذه السيارات و بالتالى فإن مصر هى أكبر ممول خارجى لصناعة السيارات الأسيوية و التى أدت إلى نمو صناعة السيارات الآسيوية على حساب الموظفين و أرباب الأسر الفقيرة المصرية الذين مولوا دولارات البحوث و التطوير لهذه الصناعة و الذين يحلمون باقتناء سيارة تستر أسرهم و تقيهم ذل السؤال إلا أن هذه السيارات لم تلبى إحتياجات هذه الأسر الفقيرة التى ركضت خلف الأوهام حتى أنها لم تقيهم ذل السؤال بل أصبحة الأسرة تعتمد مرة اخرى على المواصلات و تم إضافة بنود جديدة على كاهلهم ألا و هو الوقود و الصيانة و قطع الغيار !!!!

إذا كنت لا تقتنع بكلامى فاسأل لماذا معظم السيارات الأسيوية دخلت بمجهودات تفاوضية أكثر منها مجهودات الإتقان و الجودة الصناعية إلى السوق الأوروبية و لماذا تلك التى بالكاد دخلت أوروبا تسعى حتى هذه اللحظة إلى دخول السوق الأميركى و لم تفلح و إن فلحت فى السنوات المقبلة فسوف يكون على نفقة الأقتصاد المصرى الذى سهل لهم مصادر العملة الصعبة للبحوث و التطوير ذلك الإقتصاد الذى لن يجنى أى عائد من الأستثمار فى صناعة السيارات الأسيوية التى لا تلقى له بالا و لا تقدر أو تنظر إلى إحتياجاته سعيا و راء إرضاء الأوروبى و الأميركى متناسية أن المصرى هو الذى مول هذا النجاح من "لحم أكتافه".

أتمنى أن يصل صوتى إلى كل من يهمه الأمر فالموضوع جد خطير

[Tayer]

يا جماعه الوكيل ميقدرش يغلى أو مينزلش السعر بعد انخفاض الجمارك ,لأن الخليجى كده كده أحسن و أرخص فى وقتنا هذا فسوف تتسع فجوه السعر بين المصرى و الخليجى

[mr_shims_49]

اكيد الاسعار هتنزل بعد تخفيض الجمارك