المشاركة الأصلية كتبت بواسطة mohamed ibiza
مشاهدة المشاركة
حبيب هارتي..
تعلي بقي انا هامسكك حتة حتة و مش هاتعقك..
اولا المقدمة و الدخلة دي..
بيتهيألي اعلان سيات اللي في نجوم اف ام غشوها منك يا كبير.. جامد يا معلم من يومك..
نيجي بقي للمواصفات..
الشكل طبعا لا خلاف ولا جدال..
الخطوط رياضية جدا..
بس انا شايف بقي ان باقي المواصفات.. حاسسها داخلة تتحدي الاوبل استرا.. ولا انا بيتهيألي..؟؟
الجي تي سي كمان مش العادية..
يعني خد عندك.. السقف البانوراما..
الشاسيه المزود بنظام برنامج الثبات الاليكتروني.. esp و نظام ال traction control
ودل واضحين قوي انهم نازلين للمنافسة.. لأن الاسترا فيها الانظمة دي كلها و اكتر و كانت اول عربية تنزل الانظمة دي في الفئة
دي من العربيات.. عادة بتنزل في الفئات الاعلي من كده..
انا شايفها نازلة بمواتير برضه متعددة.. اكتر الميزات اللي انا شايفها استهلاك البنزين اللي معدلاته كويسة جدا و متقاربة مع اختلاف السعة الليترية.. ودي حاجة كويسة..
و تاني حاجة ان القدرة القصوي بتكلع عند عدد لفت موتور قليل..3800 بس.. يعني ممكن تجيب القدرة دي وانت سايق في وسط البلد.. مش لازم تكون طاير علي طريق سريع يعني..
المواتير و فئة العربية..
الموتير انا شايفها نازلة جامعه بين الاوبل كورسا و استرا..
1200-1400-1600 وان كانت الاسترا برة بتنزل بالمواتير دي.. ال3 يعني..
في حاجة كمان.. انا بيتهيألي ان قياس ثاني اكسيد الكربون بيكون بالجرام مش الكيلو جرام..
اما فيما يخص الاسعار.. انا ليا رأي..
هي لو كانت نازلة الموتور ال1400 بسعر 120 الف.. كده يبقي سعر كويس جدا..
لسبب مهم الا وهو السمات الرياضية اللي هتبقي فيها..
يعني السقف البانوراما اكيد مش هيبقي متوافر هنا في كل الموديلات.. ممكن الكوبيه بس..
بس نظام الاتزان و التراكشن.. هيبقي موجود في كله.. وده اكيد تمنه فيه.. يعني لازم يزيد..
انا هاقارن و باقارن كتير بالاوبل بصراحة بس عشان انا عارفها و شايف تقاربات جامدة جدا..
ومعلش اعذروني عشان انا من مالكي و محبي اوبل..
التوكيل لعبها صح لأنه كده كسب الفجوة اللي بين الاسترا و الموديلات الالماني اللي اقل من كده.
منصور منزلش الكورسا هنا.. عشان لو نزلها هيبقي سعرها قريب قوي من الاسترا.. و ممكن تأثر علي مبيعاتها..
خاف عليها.. و منع الكورسا.. و هنا بقي تيجي ميزة الابيزا دي.. هتسد الفجوة دي.. و هتمثل اختيار مهم جدا و بديل قوي للكورسا اللي منصور خباها علينا.. مع التقارب الشديد في امكانيات و مواتير العربيتين..
بس لو كانت الكورسا نزلت مكانتش هتزيد عن ال1200 بس.. لكن الابيزا هتنزل يا اما 1400 وكده هتملا الفجوة دي..
يا اما لو نزلت 1600 يبقي هتحاول تقرب من الاسترا وفي الحالة دي ممكن تكون منافس شرس جدا..
يمكن الحاجة الوحيد اللي تخلي الاسترا افضل.. انظمة الامان و الاتزان اللي تتميز بيها كتكنولوجيا جديدة عن فولكس و سسيات..
ايه رأيك بقي يا حمادة..؟؟ قوللي رأيك.. و اوعي تزعل..
احنا ولاد عم و مفيناش من زعل.. باقولك رأيي و باقارن..
واديني قولتلك اهو وقولتلك قبل كده انا لو هاجيب زيرو كانت الابيزا 2008.. مناسبة جدا لسعرها و امكانياتها..
ولو عليت لل120.. يبقي اكيد الابيزا 2009 لكونها منافس قوي و اشد من الكورسا لو كانت موجودة.. بس حتي لو كانت 1600 انا لسة مش شايفها تغلب الاسترا (في نظري و لمعرفتي بتكنولوجيا اوبل العالية و المبتكرة جدا في العربية دي..)


Comment