استفسار بخصوص ثمن عربية a4

[HEEEEERO]

دلوقتى انا معروض عليه اوكتافيا a4 موديل 1998 وهى راشة بره وعاملة حوالى 200 الف كيلو كاملة مانيوال دلوقتى بيتكلم فى 55 الف جنية وانا مش عارف هو السعر كدة اصلا ولا هو السعر كدة مقلق ويخوف وبعدين لو السعر كدة عادى مثلا ايه اللى اكشف عليه فى العربية عشان اعرف هى عاملة حادثة ولا مغيرة ربع او نص افيدونى
وهل ال 1998 وحشة انا عارف ان طابلوها فقير شوية بس انا بتكلم كا عربية وحشة ولا حلوة يعنى اركب لانوس 2004 او 2005 ولا اوكتافيا 98 افيدونى
بس لو سمحت افيدونى مش عشان انتوا معاكوا اوكتافيا انا عايز اعرف رايكم العام واسف انى طولت

[spider6666]

تعاله اشتري بتاعتي ب 78 الف موديل 98 ب رضه وفابريكة جوه وبرة وفي اماكن بسطة رشة...واوتوماتيك كمان وفول اوبشن كاملة من كله
موديل ال 1998 هوه موديل الماني 100% ومش تشيكي

[inspiron]

الـ 98 عربية ممتازة طبعا و السعر ده قليل عليها لو حالتها نظيفة.أنا عربيتي 98 برده وأوروبي كاملة منوال و جيبالي 70000. وحضرتك تظلمها أوي لو قارنتها بأي حاجة كوري 2009 مع كامل إحترامي للعربيات دي

[HEEEEERO]

انا بسال ناس بيقولولى 70 والكلام دة كتير يا جدعان متنساش دى شغالة بقالها 11 سنة وكدة كدة الموتور حتلاقى ضايع وعايز يعمر يا اما يتغير

[TOOLA]

بص يا باشا كل واحد يركب على المعاه مش عيب يعنى من سنة و نصف مكنش معايا الا ال 55 الف جنيه بردو و ساعتها ركبت كورى و لاما ربنا كرم ركبت المانى و ممكن تزنق معايا تانى أرجع لكورى بردو أو أجرب اليابانى, المهم متاخدش حاجة مستهلكة و تكرهك فى حياتك, لاكن اجيب عرية ماشية 200,000 ك و عاملهم فى بلدنا الجميل مصر بصراحة صعب اوى, الا لو الراجل غيرلها كل حاجة يعنى صيانة مفيش بعد كده, و و ساعتها مش هيطلب المبلغ ده, لكن تجبها انتا و تدبس فى ال 15 ولا 20الف ج صيانات و ساعتها الله أعلم تجبلك ايه لو بعتها.
متهيالى ابعد عنها.
لكن لو معاك تعلى ل 60 أو 65, ال options هتزيد عندك ما بين يابانى (صنى أو لانسر 2001 - 2004), جولف 4 - النترا 2004 - 2006 (رائعة على فكرة).
لكن هتكلم فى المانى محترم يبقى بتتكلم فوق ال 70,000 ج

[HEEEEERO]

بص يا تولا ما انا بردة حاخد العربية اوديها لمركز خدمة ابل ما اشترى يقولى العربية تعبانة اوى ولا ايه ظروفها ولا انت ايه رايك

[HEEEEERO]

وبعدين من كتر لفى هنا فى القسم بتاع الاوكتافيا انا شايف ان الاى فور مشاكلها سهلة اقصى حاجة شوفتها الفتيس مع العلم ان مشكلة الفتيس اللى شوفتها هنا دى كان اوتوماتيك

[Mohamed.Ramah]

السعر غالى اوى على موديل 98 78.000 لية

[TOOLA]

