عملت صيانة العشر الاف في ارتوك اوتو

[marawansabry]

السلاموا عليكم:
انا عملت صيانة العشر الاف في ارتوك اوتو لعربية فانتازيا مانيول .. وحبيت بس افيدكم.
اولا: الصيانة للفانتازيا المفروض كل 15000 ميش عشر الاف بس هما في التوكيل بيعملوها كل 10000 ، علشان بيقولوا الجو في مصر غير التشيك وبيخلي الزيت كفاءة تقل فبيغيروه على 10000

ثانيا: الصيانة بتشمل : غيار زيت وفلتر زيت .. وتريط عفشة .. وكشف على الموتور .. وكشف على تيل الفرامل .. كشف على السوائل بالعربية .. كشف على المساحات.

ثالثا: مفيش مصنعية يعني المصنعية صفر.

رابعا : تكلفة الصيانة .. 340 وخمسون قرش .. وهي تمن .. فلتر زيت 44 جنية وخمسة لتر زيت توتال 10000 تمنها (4لتر ب 220 جنية ولتر لوحدة ب62 جنية) .. وعشر في المية خدمة او ضريبة ميش فاكر .. والمصنعيات صفر جنية مفيش .. يعني التكلفة 340 وخمسون قرش بالتمام والكمال.

خامسا: انطباعي : انا رحت يوم الثلاثاء يعني في وسط الاسبوع والعملية مكنتش زحمة رحت الساعة 8:40 الصبح كان ادامي 8 اشخاص .. هما بيبدأوا يخدوا العربيات من الساعة 9 .. المهم بتسلم لاعربية وبتفول الشكاوي لو عندك .. في 3 مهندسين (2 رجالة وبنت) هما اللي بستلموا منك العربية .. ولو حد رايح بعربية ميش باسمة لازم تفويض ميش هيرضوا يخدوها منك .. المهم بتسلم العربية .. وبتعد في استراحة شيك ومريحة .. كراشي فخمة .. مشروبات مجانية .. تليفزيون .. مجلات .. وازاز كلها ممكن تشوف العربية وانت فوق.. الصيانة اخدت وقت 1:30 ساعة بالتمام والكمال .. وبيحطوا بلاستيك على الكراسي والدركسيون لما بيستلموا عالعربية منك .. بعدين بتدفع وتاخد كعب تخرج بية وتستلم الرخصة .. وتلاقي واحد بينضفلك العربية وتتكل على الله.

خامسا: تنا سالت في الاقصي على الصيانة .. اقالولي التكلفة 550 جنية لانهم بيحطوا 175 جنية مصنعية

بس كدة دا كل اللي عندي

:b4_048:

[Fadi Ezzat]

ميرسى او يامستر مروان
بس انا بردة لازلت لا احب توكيل اسكودا
لانهم ناس مش محترمين
بردة انا مصمم
بس ممكن من بعد الشاكوى الكتير الى انا بعتها وناس كتير بعتتها لللاسكودا الام اتعدلو

[fouad_programer]

مبروك ياباشا وربنا يكفيك شرها يارب ويديك خيرها والف شكر على افادتك لينا...
بس ليا سؤال خارج الموضوع للأنى هستلم ان شاء الله الأسبوع الجاى
هو الترخيص أتكلف كام؟!

[marawansabry]

ميرسى او يامستر مروان
بس انا بردة لازلت لا احب توكيل اسكودا
لانهم ناس مش محترمين
بردة انا مصمم
بس ممكن من بعد الشاكوى الكتير الى انا بعتها وناس كتير بعتتها لللاسكودا الام اتعدلو

العفو يا فادي منتا ياما افدتنا يا جميل .. بص انا ميش عارف هما اتعدلوا ولا لا .. بس بصراحة العملية كانت سلسلة الحمد لله .. ولازم طبعا هيبقي فية عيوب .. يعني مثلا الناس بتاعت الامن تحس انهم في حد ضربهم على الصبح .. يعني وانت بتدخل عربيتك معملتهم ناشفة شويتين .. بس عادي ممكن تبقي هي دي طبيعة شغلهم .. وبعدين اعتقد ان اسكودا الام المفروض انها محترمة ولما بيجلها شكاوي بتحاول تتصرف وبرضة خلي بالك الراجل لسة متغرم ودافع 70000 جنية ومغير عربيتين للناس بالكامل واعتقد دا اكيد لية مردود .. بس مجملا شغال يعني .. دانا بقلك كلمت الاقصي لقيتة اغلي من ارتوك اوتو بحوالي 200 جنية في الصيانة علشان هو ضايف المصنعيات .. يلا ربنا يقدر اللي فية الخير ويارب منحتجلهمش الا علشان الصيانة الدورية

[marawansabry]

مبروك ياباشا وربنا يكفيك شرها يارب ويديك خيرها والف شكر على افادتك لينا...
بس ليا سؤال خارج الموضوع للأنى هستلم ان شاء الله الأسبوع الجاى
هو الترخيص أتكلف كام؟!

