رابطة مشاكل و استفسارات أوكتافيا a4

[inspiron]

في الرابطة دي ..لو أي حد عنده أي مشكلة في عربيته a4 و عاوز يستفسر عن أي حاجة ..يا ريت ميترددش في إنه يسأل و أكيد هيلاقي المساعدة في كل حاجة..ولا إيه ؟؟؟!!!

[inspiron]

يا جماعة إستفسار عن كام حاجة كده..
1- بحس بخشونة في العربية وهي ماشية بس ده ساعات مش علي طول.هل ده سببه بلية العجل؟
2- إزاي أزود عزل العربية شوية.يعنني مسمعش أصوات وأنا قافل الازاز.
3- كنت كلت مطب لذيذ كده من مطبات شوارع المحروسة وكانت النتيجة ميل الدريكسيون يمين.هل يمكن ظبطه تاني؟؟
4- ألاقي فين الكنترول يونت(المسئول عن الزجاج والسنتر والمراية ) بتاع الباب الأمامي يمين لأن الي فيها باااااظ.و في حدود كام؟

- لسه في عندي كذا استفسار بس هقولهم وحدة وحدة بالراحة عشان معملش صداع.
مستني ردودكم

[inspiron]

ايه يا جماعة..معقول مفيش ولا رد؟؟ ولا انتوا مش عاوزين الرابطة تشتغل و نستفيد

[inspiron]

نشكركم لحسن تعاونكم معنا

[iBiZa]

1- بحس بخشونة في العربية وهي ماشية بس ده ساعات مش علي طول.هل ده سببه بلية العجل؟

ممكن, امشى بسرعة و مور العربية و اسمع لو فية صوت خشونة, هى مش بتبقى واضحة على السرعات العالية.

لو بلية فعلا, يبقى روح غير ما تستناش لان هى دية اللى بتبقى رابطة العجلة بالعربية.

2- إزاي أزود عزل العربية شوية.يعنني مسمعش أصوات وأنا قافل الازاز.

هى عزلها كويس اوى, مش محتاجة زيادة, جرب تركب عربيات تانية و انت تعرف الفرق.

3- كنت كلت مطب لذيذ كده من مطبات شوارع المحروسة وكانت النتيجة ميل الدريكسيون يمين.هل يمكن ظبطه تاني؟؟

يتظبط عادى, بس راجع على الزوايا احتياطى.

4- ألاقي فين الكنترول يونت(المسئول عن الزجاج والسنتر والمراية ) بتاع الباب الأمامي يمين لأن الي فيها باااااظ.و في حدود كام؟

موجود استيراد عند ناس كتير بس معرفش سعرة كام.

[inspiron]

ممكن, امشى بسرعة و مور العربية و اسمع لو فية صوت خشونة, هى مش بتبقى واضحة على السرعات العالية.

لو بلية فعلا, يبقى روح غير ما تستناش لان هى دية اللى بتبقى رابطة العجلة بالعربية.



هى عزلها كويس اوى, مش محتاجة زيادة, جرب تركب عربيات تانية و انت تعرف الفرق.



يتظبط عادى, بس راجع على الزوايا احتياطى.



موجود استيراد عند ناس كتير بس معرفش سعرة كام.

باشا متشكر جدا.طيب بالنسبة لبلي العجل ده سعره كام؟
بالنسبة للعزل أنا بحس لما أحرق علي الغيارات صوت الموتور عالي شوية

[kareemafifi]

الاير باج في a4 2003 بتتقفل ازاي ارجو الرد من حضرتك؟

[inspiron]

الاير باج في a4 2003 بتتقفل ازاي ارجو الرد من حضرتك؟

للأسف مقدرش أفيدك بس لا أظن إنها بتتقفل والله أعلم

[inspiron]

يا جماعة أنا حاسس إن سحب العربية ضعيف عن الأول( نيسان صني 2003 طلعت مني ) و صوت الموتور عالي ممكن يكون إيه السبب..واحد بيقولي عايزة ظبط تاكيهات..يعني إييييه؟؟ العربية أوكتافيا 98