يا هيرو باشا مش معنى ان المشاكل سهلة يبقى مش مكلفة, بس هو فى وجهة نظر تانية فى واحد لو دماغه فى الموضوع و قدامة العربية بسعر لقطة ساعتها مابيهمهوش الحالة اهم اجة هيبص عليها بوية العربية (فابريقة دواخل ولا لاء) غير كده هيروح جايب موتور ب فتيسه بعفشته استيراد, بس ديه محتاجة واحد فاضى شوية و معاه المبلغ الزيادة, و أهم من ده كله ليه ناسه الشغالين فى الاستيراد و الميكانيكى الهيضبطها, لكن لما قلتلك دور على حاجة تكون حالة جيدة فى حدود المبلغ المعاك افترضت عدم معرفتك بالناس ديه (نفش مشكلتى لأنى لسه بتعرف على مكونات عربيتى و ناسها)لانى جديد فى الألمانى, و الموضوع يختلف لو كنا بنتكلم فى الكيا لأن العربية قعدت معايا سنة و نصف الحمد لله قدرت اتصاحب على أقوى ورش صيانى كيا (الاصدقاء)وأقوى محل لبيع قطع غيارها(الجندى).
غير بردو لو الأوكتافيا القدامك حالتها جيدة و بالسعر ده ماظونش كانت قعدت لان متوسط سعرها أعتقد بيتكلم فى متوسط 65 - 68 (فى رايى), عموما لو حاسس انها لقطة استخير و روح اكشف و ساعتها نقدر نحكم و ان شاء الله مش هتخسر أكثر من ثمن الكشف.

[TOOLA]

حاجة أخيرة ليك أو لأخونا ايس أنا قدامة عربية صديق (جولف 4) 1400 سى سى بس حالة المفروض جيدة جدا (هو عموما محنتف أوى فى عربياتو) و أنا شخصيا كنت احتمال كبير اخلص فيها و تراجعت للاسباب الأتية
1- لسه متجوز جديد ف صعب انزل من عربية سيدان لعربية هاتش باك
2- بعض الأخوة فى اللمنتدى نصحونى أبعد عن ال 1400 خصوصا انى غاوى جرى شوية على الطرق السريعة
3- كنت ميال ناحية الأتوماتيك.

عموما أنا الفاكرو ان لو اتحطلو 60 كان هيخلص و انا مش متابع سوقها اليومين دول, فلو فيه حد شايف انه ممكن يحتاجها ممكن ارتبلو ميعاد مع صديقى. (عموما أنا بقالى مدة مش متابع موقف الأصدقاء من بعد الجواز عشان كده قايل السعر الفاكرو والله معرف حتى اتباعت ولا لاء :)

[Mohamed.Ramah]

شكرا يا احمد للمساعدة والعرض وبالنسبة للجولف كنت ناوى ولما شوفت العربيات المعروضة لما كنت بدور لاقيت الجولف كلو متهان وكتير قالولى بلاش 1400 علشان كدة توجهت فى بحثى على البورا والاسكودا بس مفيش حد رد عليا فى موضوع لية الاسكودا غالية كدة فى الموديلات القديمة و ربنا يوفقك صاحبك فى بيعها و شكرا ليك على المساعدة

[HEEEEERO]

الف شكر يا تولالا بس انا عايز اقولك انى بحب الجرى بردة يعنى 180 - 190 1400 حتتعبنى وانا حتعبها من الارس عليها انا لقيت كتير اى فور على 55 و 60 بس كدة كدة اكيد حكشف عليها انت متعرفش الكشف فى التوكيل بكام ؟؟؟

[mohamedrabia]

السعر غريب ومقلق جدااااا

[TOOLA]

- ايس ولا يهمك يا جميل و انا بردو عملت زيك بضبط
- هيرو نفس مشكلتى, عشان كده انا اتجهت لل 1600, اخر حاجة بالنسبة للكشف فى التوكيل انا فاكر كلمت بتوع سكودا قلولى فى حدود 500 ج تقريبا, أما فولكس محاولتش أسأل أساسا, و ان كنت أعتقد ان واحد زى هانى سمير عند بدر يقدر يقوم بعملية الكشف بكفائة و ده من شهادة الأخوة هنا و من العربيات الشفتها بتكشف أو تتصلح عندو (جولف 5و جيتا و باسات الجديدة - و أوكتافيات a4 و a5) لكن أنا عموما متعاملتش معاه غير فى شغلانة صغيرة كده و مشكلتو الوحيدة انو تقريبا دايما زحمة فيستحسن تتصل تحجز معاه قبل ماتروح تكشف.
نصيحة بردو: ماتكشفوش عند سيد جولف العند سنترال مصر الجديدة فى جسر السويس, حسيت انو بيكشف باستهتار كده و مش مركز, و مطلعش عيوب العفشة عندى (الجلب و المساعدين الخلفى)

[HEEEEERO]

الف شكر يا تولا يبقى انت ان شاء الله معايا لما اجى اروح ل هانى سمير ولا انا كدة دبستك معايا