ياباشا جزاك الله خيرا .. وربنا يبركلك ويحفظهالك انت كمان لو كنت نويت عليها أوقربت تستلمها ان شاء الله .. بس ان شاء الله هتتبسط جامد .. انا والله ميش فاكر الموضوع بتاع الترخيص اتكلف كام .. بس هو اعتقد في حدود الالف ومائة جنية ترخيص التلت سنين بالتامين الاجباري بكلة (ممكن يبقي اقل شوية بسيطة او اغلي برضة شوية بسيطة) .. ومعليش استغفر الله .. بس الموضوع ميش هيخلى من الرشاوي .. بدأ من البصمة ومرورا بالفحص والشبابيك اللي بتخلصلك ورقك وانتهاء بالراجل اللي هيركبلك النمرة .. وربنا يسترها معانا ويسامحنا على الحجات دي علشان متضرين للاسف ليها

[fathelbab]

السلاموا عليكم:
انا عملت صيانة العشر الاف في ارتوك اوتو لعربية فانتازيا مانيول .. وحبيت بس افيدكم.
اولا: الصيانة للفانتازيا المفروض كل 15000 ميش عشر الاف بس هما في التوكيل بيعملوها كل 10000 ، علشان بيقولوا الجو في مصر غير التشيك وبيخلي الزيت كفاءة تقل فبيغيروه على 10000

ثانيا: الصيانة بتشمل : غيار زيت وفلتر زيت .. وتريط عفشة .. وكشف على الموتور .. وكشف على تيل الفرامل .. كشف على السوائل بالعربية .. كشف على المساحات.

ثالثا: مفيش مصنعية يعني المصنعية صفر.

رابعا : تكلفة الصيانة .. 340 وخمسون قرش .. وهي تمن .. فلتر زيت 44 جنية وخمسة لتر زيت توتال 10000 تمنها (4لتر ب 220 جنية ولتر لوحدة ب62 جنية) .. وعشر في المية خدمة او ضريبة ميش فاكر .. والمصنعيات صفر جنية مفيش .. يعني التكلفة 340 وخمسون قرش بالتمام والكمال.

خامسا: انطباعي : انا رحت يوم الثلاثاء يعني في وسط الاسبوع والعملية مكنتش زحمة رحت الساعة 8:40 الصبح كان ادامي 8 اشخاص .. هما بيبدأوا يخدوا العربيات من الساعة 9 .. المهم بتسلم لاعربية وبتفول الشكاوي لو عندك .. في 3 مهندسين (2 رجالة وبنت) هما اللي بستلموا منك العربية .. ولو حد رايح بعربية ميش باسمة لازم تفويض ميش هيرضوا يخدوها منك .. المهم بتسلم العربية .. وبتعد في استراحة شيك ومريحة .. كراشي فخمة .. مشروبات مجانية .. تليفزيون .. مجلات .. وازاز كلها ممكن تشوف العربية وانت فوق.. الصيانة اخدت وقت 1:30 ساعة بالتمام والكمال .. وبيحطوا بلاستيك على الكراسي والدركسيون لما بيستلموا عالعربية منك .. بعدين بتدفع وتاخد كعب تخرج بية وتستلم الرخصة .. وتلاقي واحد بينضفلك العربية وتتكل على الله.

خامسا: تنا سالت في الاقصي على الصيانة .. اقالولي التكلفة 550 جنية لانهم بيحطوا 175 جنية مصنعية

بس كدة دا كل اللي عندي

:b4_048:

٢٢٠و٦٢و٤٤=٣٢٦و١٠%=٣٢.٦=358.6

[Mostafa Hessen]

ربنا يباركلك فيها
المهم فى سؤال اخبار العربية ايه بعد 10000 كم
وبالتوفيق

[marawansabry]

٢٢٠و٦٢و٤٤=٣٢٦و١٠%=٣٢.٦=358.6

السلاموا عليكم:
بص يا باشا تفصيل الفاتورة كالتالي .. من غير متتعب نفسك وتعد تجمع .. لول

الفلتر 44 جنية
ضريبة 4.4 جنية (10% على تمن الفلتر فقط)
المصنعيات (صفر)
4لتر زيت توتال (230 جنية)
1لتر زيت توتال (62 جنية)
المجموع : (340.40)

حلو كدة انا بصيت فيها مخصوص .. مع اني كنت سايبها في العربية .. بس علشان نوضح للناس .. وكل سنة وانت طيب

[marawansabry]

ربنا يباركلك فيها
المهم فى سؤال اخبار العربية ايه بعد 10000 كم
وبالتوفيق

بص يا باشا .. بعد الصيانة علطول حسيت ان صوت العربية علي شوية .. بس دبيت بيها اربع مشاوير جامدة في العيد .. حسيت بعديها ان الصوت رجع تاني ذي الاول .. غير كدة بصراحة مفيش فرق في الاداء خالص .. يعني هي هي

[fathelbab]

ربنا يباركلك فيها

[marawansabry]

ربنا يباركلك فيها

تحت امرك .. وجزاك الله خيرا على الدعوة الجميلة