[kokokhlaf]

انا بسمع صوت (تزيق عالى) فى المسعدين الى وره كل مامشى فى طريق مكسر او فى مطب

[iBiZa]

يا جماعة أنا حاسس إن سحب العربية ضعيف عن الأول( نيسان صني 2003 طلعت مني ) و صوت الموتور عالي ممكن يكون إيه السبب..واحد بيقولي عايزة ظبط تاكيهات..يعني إييييه؟؟ العربية أوكتافيا 98

العربية وزنها من 1300 الى 1400 كيلو, يعنى مش خفيفة و الموتور ال1600 ضعيف عليها فا متقارنهاش بالsunny, لان دية عربية خفيفة و بتحرى كويس تحت ال100, بس فوق ال100 الالمانى يبتدى يبان فى السحب و الثبات. معندناش تاكيهات بتتظبط.

انا بسمع صوت (تزيق عالى) فى المسعدين الى وره كل مامشى فى طريق مكسر او فى مطب

اكشف على عفشة ورا كاملة لان عندك جلب فى الدنجل ممكن تكون هى السبب.

[inspiron]

باشا ألف شكر.بس ليا إستفسار.يعني إيه معندناش تاكيهات تتظبط؟ طيب إيه اللي ممكن أعمله يهدي صوت الموتور.

[spider6666]

انا هاقولك الحل في موضوع صوت الموتور وابقى ادعيلي بعدها
غير البوجيهات بتاعة العربية للنوع الاصلي بتاعها ثمنه 160 او 170 جنيه عند فتح الباب وهاتحس ان الصوت اختفى ولو لسة فيه صوت يبقى من علبة البيئة وما انصحكش تغيرها..اه نسيت حاجة مهمة السير لا تنسى السير وتغيرها على حسب الكيلوا مترات

[inspiron]

النهاردة وأنا ماشي بالعربية لمبة الزيت نورت و عملت صوت إنذار كده لمدة 5 ثواني و فصلت تاني.طبعا إتخضيت ووقفت فورا بالعربية.سيبتها مبطله ربع ساعة كده وقولت أشوف قياس الزيت.لقيته ناقص جدا (المقياس بيطلع مفيش عليه زيت خالص ) كان معايا علبة موبيل 1 فيها نص كيلو و حطيتهم وقيست لقيت نفس النتيجة أخدت العربية عند واحد بتاع زيت كشف وقالي دي ناقصة بتاع كيلو وشوية..!!! طبعا مكنش عنده عبوات كيلوهات روحت محطة موبيل 1 إشتريت عبوة كيلو بـ 65 جنيه.و حاطيتها.وقيست لقيته مش واصل للعلامة...العربية دلوقتي ماشية عادي وصوتها طبيعي ومفيش حاجة.نزلت بصيت تحت لقيت زيت كده علي الكارتيرة من برة بس معرفش ده تسريب ولا إيه.علما بإني ركنتها ساعة و حركتها من مكانها ملقيتش زيت واقع منها.

السؤال بقي ..تفتكروا العربية كده بتاكل زيت ولا ده تسريب من منطقة معينة؟
وهل الكارتيرة اللي تحت العربية دي هي بتاعة زيت الموتور ولا الفيتيس ولا إيه (لونها فضي )؟

أنا آسف جدا حاسس إني طولت عليكم بس أنا بجد زعلان علي العربية جدا و مش عارف أعمل إيه.يعني عفشة عايزة تتغير وقولنا ماشي.كنترول يونت بتاع الباب اليمين عاوز يتغير و قولت ماشي.كاوتش ماشي..لكن مشاكل زيييت و كلام من ده لا حرام.

أنا آسف علي التطويل..

[inspiron]

طيب أروح أسأل مين عشان يرد عليا..حد يعبرني يا جماعة