إيه أقصي سرعة جيبتها؟؟

[inspiron]

يا جماعة أنا بصراحة من هواة السرعة ولكن شرط ظروف الطريق تكون ملائمة.عاوزين كل أسكوداوي هنا يقولنا أعلي سرعة مشي بيها كام.و العربية كانت أخبارها إيه وهي علي السرعة دي.

أنا هبدأ..أقصي سرعة وصلتلها العربية وده أخرها كانت 215كم/س علي طريق مصر إسكندرية الصحراوي وكان ثباتها ما شاء الله ممتاز..أوكتافيا a4 منوال

[Maykyousri]

انا مش من هوات السرعة بس العربية خلتنى اجيب 180 على طريق السخنة وثباتها كان جامد جدا لدرجة ان الى معايا كانو فكرنى ماشى على 100

[Maykyousri]

انا اسف كانت العربية a5

[Fadi Ezzat]

جبت بالاوكتافيا a4 موديل 99 جبت بيها 210
وجبت بالاوكتافيا a5 موديل 2007 جبت بيها 195
ودة كان اخر العربيتين

[inspiron]

فادي مش غريبة شوية إن التوب سبيد بتاع الـa4 أكتر من الA5 ؟؟؟؟ ولا ممكن عشان الأوتوماتك.

[modiabbas]

لا فعلا ال a4 موتورها اقوى من ال a5 و يا فادى الa5 بيجيب ال210 و انا عن نفسى 190 و طبعا مش هتكلم عن الثبات

[Fadi Ezzat]

فادي مش غريبة شوية إن التوب سبيد بتاع الـa4 أكتر من الa5 ؟؟؟؟ ولا ممكن عشان الأوتوماتك.

هيا مش غريبة ولا حاجة
انتا نسيت فرق الوزن ولا اية 200 كجم اكيد يفرقو ياباشا طبعا
وعلى فكرة انا جبت 210 بالاوتوماتيك
بالعربية بتاعتى يعنى

[Fadi Ezzat]

لا فعلا ال a4 موتورها اقوى من ال a5 و يا فادى الa5 بيجيب ال210 و انا عن نفسى 190 و طبعا مش هتكلم عن الثبات

بصراحة انا مجربتش اكتر من 195
لانها مجبتش معايا بس الى جاب اكتر من كدة ياريت يكتب
او يجبلنا صورة ياريت
حمد اللة على السلامة بخصوص الحادثة الى انتا عملتها

[Fadi Ezzat]

شوفو الفيديو دة
YouTube - Skoda Octavia 1.6 Flatout

[crazylambada]

انا جبت بالفيفوريت بتاعتي 180 بس كنت حاسس لو اكتر من كده الفتيس كان حينفجر لانه 1300 مش مصمم على السرعات العاليه ديه

و بالاوكتافيا a5 جبت 195 برضه و العربيه كان فيها بس الطريق مكنش ينفع ازود فيه عن كده لان 195 بتجيبها بسرعه اتر من كده بيبقى بطيئ جدا

[modiabbas]

بصراحة انا مجربتش اكتر من 195
لانها مجبتش معايا بس الى جاب اكتر من كدة ياريت يكتب
او يجبلنا صورة ياريت
حمد اللة على السلامة بخصوص الحادثة الى انتا عملتها

الله يسلمك يا فادى و شوف الفيديو ده
YouTube - Skoda Octavia II Topspeed (German Autobahn)

[marawansabry]

ميش عايز اقول كلام مثالي ومكرر .. لان الناس اظاهر بتزعل من الكلام الصح
بس يعني شوية حجات كدة على السريع:
اولاً: ميش معني ان واحد بيجري معني كدة انة سواق شاطر وميش معني ان اللي ماشي بالمعقول انه على قدة في السواقة (يعني السرعة ميش شطارة)
ثانياً: في واحد كبير ومحترم مرة قلي جملة جميلة قوي .. قلي سوق العربية متخليش العربية تسوقك
ثالثاً : ممكن يكون الهدف من الموضوع دة مثلا انك تعرف قدرة عربيتك قد ايه ودا يدك شوية احساس بالقوة مع الراحة النفسية بس ميبقاش دة هو طبيعة ادائك وانت سايق
رابعاً: حتة مكررة اتقالت متين مرة قبل كدة .. مفيش طريق محترم في مصر ينفع تجيب بيه السرعات الرهيبه دي (عدا الطرق الحرة بتاعت الجيش ذي السخنة والكريمات .. ولونها هي كمان مبقتش ذي الاول)
خامساً : انا عارف ان العربيات الاسكودا ربنا يبارك لكل صحابها ثابتة على الارض ومغرية انك تجري بيها (بس لما تجري خلي الكلام في سرك وميش لازم تسيح علشان متستفزش حد يقلدك ولا قد الله تحصلة حادثة تكون انت سبب فيها بكلامك عن السرعة والجري)
سادساً : ملاحظة بس : الاي 4 والاي 5 من تلت سنين كدة بينزلهم نفس الماتور بالظبط وبمقارنة خفة وزن الاي فور عن الاي 5 مع الكبوت الفلات وقصر الطول شوية فاكيد الاي 4 تجيب سرعة اكتر من الاي 5 مع بقاء افضلية الثبات طبعا للاي 5
سابعاً : السرعة القصوي اللي محددنيها لاناس اللي عملوا العربيات دي هي 190 للاوتوماتيك الاي 5 وسرعة 195 للمانيول الاي 5 .. فالعربية ممكن تجيب اكتر من كدة طبعا في بعض الظروف ذي وجود منزل تكون انت اصلا قربت تجيب السرعة القصوى قبلة مع وجود هواء معاك يساعدك على دفع العربية شوية .. بس لازم طبعا تتابع عداد الار بي ام علشان ميخشش على الاحمر لان كل دة بياثر على كفاءة الموتور.
ثامناً : الحادثة بتحصل في لحظة .. ربنا يحفظ الجميع .. بعديها لو قدر لك انك يبقي لسة فييك نفس هيبقي في ندم شديد وتقول ياريتني مجريت الجري دة.
تاسعاً : بكررها مرة تانية لو طالبة معاك جري ميش لازم تقول لحد خليها في سرك .. الا بقي ولو انت بتجيب السرعة دي علشان تقول للناس انا عديت ال200 ولا ال 190 .. واعتقد دا ميش حلو لا وظريف ..
عاشرا: معليش بقي لو حد اضايق من كلامي .. سلاموا عليكم

