مشاكل ال ليون

[zigoma]

يا جماعة انا العربية دي عجابني جدا بس سمعت انها فيها مشكلتين اولا ان العربية المفروض يتحطلها بنزين 95 مش 92 وعلشان كده العربية بتنتش و بتقطع على السرعات البطيئة و في اخر ترمبة البنزين بتبوظ و الرشاشات
ثانيا ان الجير بوكس بيبوظ بردو و ده اريتو من ناس كتير على الفيس بوك في جروب سيات ليون
الرجاء من ملاك ليون في مصر الرد و بكل شفافية علشان بجد الناس تستفيد
وشكرا

[عبد الرحمن اسامه]

انا معايه ليون ٢٠٠٩ في السعودية الغطاء بتاع البنزين مكتوب عليه ٩١ - ٩٥ كنت بحطلها ٩١ في الاول و دلوقتي بحطلها ٩٥ كده شغاله و كده شغالة

بخصوص الجير بوكس هي لسة مكملتش معايه ٥٠،٠٠٠ مقدرش اعرف اذا كان هيبوز ولا لاء ، بس هو محترم جدا و نفس الفي الجولف و الاودي علي ما اعتقد.

ممكن تقولي اسم الجروب بتاعة سيات ليون العلي الفيس بوك.

[عبد الرحمن اسامه]

علي فكرة ضغط الموتور ١٠.٣ و ده علي حسب مقالة نشرت هنا قبل كده كانت بتقول ضغط ١٠ يتحطله ٩٢ و ضغط ١١ يتحطله ٩٥ و هي اقرب للعشرة بس انا هحطلها ٩٥ علي قد ماقدر، بس لو نزلت بيها مصر اعتقد هطر احط ٩٢.

[عبد الرحمن اسامه]

انت ازدك علي الفتيس المانيوال ولا الاوتوماتيك، انا مانيوال.
انا مش عارف هي في منها اوتوماتيك ولا لاء، هي هنا في السعودية لغاية ٢٠٠٩ مفيش منها اوتوماتيك.

[ehab_mansour]

مافيش اي حد اشتكي قبل كده من فتيس ليون او ابيزا او غيرهم ولا في اي موديل غريبه قوي دي واشاعه جديدة

[ooso28]

مفيش 1600 cc اتوماتيك كلو مانيوال
اما السعات التانيه فيها اوتو ومانيوال زي 1400 2000 سي سي

[mr_shims_49]

انا اول مرة اسمع الكلام ده

[zigoma]

[caution]تنبيه بمخالفة القاعدة رقم 6 بند ب
ممنوع الكتابة بالفرانكو
الرجاء مراجعة قوانين المنتدى
مشرف الأوروبى 1
[/caution]

[hossaam]

مش عارف..اعتقد الكلام ده غير دقيق
انا دخلت على الجروب بتاع الفيس بوك..
مشكلة الجير بوكس دي مش جماعيةولا حاجة زي ما الاخ بيقول...
هو واحد فقط كان عنده مشكلة ..والباقي "كلهم " بيشكر في العربية..وانا معاهم

العربيه حلوة بجد ما شاء الله ..اذا ماتفرقش معاك حتة الجير العادي توكل على الله وما تترددش
ورأيي ان افضل عربيه في الفئة دي واحدة من تلاته:
الليون
الجولف
والبرافو

[alzelafy]

مستحيل فولكس واجن تنزل عربيه موديل 2009 و الجير بتاعها بيبوظ بسرعه متنساش ان الليون موتورها فولكس امال اللى معاة هيونداى و كيا و ميتسوبيشى يقول ايه العربيه بتطلع من المعرض على التوكيل تغير فتيس ؟؟؟؟؟؟ دا كلام غير منطقى تماما المهم المحافظه على الفتيس لو كان اوتوماتيك ابعد عن الكيكات و الشد و الجرى و انتا تنسى موضوع الفتيس دة خالص و دة فى كل الاعربيات الاوتوماتيك

[Tayer]

و انا معى هذا الرأى

[mr_shims_49]

وانا كمان

[عبد الرحمن اسامه]

يا جماعة انا العربية دي عجابني جدا بس سمعت انها فيها مشكلتين اولا ان العربية المفروض يتحطلها بنزين 95 مش 92 وعلشان كده العربية بتنتش و بتقطع على السرعات البطيئة و في اخر ترمبة البنزين بتبوظ و الرشاشات
ثانيا ان الجير بوكس بيبوظ بردو و ده اريتو من ناس كتير على الفيس بوك في جروب سيات ليون
الرجاء من ملاك ليون في مصر الرد و بكل شفافية علشان بجد الناس تستفيد
وشكرا

انا دخلت علي الجروب و قراءت المكتوب، كل البيشتكي ٢٠٠٧ و ٢٠٠٨ محدش معاه ٢٠٠٩ او ٢٠١٠ بيشتكي.

انا معايه ٢٠٠٩ مشتكتش من حاجة من دول خالص، انا معايه بقالها ٤ شعور بس تقريبا.

[safeeagent]

العربية دي محترمة جداً ومعتقدش ان ممكن يحصل فيها حاجة زي كدة غير حالات فردية وعلشان تكون شفت كل العربيات في فئتها انصحك تشوف الفيات برافو كمان عربية محترمة

امال اللى معاة هيونداى و كيا و ميتسوبيشى يقول ايه العربيه بتطلع من المعرض على التوكيل تغير فتيس ؟؟؟؟؟؟

معلش حضرتك بتتكلم كلام غريب جداً وبغض النظر عن هيونداي وكيا لان عليهم اختلاف رغم تطورهم انصحك تقرأ عن ميتسوبيشي كويس لانها تعتبر من افضل الشركات في العالم في صناعة الجيربوكس ومرسيديس وكرايزلر وشركة بوش دائماً بتطور الجيربوكس والمتور بالاشتراك مع ميتسوبيشي والcvt اختراع من ميتسوبيشي والماركة دي بالذات آخر ماركة ممكن تتكلم عن الفتيس بتاعها لانها شركة ليها انجازات كتير في المجال ده زي cvt و dual clutch ومازال عند واحد قريبي محافظ على العربية جامد ميتسوبيشي جالانت موديل 1979 اوتوماتيك وعمره ما اشتكى من الفتيس.!!

[mr_shims_49]

انا كنت رايح مرة توكيل بيجو اصلح عربية اختي و سبتها هناك و كنت رايح تاني يوم اسأل خلصت ولا لأ كنت رايح بالابيزا وقفني مهندس من التوكيل سألني علي الابيزا و كده و قالي ان واحد صاحبه كان هايجبها بس الناس خلوه يجيب النترا و بيحلفلي انه جابها يوم تلات يوم الخميس العربية جابت فتيس !!!!! و قالولوا هانصلحهالك ببلاش بس هو بيقول انه متضايق طبعا يعني راكب عربية جايبها زيرو و مغيرة فتيس و عايز يبيعها و يجيب ابيزاا