ارجو تقييم ابيزا 94

[akramlail]

ارجو من منتداكم الكريم افادتى فى ابيزا 94 متسقطلها موتور جولف 1300 وفابريكة دواخل وسنتر وراكبلها زجاج كهرباء وجنوط 14 وفرش جلد وطالب فيها 26 اية رايكوا اشتريها واية الفرق بينها وبين 99 وهل فعلا هية احسن من الانجكشن ووجع دماغها وشكرا مقدما

[akramlail]

سؤال اخر هل ينفع يركبلها باور ويتكلف كام

[kojyad]

بص ياباشا , اولا ربنا يقدملك الي فيه الخير
انت فعلا احسنت الاختيار , بس ياريت تتأنى شوية
عشان العربية ده بجد ممتازة جدا ( الابيزا عامة ) وعربية شبابي قوي
- لو مخدتش بالك منها وفحصتها كويس قبل ما تشتريها ممكن تدبس
تدبيسة حلوه
- عموما انا معايا ابيزا 94 ومسقطلها موتور 1600 , والسحب
ماشاء الله تحفة , وخلي بالك العربية بدي تقيل جدا , يعني
العربية راسية عالارض جدا , والابيزا 94 بالزات ممكن تشيل
لحد 2000 cc

- اما بالنسبة للكربراتير , انا عن نفسي بفضل الكربراتير في
العربيات المستعملة عن الانجكشن , لأن الانجكشن عايز عربيات
زيرو ولسة في الصيانة , ياإما هيطلّع عينك
انا عربيتي كربراتير , ومرتاح معاها جدا والحمد لله ,
وعلى فكرة انا بحط زيت موبل 5000 عشان احافظ عالمكنة
وبجد بتوفر معايا جدا في البنزين , مع ان المكنة 1600

- اما بخصوص الباور: انا مش باور , ورحت سألت في الحرفيين
عن موضوع اني اسقط باور , قالولي ممكن بس هتغير علبة الدركسيون كاملة , والقاعدة , وهتتكلف حوالي 1500 كله
بس في ناس منصحتنيش بيها الصراحة , وقالولي ان في مشاكل
في الخراطيم وتسريب الزيت وحاجات كده مفهمتهاش قوي
عشان كده صرفت نظر .

-اهم حاجة تكشف على كبس الموتور , وكفائته , وتتأكد ان مفيش اي تسريب زيوت عالموتور , وايه اخبار التكييف ؟
لو العربية حالتة كويسة واتأكدت من كده , والتكييف موجود
يبقى السعر ده كويس جدا , وتوكل على الله
-وعلى فكرة اسعار قطع غيارها مش غالية خالص ومتوفرة جدا

والله عن تجربة عشان الي يقولك غير كدة يبقى بيضحك عليك .

[mr_shims_49]

ربنا يوفقك يا باشا و تنضم لمنتدي السيات

[mr_sameh]

اعتقد kojyad قالك علي كل حاجة قرر انت بقي

[akramlail]

ربنا يباركلك فى عربيتك وشكرا لكل اللى اهتموا بس فى حاجة هية مافيهاش تكيف يعنى المفروض انها فاضية بس زى مقولت فى الاوب راكبلها ازاز كهرباء وسنتر وبس مفيش حاجة تانية وقاللى فاضل بس هيجيبلها 4 مساعدين وتبقى العافشة اتظبطت والموتور بيقولى لسة جايبة وتمام وهل فعلا موتور الجولف نفس موتورها ولو هوة نفسة طب غيرة لية اما بالنسبة لتكييف ممكن اركبلها تكييف ويتكلف كام

[akramlail]

بسالة على الموتور قاللى انة لسة بيفحصها فى المرور وورانى الورق بتاعها عدت من اول فحص بياكدلى ان حالتها تمام هل دة كفاية وشكرا لمنتداكم الكريم

[mr_shims_49]

هو مغيره غالبا عشان يزود اداء العربية

[kojyad]

