اسئلة ارجو من اهل الخبرة الاجابة

[ahmedali]

السلام عليكم ورحمة الله وبركاته
انا كان عندى شوية اسئلة يا جماعه وبتمنى الرد عليها والافادة لانى محتار فعلا وارجو انكم يكون عندكو سعة صدر
انا عندى ابيزا 94 لسا جايبها من 4 شهور العربية حاليا بالحالة دى
هى سيات ابيزا 94 glx السيارة حالتها ممتازة متور ممتاز وعفشه ممتازه ودواخل فبريقه تم عمل طقم سيرفس كامل من سيور وبوجيهات وفلاتر وتغيير زيت السيارة وزيت الفتيس وهذا كله فقط من اسبوع يوجد بها 4 زجاج كهرباء
اانذار وسنتر باثنين مفتاح ريموت فرش جلد كاسيت سوني اكسبوليد سماعات سوني
جنوط اسبور 14 لون مميز رمادي ميتالك فوانيس امامية وفوانيس اشارة جداد اضاءه عاليه
شبكة امامية جديدة وكساح جديد وطقم دبرياج جديد كوتشات هنكوك جديده مجهزة تكييف
المهم انا جبتها بي 31 وصرفت عليها الف يعنى 32 جاى بسال على الاسعار دلوقتى الناس بتقول ارقام غريبه في الابيزا عموما انها مش هتزيد عن ال 28 الف والكلام ده وانا عربيتى جابت 30 الف بس ما رضتش ابيع لانها حاله نضيفه اوى وصعب الواحد يلاقي زيها ففكرت في حاجه وتفيدونى هل اللى هعمله ده غلط ولا صح

اولا انا هعمل تعديل فيبر للعربية شكل حديث مع الفوانيس
وهعمل فيها الاتي
متور 1600 بالتكييف والباور
عفشة كوني
فلتر هواء رياضي
فرامل رياضية
دبرياج رياضي
كراسي ريكاردو
جنوط 15 بالكاوتشات بتاعته
فرش كامل للصالون والتابلوه
دهان جديد سكينز
فتحة سقف كهربا
شنطة من الداخل كهربا وباركينج سنسور
تابلوه حديث هركب تابلوه الابيزا 2002 وعداد بولو 2002
مرايات كهربا
وحدة رفع
دي في دي
التكلفة الاجمالية 16000 الف جنيه
يعنى كده العربية هتقف عليه كلها بحوالى 47 الف
تقريبا هل حرام انى اعمل كده في عربية موديل 94 واظبطها كده والافضل انى اجيب واحده مثلا 2002 بالسعر ده
ولا ده افضلي انى بركب سيارة افضل من الزيرو في الامكنيات وفيها حجات كتيره زى دى
وكمان هل الاسعار نزلت على الكل ولا ده على الابيزا بس
معلش طولت عليكو بس انا محتار بجد
وسعر 31 الف ده من اربع شهور مبالغ فيه ولا انا مضحكش عليه عادى وشكرا ليكو مقدما على الردود

[ehab_mansour]

السلام عليكم
اخي الفاضل انا رأيي انك لو العربية حالتها كويسة فعلا حاول تستخدمها كده شوية ولو احتجت تركبلها بعض الكماليات الغير مكلفة لحاجتك الضرورية لها يبقي تمام
لكن عايز أقلك ان حرام تحط الفلوس والكماليات دي كلها في عربية مهما كانت تعتبر قديمة انا لو منك ومعايا فلوس هشتري حاجه موديل أعلي او أجيب زيرو واستمتع فعلا لأنك مهما ضفت ليها كماليات عمرها ما هتكون زي اللي بتنزل أصلي في العربية وربنا يوفقك لما يحبه ويرضاه
وفي الأخر دي وجهة نظر تحتمل الصواب او الخطأ والقرار في النهاية لك

[ehab_mansour]

استكمالا لكلامي ان فرض جدلي انك هتركب كل اللي عايزة زي المصنع بس ده مستحيل لأنك في مصر مستحيل هتلاقي صنايعي يركبلك كماليات دون ان يحدث منها مشاكل كثيرة واللي في الأخر هتكرهك في العربية
انا معايا ابيزا 98 ومش ناقصها حاجه غير الكماليات ومش راضي اركبها اي حاجه لأنها هتكلفني ومش هعرف استمتع بيها لكن اعتقد انها لو فيها كماليات عمري ما كنت هفكر اغيرها لأنها عربية لا تعوض غير اني اجيب منها موديل عالي لأنها فعلا تعطيني كل ما اريده منها
انها فعلا سيارة رائعه واحترمها