سؤال بخصوص سماعات للاوكتافيا

[AHMED_IVB]

عندى سؤال بخصوص عربيتى اوكتافيا a4 وعايز اركب سماعات ورا بس مش عايز اقطع فى البوردة الخلفية وللعلم لقيت مكان لسماعتين صغيرين لكن مش بيكونوا نازلين فى العربية
ياريت لو حد يعرف وشاف المكان ده يقولى مقاسهم ايه وايه احسن حاجة وهل ليها توصيلة على العربية ولا لازم الكهربائى يلعب برضه اصل انا بخاف على عربيتى ومش عايز حد يلعب فى الضفيرة واحبها تفضل كده فابريقة
وشكرا لمجهودكم يا شباب

[hosiny]

السماعات فى الخلف على الجانبين مقاسهم صغير و لن تشعر بفرق فى الصوت..أنصحك بتركيب سماعتين فى الفبرة الخلفية.أنا مركب سماعتين pioneer 440 W 4way and kenwood GM 350 W واسمع أحلى صوت مع العلم أن الفبرة بها دعامة معدن فى المنتصف بالعرض

[AHMED_IVB]

الف شكر للاهتمام بس انا عندى سؤال هو احيانا بيكون فى سماعات صغيرة بس قوية جدا وهو ده اللى انا نفسى فيه ومع ذلك لو حتى ده موجود هل ليهم توصيل على الضفيرة مباشرة ولا هى هى القصة لو ركبتهم زى لو ركبت جى ام و4 سماعات لان انا فى الاصل عايز دول اقوى الصوت بدون اى لعب فى فابريقة العربية لكن لو كده كده هنلعب يبقى هعمل زى مانت بتقول وشكرا وطولت عليك وربنا يباركلك فى عربيتك

[hosiny]

لن يتم اللعب فى ضفيرة السيارة..كل اللى هيعمله هيمشى سلوك السماعات من الكاسيت للخلف داخل كاوتش عتب البيبان و بس كده

[AHMED_IVB]

الف شكر حسينى باشا للاهتمام وهضبط وهبلغك بالنتيجة

[hyoussef]

السماعات الصغيرة الأصلية موجودة فى التوكيل ب500 جم بس أدائهم مش هيكون مرضى و على فكرة أنا تقريبا مركب نفس الطقم اللى Hosiny مركبة Pioneer 440w 3 way and GM Pioneer 350w و الصوت زى الفل و أنا كمان كنت قلقان زيك كدة بس الموضع مفهوش لعب كتير و لو رحت لحد نضيف هيعملك كل حاجة و يرجعها فبريكة، المهم انا خليته ركب كل حاجة فى البوردة اللى ورا عشان لو حبيت أرجع العربية زى ما كانت يدوب أغير البوردة دى

Hosiny انت مركب ال GM فيين ؟ على البوردة بردو و لا على جمب الشنطة؟

[shiko85]

عندى سؤال بخصوص عربيتى اوكتافيا a4 وعايز اركب سماعات ورا بس مش عايز اقطع فى البوردة الخلفية وللعلم لقيت مكان لسماعتين صغيرين لكن مش بيكونوا نازلين فى العربية
ياريت لو حد يعرف وشاف المكان ده يقولى مقاسهم ايه وايه احسن حاجة وهل ليها توصيلة على العربية ولا لازم الكهربائى يلعب برضه اصل انا بخاف على عربيتى ومش عايز حد يلعب فى الضفيرة واحبها تفضل كده فابريقة
وشكرا لمجهودكم يا شباب

يا استاذ احمد انا كان عندى نفس المشكله و كنت خايف من اللعب فالضفيره او قطع الفبره انشاء الله هتالقى كل حاجه عن تركيب السماعه فالموضوع ده
http://www.nilemotors.net/Nile/69382-a4.html

[shiko85]

انا اسف انى رديت متأخر بس انا أول ماشفت الموضوع رديت على طول

[AHMED_IVB]

الف شكر لاحلى شباب فى احلى منتدى متحرمش من مساعدتكم وخبراتكم دايما وكل علم وانتم بخير وعيد سعيد على الجميع