ربنا يباركلك فى عربيتك وشكرا لكل اللى اهتموا بس فى حاجة هية مافيهاش تكيف يعنى المفروض انها فاضية بس زى مقولت فى الاوب راكبلها ازاز كهرباء وسنتر وبس مفيش حاجة تانية وقاللى فاضل بس هيجيبلها 4 مساعدين وتبقى العافشة اتظبطت والموتور بيقولى لسة جايبة وتمام وهل فعلا موتور الجولف نفس موتورها ولو هوة نفسة طب غيرة لية اما بالنسبة لتكييف ممكن اركبلها تكييف ويتكلف كام

اعتقد ان المشكلة مش في سعر التكييف , المشكلة انك لو حبيت تركبه هتلف كتير
عشان تلاقي واحد استيراد محترم يركب عالمكنة بتاعتك
- اصل انا كنت عارض عربيتي للبيع , والعربية كاملة من كله والتكييف ذي الفل
سنتروريموت انزار,زجاج كهرباء , كاسيت cd lg اربع سماعات بيونيير , جنوت اسبور
موتور جولف 1600 , ومفيش خدشة في العربية , والفرش جلد مع الفبريقة موجود , ولم ترش دواخل ابدا ,,,,,,, ومجبتليش اكتر من 28 وانا كنت بتكلم في 32
بس الحمد لله , انا صرفت نظر حاليا عن البيع لانها مكلفاني حوالي 45 الف شراء وتظبيط
من سنتين , قلت لأ انا احسن اعيش بيها حياتي لحد ما تجيب اخرها

- يعني انا شايف ان العربية الي انت بتتكلم عنها ممكن توصل ل 24 - 25
مرتاح من غير تكييف , بس اهم حاجة زي ما قلتلك اتأكد من الموتور الي مسقطه
واوعى تاخد العربية قبل ما يثبت الموتور في الرخصة

واتأكد برده من ان الموتور راكب على القواعد والشدات تمام
وعلى فكره احيانا تغيير الموتور بيحتاج تغيير اجزاء من العفشة الامامية معاه

من الاخر انت محتاج ميكانيكي محترم يكون صاحبك , عشان يطمنك عالموتور
والله الموفق , ومتنساش الاستخارة اهم حاجة.

[M.Mostafa80]

احب بس أقول حاجه معروف ان الأبيزا كانت بتنزل أصلا يأما 1300 يأما 1400
فا هو كدا مرحش بعيد دا هوهو يبقى المفروض مفيش لعب فى العفشه
بس اهم حاجه يكون راكب بنفس القواعد القديمه يعنى ما يكونش اتعملها تعديل فى الحوض وانا رأى الشخصى شوف عربيه تكون بماتورها وتكييفها الأصلى أفضل لأن لو كدا هتدوخ وتعيش الحياه

[kojyad]

احب بس أقول حاجه معروف ان الأبيزا كانت بتنزل أصلا يأما 1300 يأما 1400
فا هو كدا مرحش بعيد دا هوهو يبقى المفروض مفيش لعب فى العفشه
بس اهم حاجه يكون راكب بنفس القواعد القديمه يعنى ما يكونش اتعملها تعديل فى الحوض وانا رأى الشخصى شوف عربيه تكون بماتورها وتكييفها الأصلى أفضل لأن لو كدا هتدوخ وتعيش الحياه

صح انا برده معاك في الموضوع ده
ده وجهة نظر صحيحة , طب هو ليه غير الموتور , ماهي اصلا 1300 ؟؟؟؟؟؟؟؟
يا خوفي ليطلع عامل بيها حادثة ولا تكون مشيّسة لا قدر الله

[M.Hassan47]

انا من رأيى ان السعر كويس اوى على الحالة اللى انت بتوصفها
لكن فعلا لازم تعمل اتشيك جااااامد عليها عشان موضوع الموتور ده ولو تمام اتكل على الله
والباور بتعمل فى شارع شامبليون فى وسط البلد وبتكلف فى حدود الف جنيه