dvd for octavia A5

[KHALED AYMAN]

يا باشا الف شكر والله انت راجل جدع
وشكرا يا باشا وعاوزك بس تستفسر هوه قالها ان فرع اسكندرية كمان بيركب الحاجة دية بس هل التركيب بيبقى كويس ولا فى حاجات ممكن تعطل فى العربية انت عارف انى الحاجات ديه معقده ده غير انها متوصلة بالطارة الملتى فانكشن وجزاك الله خير
واااه هوه عنده طقم الاكسسوارات النيكل الشبكه النيكل والمقابض والمرايات واسعاره ايه ياريت

يا باشا ولا جدع ولا حاجه :) و مفيش داعى للشكر
حاضر هسالك على حوار اسكندريه ..
بس مبدئيا "رايى" انها تركب عند حد متخصص ...
بالنسبه لطقم الاكسسوارات ..لا مش هيبقى عنده لان ده بيتجاب "جديد" و هو بيشتغل فى قطع غيار الاستيراد
طقم النيكل ده هسألك عليه فى التوكيل..بس هيبقى برقم حلو على فكره
وغالبا مفيش نيكل للمرايات "فى التوكيل" هيبقى موجود برا

[samoreception]

ماشى يا خلود ويعنى ايه طقم يايات اوكتافيا اللى انتى عاوز تجيبه ده وده للوكتافا ال a5 ,وسعرة كام

[KHALED AYMAN]

اليايات دى جزء فى العفشه ..زى المساعدين كده ..
سعره بصراحه مش عارف لسه هشوف
الموضوع كله ان اليايات دى الى بتتحكم فى ارتفاع العربيه عن الارض "بالنسبه للاوكتافيا" ...
العربيات الخليجى كانت واطيه "شكلها حلو:
العربيات الوكيل كانت عاليه "شكلها وحش"
المطلوب
طقم يايات "قصير زى بتاع الخليجى" يركب على عربيه وكيل عشان تبقى شكلها حلو :)
بس هشوف السعر و اتاكد من معلومه ان الارتفاع معتمد فقط على اليايات

[samoreception]

على فكرة انا عربيتى خليجى وفعلا هيه واطية شوية وناعمة بس انا عاوز اعرف واتاكد هيه خليجى او مصرى اعرف منين لانى هنا فى الامارات عندى التيوتا كرولا مثلا بيبقى فيه زى قطعة معدنية فى الباب مكتوب عليها مطابقة للمواصفات الخليجية الامارتية بس الاوكتافيا مفيش حاجة موجودة فى الباب ؟!!!

[KHALED AYMAN]

افتح باب السواق ..هتلاقى فى القايم الى جوا ورقه معدنيه
لو مكتوب عليها 711 et
يبقى العربيه وكيل ..لو مش مكتوب يبقى خليجى..وطبعا طالما واطيه يبقى من غير تفكير خليجى :)

[samoreception]

لا يا خالد مفيش اى ورق خالص مكتوب بس الفكرة بقى الواحد يعرف ازاى هيه جاية من اى بلد يعنى الامارات ولا السعودية ولا الكويت !!

[KHALED AYMAN]

شوف الافراج الجمركي الي انت خدته و انت بتشتري و رخصت بيه ..عندك صوره منه ؟

[samoreception]

لاء احنا خدنا بس شهادة مخالفات وتوكيل شهر عقارى ومحدناش شهادة بيانات لانى الرخصة لسه سارية لاخر السنة وعمتا هوه المالك الاول للسيارة وقالنا انه جايبها من الامارات وتحديدا ابو ظبى
انا بصراحة اكتر حاجة عجبانى فى العربيات التوكيل موضوع التصفيح من تحت الموتور ده وبفكر اعمله فى العربية بس مش عارف هينفع ولا لاء وهيتكلف كام وهل هيثر على حرارة الموتور ولا ايه ؟

[KHALED AYMAN]