[Fadi Ezzat]

الله يسلمك يا فادى و شوف الفيديو ده
YouTube - Skoda Octavia II Topspeed (German Autobahn)

بص ياباشا
الى فى الفيديو دى واحدة من الاتنين دول
وسواء دى او دى فهيا مش عندنا فى مصر
اول واحدة 1.9 tdi
ثانى واحدة 2.0 tdi

[أبو شهاب]

ميش عايز اقول كلام مثالي ومكرر .. لان الناس اظاهر بتزعل من الكلام الصح
بس يعني شوية حجات كدة على السريع:
اولاً: ميش معني ان واحد بيجري معني كدة انة سواق شاطر وميش معني ان اللي ماشي بالمعقول انه على قدة في السواقة (يعني السرعة ميش شطارة)
ثانياً: في واحد كبير ومحترم مرة قلي جملة جميلة قوي .. قلي سوق العربية متخليش العربية تسوقك
ثالثاً : ممكن يكون الهدف من الموضوع دة مثلا انك تعرف قدرة عربيتك قد ايه ودا يدك شوية احساس بالقوة مع الراحة النفسية بس ميبقاش دة هو طبيعة ادائك وانت سايق
رابعاً: حتة مكررة اتقالت متين مرة قبل كدة .. مفيش طريق محترم في مصر ينفع تجيب بيه السرعات الرهيبه دي (عدا الطرق الحرة بتاعت الجيش ذي السخنة والكريمات .. ولونها هي كمان مبقتش ذي الاول)
خامساً : انا عارف ان العربيات الاسكودا ربنا يبارك لكل صحابها ثابتة على الارض ومغرية انك تجري بيها (بس لما تجري خلي الكلام في سرك وميش لازم تسيح علشان متستفزش حد يقلدك ولا قد الله تحصلة حادثة تكون انت سبب فيها بكلامك عن السرعة والجري)
سادساً : ملاحظة بس : الاي 4 والاي 5 من تلت سنين كدة بينزلهم نفس الماتور بالظبط وبمقارنة خفة وزن الاي فور عن الاي 5 مع الكبوت الفلات وقصر الطول شوية فاكيد الاي 4 تجيب سرعة اكتر من الاي 5 مع بقاء افضلية الثبات طبعا للاي 5
سابعاً : السرعة القصوي اللي محددنيها لاناس اللي عملوا العربيات دي هي 190 للاوتوماتيك الاي 5 وسرعة 195 للمانيول الاي 5 .. فالعربية ممكن تجيب اكتر من كدة طبعا في بعض الظروف ذي وجود منزل تكون انت اصلا قربت تجيب السرعة القصوى قبلة مع وجود هواء معاك يساعدك على دفع العربية شوية .. بس لازم طبعا تتابع عداد الار بي ام علشان ميخشش على الاحمر لان كل دة بياثر على كفاءة الموتور.
ثامناً : الحادثة بتحصل في لحظة .. ربنا يحفظ الجميع .. بعديها لو قدر لك انك يبقي لسة فييك نفس هيبقي في ندم شديد وتقول ياريتني مجريت الجري دة.
تاسعاً : بكررها مرة تانية لو طالبة معاك جري ميش لازم تقول لحد خليها في سرك .. الا بقي ولو انت بتجيب السرعة دي علشان تقول للناس انا عديت ال200 ولا ال 190 .. واعتقد دا ميش حلو لا وظريف ..
عاشرا: معليش بقي لو حد اضايق من كلامي .. سلاموا عليكم

أتفق معك يا أخ مروان. الطرق المصرية رديئة جدا ولا تصلح مطلقا للسرعات الكبيرة.

[elgabry1977]

ما بين 160 و 170 علي طريق مصر اسكندريه الصحراوي
سكودا a5 2009.