للاسف وقفوا استيراد ال Octavia A4 & A5 ولو سمحتم محتاج نصيحة من أهل الخبرة

[amro_abuabdo]

الموضوع اني كنت ناوي اشتري اوكتافيا a4 و قلت اتصل بالتوكيل اشوف اسعار 2010 الجديدة و لما اتصلت للاسف قالوا لي انهم خلاص من اول 2010 وقفوا ال a4 & a5 و مبقاش فيه الا الفانتازيا بدرجاتها و الي بتبتدي من 149.900


و حاولت اسأل في معارض السيارات قالوا انها خلصت من حوالي 3 شهور ...

و دلوقتي انا محتاج منكم نصيحة انا كنت عايز حاجة في حدود 120000 و مش عارف ايه الاحسن هل اشوف a4 كسر زيرو و لا a5 موديل 2006 او 2007؟ و لا اشتري حاجة تانية خالص بس زيرو؟

و يا تري المستعمل يبقي في حدود كام كيلو تكون حالته كويسة؟

مستني ارائكم و نصايحكم و جزاكم الله خيرا

[Fadi Ezzat]

بص خليك فى الاوكتافيا a5
موديل 2007
اوتوماتيك تانى فئة
ب 115 الف

[amro_abuabdo]

بص خليك فى الاوكتافيا a5
موديل 2007
اوتوماتيك تانى فئة
ب 115 الف

متشكر لرد حضرتك
معلش محتاج توضيح اكتر الي سعرها 115 ده تكون عاملة كم كيلو تقريبا؟ انا شفت a5 في السعر ده و كانت عاملة تقريبا 69000 كم بس ده مش يعتبر كتير و يأثر علي حالة العربية و احتياجها لصيانة باستمرار؟؟؟؟؟ ولا ده رقم مش كبير في الكم؟

و تاني حاجة يعني الافضل اني اشتري a5 مستعمل و مشتريش لانسر زيرو مثلا او a4 كسر زيرو؟

اسف للاسئلة الكتير بس انا معنديش خبرة في المواضيع ده

و متشكر لحضرتك مرة تانية
و في انتظار ردك

[amro_abuabdo]

يا جماعة الخير محتاج نصيحة الله يكرمكوا
حد يرد عليه

[modiabbas]

زى ما قالك فادى كده بالظبط و على فكره 69000 كيلو مش كتير ولا حاجه على موتور المانى و انصحك بال a5 و انا عن نفسى افضلها عن المتسوبيشى بكتيـــــــــــــر

[Tayer]

زى ما قالك فادى كده بالظبط و على فكره 69000 كيلو مش كتير ولا حاجه على موتور المانى و انصحك بال a5 و انا عن نفسى افضلها عن المتسوبيشى بكتيـــــــــــــر

+1

[tigernet]

ياباشا الزيرو مفيش زية

[mahmoudalmorshdy]

متفرقش كتير الماتور المانى لاتقلق

[amro_abuabdo]

متشكر اوي علي اهتمام الجميع و رده
و جزاكم الله خيرا

[madianshoho]

أتكل على الله وهات فابيا صحيح الفئه مختلفه ولكن الزيرو مفيش أحسن منه ده غير أن صعب قوى تلاقى عربيه أوروبى تقفيل بلدها بالسعر ده مع وجود أختيارات 1400 و 1600 وعوامل الأمان فيها لا تقارن سيبك من اللنسر كلها كام شهر والموديل الجديد ينزل أما لو أنت مصر على السيدان شوف هوند سيتى أخبارها ايه من ناحية قطع الغيار والتوكيل هى الأقرب فى السعر وكمان عوامل أمان وفوق ده كله أحسن اليابانى وأستخير ربنا

[Youssef.Awad]

يا باشا الزيرو ما فيش أحسن منه
وكده كده استنى فى شهر يناير المعرض يمكن يكون فيه عروض ولا تخفيضات وهناك هاتشوف كافة الطرازات وتقدر تقارن فى مكان واحد بينهم فى كل حاجة

[amro_abuabdo]

أتكل على الله وهات فابيا صحيح الفئه مختلفه ولكن الزيرو مفيش أحسن منه ده غير أن صعب قوى تلاقى عربيه أوروبى تقفيل بلدها بالسعر ده مع وجود أختيارات 1400 و 1600 وعوامل الأمان فيها لا تقارن سيبك من اللنسر كلها كام شهر والموديل الجديد ينزل أما لو أنت مصر على السيدان شوف هوند سيتى أخبارها ايه من ناحية قطع الغيار والتوكيل هى الأقرب فى السعر وكمان عوامل أمان وفوق ده كله أحسن اليابانى وأستخير ربنا

طبعا انا شاكر لرد حضرتك جدا
بس المشكلة في الفابيا بالنسبة لي اننا عايلة من اربع افراد ممكن نسافر بيها فطبعا محتاجين شنطة كبيرة فأي هاتش باك مش هينفعنا
و الصراحة انا كنت بافكر في الهوندا سيتي قبل ما افكر في a5 و الكلام الي سمعته عنها كله كويس بس فيها عيبين سعر اعادة البيع و قطع الغيار غالية يمكن اغلي من الاوكتافيا

[amro_abuabdo]

يا باشا الزيرو ما فيش أحسن منه
وكده كده استنى فى شهر يناير المعرض يمكن يكون فيه عروض ولا تخفيضات وهناك هاتشوف كافة الطرازات وتقدر تقارن فى مكان واحد بينهم فى كل حاجة

متشكر اوي لرد حضرتك
و انا فعلا في الغالب هاستني شوية يمكن ليناير او فبراير لحد ما نشوف الاسعار الجديدة و فعلا المعرض فرصة للمقارنة
و ربنا ييسر لنا الخير

[osama_ruan]

ال a 5 لاتقارن بالانسر او الفابيا اطلاقا وهية مستعملة ب 65 ىالف احسن من الانسر الزيرو في كل حاجة دة رائيي الشخصي وحضرتك اخترت ماركة محترمة تتقارن بالجيتا وما شابة وتتفوق عليهم كمان

[amro_abuabdo]

ال a 5 لاتقارن بالانسر او الفابيا اطلاقا وهية مستعملة ب 65 ىالف احسن من الانسر الزيرو في كل حاجة دة رائيي الشخصي وحضرتك اخترت ماركة محترمة تتقارن بالجيتا وما شابة وتتفوق عليهم كمان

جزاك الله خيرا علي الرد و ربنا يطئنك يا رب
بس بصراحة الواحد شايل هم ان العربية تكون فيها مشكلة و لا حاجة و ميكتشفهوش في الكشف دي اكتر حاجة مخلياني مقلق اني هاشتري مستعمل بس ربنا ييسر الخير