بالصلاة علي النبي إيه أسعار الحاجات دي

[inspiron]

عايز أعرف أسعر الحاجات دي من الحرفيين بكام..ساعدني يا toola إنت و فادي..:

1- ديسك و إسطوانة ( طقم الدبرياج بااااظ عندي ).
2- ماكينة رفع الزجاج للباب الأمامي الأيمن.
3- علبة الفيوزات.
4- مساعدين أماميين و جلب المقصات ( من الحرفيين أو غير الحرفيين ).
5- 4 فرد كاوتش مقاس 16( طبعا مش من الحرفيين ).

العربية أوكتافيا a4 موديل 1998.و في طريقي لتفجيرها والخلاص منها

[crazylambada]

بص في حاجات تجيبها استيراد و فيه حاجات لازم تجيبها جديده
ديسك و اسطوانه و ماكينه رفع الزجاج
ممكن تجيب الكاوتش استيراد او بمعنى اصح مستعمل
جلب المقصات نصيحه مني ديه تجيبها من التوكيل مباشره
لان معظم اللي في السوق مضروب اخره معاك شهر شهرين و ترجع كل شيئ للاول
انا في اريي اتصل بالتوكيل شوف اسعار الحاجات ديه كام
و بعد كده المحلات الكويسه للسكودا زي الشهابي مثلا
وربنا يوفقك في تصليح العربيه باذن الله

[inspiron]

ربنا يكرمك.طيب حضرتك ممكن سعر الديسك والإسطوانة يكون في حدود كام؟ يعني ممكن يعدي 1000؟

[hysagm]

بص ياباشا (الاستيراد) هو الحل انا كنت زى حلتك بس معايا فلشيا رحت عند مكانيكى وكنت خايف لان كان عندى مشااااااااكل فى المتور فك المتور وجاب واحد استيرد وعلى تجربه لمده 3ايام معجبكش يرجع تانى مفيش مشكله وكان بلفتيس كمان كل ده ب3000 جنيه وكان بيشترى ليه عفشه كمله من قدام بس 1300 جنيه بعنى الكبلان والمقصات والمسعدين والاسكتره وعلبه الدركسيون كل ماهو عفشه قدام بس الفلوس قصرت معايا

[inspiron]

طيب أنا عاوز أعرف الديسك و الإسطوانة يعملوا كام إستيراد

[inspiron]

يا جماعة حد يعبرني..طيب بلاش إستيراد لو مضايقكم..الإسطوانة والديسك يعملوا كام جديد أصلي

[TOOLA]

بص يا باشا الأقدر أفيدك فيه هو الأنا غيرتو أوا سألت عليه.
- بالنسبة للجلب لو هاتجبهم اصلى بيتروحوا تقريبا فى حدود 200 الى 250 جنيه الجوز (هنزل أبص على فاتورة الشهابى لما اشتريت حاجاتى و أكد عليك)
- بالنسبة للمساعدين أنا كنت بسال على الخلفى فقط, و ده ب 200 ج استيراد, و 750 ج المونرو و البيلشتاينو و 900 ج الأصلى من عند الهاشمية, و 1200 الأصلى من عند الشهابى (و ان كنت أثق فى الأصلى بتاع الشهابى أكتر), عموما البيلاشتاين ناشف أوى و الأصلى الله أعلم من مصدره فمتهيألى المونرو أفضل خصوصا ان معاه ضمان سنة (هحاول أجيب نمرة الهاشمية و أديهالك عشان تسألهم)
- أخيرا بالنسبة للكاوتش انا كنت بسأل أساسا على البريدجستون, ف الفرد ال 16 205/55 التورانزا بتكلف 700 ج من التوكيل (بس مش عارف يابانى ولا تايلاندى)
عموما شوف انتا عاوز كاوتش ايه أو معاك كيزانية كام و أنا أجبلك التفاصيل و الفرد كمان (ليا صديق عزيز و جارى من سنين صاحب محل كاوتشات مشهور فى شارع النزهة), و أنا تحت أمرك و لو عايز تنزل الحرفيين ممكن ننزل سوا مفيش مشاكل أدينى عمال أدور على الجنوط الأصلى

[TOOLA]

و صحيح ربنا يأويك على عربيتك و تقوم بالسلامة :)

[inspiron]

مش عارف أقول لحضرتك إيه والله علي تعاونك ده.بس هي دي أخلاق أعضاء منتدي سكودا.أنا بكرة إن شاء الله هربط مع حضرتك لو الراجل اللي بعته الحرفيين عشان الإسطوانة والديسك مراحش هعرف حضرتك و تحت أمرك نروح سوا لو عاوز وألف ألف شكر مرة تانية

[TOOLA]

على البركة ان شاء الله, ربنا يوفقك

[holakoisback]

يا رجالة انا معاية فليشيا وعايز اظبطها ومش عارف اعمل ايه فحد يقولي اعمل ايه بس اي حاجة ماعدا الجنوط والرش عشان معيش غير 1000وشكرا