Tweet
أكواد الفولكس ومعلومات قد تخفي علي البعض
بسم الله الرحمن الرحيم
السلام عليكم ورحمة الله وبركاته
أخواني الأعزاء في قسم سيات نايل موتورز
تحية طيبة ،،
القديم مننا في فولكس هيعرف ان كل حاجة عند فولكس بأكواد
والجديد مننا احب اقوله انك طالما قررت تركب عربية من مجموعة فولكس يبقي لازم تعرف ان مطلوب منك تكون عارف انك لما تحب تغير حاجة في عربيتك لازم تجيبها بأكوادها الصحيحة اللي فولكس قايلة عليها
ولازم كمان تعرف ان ممكن جداً قطعة الغيار اللي راكبة في عربيتك السيات ابيزا تكون هي نفسها اللي بتركب في الجولف 3 او الجولف 4 او البولو او القرطبة او الليون
مش احنا اللي بنقول
فولكس اللي بتقول
كمان لازم تعرف ان المحرك ليه كود
الفتيس ليه كود
اي قطعة غيار في العربية ليها كود
غيار الزيت ليه كود
سائل التبريد ليه كود
كل حاجة بمعني كل حاجة عند فولكس ليها كود
موضوع النهاردة هيكون عن تيكيت Ticket او استيكر موجود في عربياتنا (ممكن يكون مخلوع عندك من العربية)
التيكيت دة علي اختلاف اشكاله واختلاف اماكن تثبيته بيبقي موجود فيه كل حاجة في العربية - اقصد مكتوب فيه رقم العربية وكود المحرك وكود الفتيس وفئة العربية والأوبشنز اللي نزلت بيها العربية
التيكيت دة بالنسبة للسيات ابيزا نزل في مكانين
1- في خلف الستارة الخلفية اللي راكب فيها قفل باب الشنطة
2- ملزوق في ظهر رف السماعات
احتمال تلاقيه في العربيات التانية من فولكس في قايم باب السواق او في القايم الأوسط او في الكبوت من جوة تحت التوربيدو او في الكبوت او درج التابلوه
الأماكن كتيرة اللي راكب فيها
احتمال تلاقيه تيكيت ورق (شبه ورق شيكارة الأسمنت) واحتمال تلاقيه معدني
دي صور ليه علي أختلاف اشكاله
طب بالنسبة للكلام المكتوب جواه ؟؟؟
التيكيت مقسم لخانات زي الجدول
ومكتوب بالأسود كل خانة بتاعة ايه
وطبعاً المدخلات هتتغير من عربية للتانية
طب دلوقتي واحد هيجي يقولي وانا هعمل ايه بالكلام دة ؟؟؟؟
دة سؤال وجيه
انا اقولك تعمل بيها ايه
خليك بتشتري (سواء مش من ملاك فولكس او بتغير عربيتك)
وانت بتشتري تلاقي المحرك متغير وصاحب العربية يقولك دة بتاعها ستوك - تحط التيكيت في عنيه الأثنين
التكييف باين انه متركب - يقولك دة بتاع فبريكتها - تحط التيكيت في عنيه الأثنين
متركبلها زجاج كهرباء ومغير فرش الأبواب - تحط التيكيت في عنيه الأثنين
مغيرة لون - تحط التيكيت في عنيه الأثنين
الأهم من دة كله - بالنسبة لملاك التوليدو الجديدة او الليون او الأبيزا
لما بيبقي مش عارف عربيته فيها الأوبشن الفلاني ولا لاء - يقدر يعرف كل الأوبشنز المتاحة من خلال التيكيت دة
تعالو نشوف أمثلة علي الأوبشنز بأكوادها
VOG = MICHELIN tires
4R3 = Power windows with comfort operation
E0A = No special edition
8YQ = Radio "HIGH"
CE0 = Alloy wheels 8.5J x 18
G0G = 5-speed manual transmission for four-wheel drive vehicle
HH8 = Tires 225/45 R18 95W xl (polymer coating)
J2A = Battery 330 A (61 Ah) and battery 480 A (85 Ah)
MW4 = 12-cyl. gasoline engine 6.0 L/309 kW 48VWR 12, Motronic base engine is T08/T1H
1AK = Electronic stabilization program (ESP) with brake assistant
2ZW = Leather trimmed multi-function steering wheel, heated
2C4 = Axially and vertically adjustable steering column with memory system
3PK = Electric seat adjustment for both front seats
طب لو انت بنفسك عايز تعرف الأكواد دي
ادخل علي اللينك دة
VW Group Option Codes Decoder
ولو عايز كل الأوبشنز في ملف PDF
اكتب هنا الكود وهيقولك بتاع ايه والشرح كمان بتاعه
VAG Codes
اتمني الموضوع يعجبكوا ويكون مفيد لينا جميعاً
تحياتي للجميع
Comment