أرجوكم الرد سريعا

[inspiron]

النهاردة وأنا ماشي بالعربية لمبة الزيت نورت و عملت صوت إنذار كده لمدة 5 ثواني و فصلت تاني.طبعا إتخضيت ووقفت فورا بالعربية.سيبتها مبطله ربع ساعة كده وقولت أشوف قياس الزيت.لقيته ناقص جدا (المقياس بيطلع مفيش عليه زيت خالص ) كان معايا علبة موبيل 1 فيها نص كيلو و حطيتهم وقيست لقيت نفس النتيجة أخدت العربية عند واحد بتاع زيت كشف وقالي دي ناقصة بتاع كيلو وشوية..!!! طبعا مكنش عنده عبوات كيلوهات روحت محطة موبيل 1 إشتريت عبوة كيلو بـ 65 جنيه.و حاطيتها.وقيست لقيته مش واصل للعلامة...العربية دلوقتي ماشية عادي وصوتها طبيعي ومفيش حاجة.نزلت بصيت تحت لقيت زيت كده علي الكارتيرة من برة بس معرفش ده تسريب ولا إيه.علما بإني ركنتها ساعة و حركتها من مكانها ملقيتش زيت واقع منها.

السؤال بقي ..تفتكروا العربية كده بتاكل زيت ولا ده تسريب من منطقة معينة؟
وهل الكارتيرة اللي تحت العربية دي هي بتاعة زيت الموتور ولا الفيتيس ولا إيه (لونها فضي )؟

أنا آسف جدا حاسس إني طولت عليكم بس أنا بجد زعلان علي العربية جدا و مش عارف أعمل إيه.يعني عفشة عايزة تتغير وقولنا ماشي.كنترول يونت بتاع الباب اليمين عاوز يتغير و قولت ماشي.كاوتش ماشي..لكن مشاكل زيييت و كلام من ده لا حرام.

أنا آسف علي التطويل..

[M.Mostafa80]

هل فى دخنه بتخرج من الشكمان او خرطوم الفايظ لو دا بيحصل يبقى الموتور بياكل زيت لو مفيش يبقى راجع على طبه الزيت وهل اخدت مطب ولا حاجه جامد شويه فى بطن العربيه يكون اثر على كارتير الزيت
او راجع الميكانيكى بتاعك هيحددلك سبب نقص الزيت خلى بالك من الموضوع ده متستهترش بيه

[حاتم سليم]

روحت محطة موبيل 1 إشتريت عبوة كيلو بـ 65 جنيه.و حاطيتها.وقيست لقيته مش واصل للعلامة...

أولاً
ضع مزيد من الزيت حتى يصل المستوى الى Max العلامه العليا
و لا تسير بالسياره و الزيت ناقص

ثم نفذ اقتراحات الزميل m.mostafa80 ضرورى

[inspiron]

شكرا يا جماعة..الواضح كده إن الموتور بقي خفيف.الحمدلله علي كل شئ.المهم نصيحتكم.أعمل عمرة ولا موتور إستيراد علي طول والتكلفة كام في الحالتين؟ شكرا جزيلا.

[M.Mostafa80]

حضرتك اتأكدت أزاى ان الموتور بقى خفيف ياريت تقولنا ملاحظاتك

[inspiron]

في دخنة بيضة بتطلع من ناحية غطاء زيت المحرك .معرفش ده معناه إن المكنة خفيفة ولا الغطاء في حاجة.بس يا جماعة العربية بتجري جامد عادي.بتجيب الـ 180 عادي.لا أظن إن المكنة لو خفيفة تجري الجري ده.والتسارع بتاعها عادي برده.مش عارف.أنا هتجنن 2.5 كيلو زيت يروحوا فيييين يا ناااس

[M.Mostafa80]

كده العمليه لسه فى أولها يعنى مش هتحس بتأثيرها قوى ولو دورت على سبب نقص الزيت الحقيقى بالكم دا يمكن يكون فى تسريب وعالجته المكنه بالصوره دى لسه ممكن تقعد معاك سنتين كمان مع المحافظه على تغيير الزيت وعمل الصيانات فى مواعيدها
لكن لو بتجيب من الشكمان كمان يبقى كده الحاله متأخره
فتأكد من حته الشكمان دى لو مش موجوده يبقى زى ما قلتلك
توصل لمكان التسريب يمكن الكارتيره محتاجه تتفك وتاخد السليكون بتاعها أو الطبه تتغير وبكده يبقى ريحت دماغك سنتين كمان ولا حاجه لحد ما تستعد وتسقط موتور او تعمل نص عمره اللى هى تغيير
طقم شنبر وكاوتش صباب ومجموعه جيوانات وتكشف على الصبابات والدلاليل
فى ناس هيبقى رأيها نص عمره وناس هيبقى رأيها تسقيط موتور
شوف أنت ايه اللى هيبقى أريحلك ونفذه

[inspiron]

طيب لو حطيت واحد إستيراد.هيتكلف كام

[M.Mostafa80]

لو هتغير موتور بس من غير فتيس أعتقد هيبقى فى حدود 5000 بس فى الحاله دى تاخد الموتور بالضفيره بالكنترول ويفضل يكون من نص

[M.Mostafa80]

وعلى فكره ممكن تغير بلوكه بوش بس من غير مجموعه التغذيه مدام هتحط نفس السعه اللتريه وبردو هتوفر فلوس يبقو فى حدود 2500 وحاجتك الباقيه لو سليمه هتشتغل عادى (المانفول والبوابه والعمه والرشاشات )

[inspiron]

ألف شكر يا معلم و مبروك لمصر..طيب معلش سؤال.إيه المواتير اللي ممكن تتسقط في الأوكتافيا a4 أعلي من 1600 وأسعارهم في حدود كام

[M.Mostafa80]

فى موتور ليها نازل 2000 سى سى بس كدا العمليه هتوسع منك لأن هتغير فتيس وعفشه قدام وورى وشكمان وطلمبه بنزين وكنترول وضفيره عشان الشغل يبقى صح
يعنى هتجيب عربيه نصين وتاخد كل حاجه منها ومش هتبقى اقل من 20 او 25 الف