لا مش هيأثر على حراره الموتور...لان فيها فتحات تهويه و مجارى تهويه للعربيه من تحت...بس عموما انت عندك فى تصفيح فايبر..وده كويس مش وحش..كانت عربيتنا خليجى و ياما حكت فى مطبات و محصلش حاجه..لان الفيبر قوى ..وفى نفس الوقت مرن و مش بيتكسر..فرأيى الشخصى متجيبش التصفيح الصاج..هو اه احسن من الفايبر بس الفرق ميستاهلش

[samoreception]

كلامك صح 100 فى 100 وانت راكب عربية ايه بقى دلوقتى يا خالد
صحيح ايه رايك فى الزينون ولا اللمبات اللى اسمها نايت بريكير من شركة اسمها اوسرام فى ناس كتير بتشكر فيها وبتقول اضئتها قوية ولونهاابيض وفى نفس الوقت مش مخالفة زى الزينون وسعرها فى حدود 130 جنية

[KHALED AYMAN]

كلامك صح 100 فى 100 وانت راكب عربية ايه بقى دلوقتى يا خالد
صحيح ايه رايك فى الزينون ولا اللمبات اللى اسمها نايت بريكير من شركة اسمها اوسرام فى ناس كتير بتشكر فيها وبتقول اضئتها قوية ولونهاابيض وفى نفس الوقت مش مخالفة زى الزينون وسعرها فى حدود 130 جنية

فيكترا سى 2008
الزينون الاصلى الى نازل فيها هو افضل واحسن اضاءه...واهم ميزه مش بياذى الى جاى فى وشك
بس للاسف ده بيتجاب فانوسين ادام كاملين
سعرهم استيراد 6000 جنيه
و 7000 جنيه فى التوكيل
اللمبات النايت بريكر معرفش عنها حاجه :b4_611:

[samoreception]

يااااه 6000 كتير قوووى المهم انت عملت ايه رحت سالت على اليايات ولا لسه وعلى فكرة انا كنت هجيب اوبل استرا انجوى 2008 قبل ما كنت هشترى الاوكتافيا بس كله قعد يقولى بلاش قطع الغيار غاااااااالية جدا مع انى العربية كانت عاجبنى جداا

[KHALED AYMAN]

يااااه 6000 كتير قوووى المهم انت عملت ايه رحت سالت على اليايات ولا لسه وعلى فكرة انا كنت هجيب اوبل استرا انجوى 2008 قبل ما كنت هشترى الاوكتافيا بس كله قعد يقولى بلاش قطع الغيار غاااااااالية جدا مع انى العربية كانت عاجبنى جداا

لا رايح بكره ان شاء الله :)
الاسترا قطع غيارها الدوريه مش غاليه ..فلاتر و كده
الغالى فيها التيل "700جني" فى التوكيل ..
وقطع الغيار الى هى مثلا طنابير ...حساس
فانوس
كده الحاجات دى غاليه
العيب التانى الوكيل سىء جدا جدا جدا
والعيب التالت الفتيس بتاعها مش سهل التعود عليه
بس بحبها بردو العربيه دى

[samoreception]

بقولك صحيح انا هغير الاربع طنابير عندى وتيل الفرامل الامامى والخلفى وهجيب كمان كاوتش بريجستون جديد متعرفش اعمل الكلام ده فى التوكيل ولا بره والطنابير ديه تعمل فى حدود كام وعلى فكرة انا العربية عندى ماشية 43 الف بس وهيه موديل 2007

[KHALED AYMAN]

انا روحت النهارده للبهى ...الكاسيت التتش فيه منه نوعين ..واحد بالشاشه الكبيره و ده فيه النافيجيتور ..سعره ٢٠٠٠ جنيه...

التانى تتش بردو بس شاشه اصغر و من غير نافيجيتور...
وسعره ١٥٠٠ جنيه

فرع اسكندريه مش بيركبو حاجه ..الى قالك هيركبوه دول هيجيبو الواد الى عندهم بيفك قطع الغيار المتباعه و يخلوه يركبهولك و طبعا ده غير مؤهل ..لازم حد فاهم عشان يركبه صح و يوصله صح..