تحديث لمشكلة الزيت في عربيتي

[inspiron]

من شوية كده نزلت روحت مشوار فدورت العربية وبسخنها ونزلت كده أجيب الملمع من الشنطة.عيني وقعت علي الشكمان لقيته بيجيب ميه كتير علي الأرض و بخار.وده معناه طبعا إن حالة الموتور كويس (علي حد علمي ).سألت نفسي إزاي الموتور حالته كده و في مشكلة في الزيت.وأبص تحت العربية ملقيش زيت علي الأرض.حاجة تجنن.وبعد ما شوفت موضوع الدخنة البيضة من غطاء زيت المحرك زي ما قولت لحضراتكم الصبح.قولت طيب أشيل الغطاء وأركبه تاني.المفاجأة إن الغطاء طلع مفوت.يعني بيلف علي الفاضي.يعني مش محكم.ولقيت في زيت مترسب خلف الغطاء ده.الغريب إن لما أدوس علي الغطاء جامد ألاقي الدخنة البيضة إختفت تماما..إيه تفسير الموضوع ده؟؟ هل هي دي المشكلة الرئيسية وإن الموتور مفيهوش مشكلة وإن الغطاء ده هو السر؟ وساعتها أرجع سعيد بالعربية تاني زي زمان بعد كم الحزن اللي انا فيه عليها.

[M.Mostafa80]

طبعا لو الغطاء مفوت يطير الزيت ويخليه ينقص ياراجل وزبكلامك دا
المكنه قدمها من سنتين لثلاثه بس نصيحه أخويه اهتم بصيانتها الدوريه وماتخليهاش تطلب منك حاجه خليك انت دايما مراعيها هتلاقيها بتراعيك ومتقلش معاك قليت معاها هتقل معاك انا مالى بتكلم عنها زى ماتكون بنى أدم

[inspiron]

هههههههههههه والله أنا نفسي حاسس إني بتعامل معاها علي انها بني ادم..طيب حضرتك ممكن تقولي إيه الصيانة اللي ممكن تتعمل حاليا ليها.مش عارف أشكر سيادتك ازاي

[EngAhmedSayed]

انا من راى تعرضها على مختص وهو يقولك بسيكون ميكانيكى فاهم
فى ميكانيكى كويس اسمه ذكى فى عرب المعادى
عند المركز الالميى لرياضه و ده راجل فاهم جدااااااااااااااااا
فى الاسكودا الفليشيا و ده على تجربه معاه و امين جداااااااااااا
و محترم و تلفونه 0122934402

[M.Mostafa80]

تغيير السيور والفلاتر والبوجيهات وغيار الزيت فى مواعيدها المعتاده
ولو فى اى مشاكل فى العفشه حلها بدل ما توسع وما تعرفش تلمها
وروق صالونك ودلعه عشان تدلعك هههههههههههههههههه
ياباشا متقولش كدا ياريت بس الواحد يبقى مفيد للناس اللى حواليه فعلا
واى حاجه انا تحت امرك
اتمنى اشوفك فى مقابله اسكندريه اللى فى كينج ماريوط يوم 19

[M.Mostafa80]

انا من راى تعرضها على مختص وهو يقولك بسيكون ميكانيكى فاهم
فى ميكانيكى كويس اسمه ذكى فى عرب المعادى
عند المركز الالميى لرياضه و ده راجل فاهم جدااااااااااااااااا
فى الاسكودا الفليشيا و ده على تجربه معاه و امين جداااااااااااا
و محترم و تلفونه 0122934402

حضرتك لو بصيت لصوره التوقيع هتعرف انو من اسكندريه يعنى بعيد عليه قوى المكان ده

[inspiron]

حضرتك لو بصيت لصوره التوقيع هتعرف انو من اسكندريه يعنى بعيد عليه قوى المكان ده

للأسف أنا مش من إسكندرية ولو إني كنت أتمني إني أكون منها.أنا من حبي للبلد دي ليا ناس كتير صحابي هناك وعندي شقة في النخيل لازم أقعد فيها شهرين تلاتة كل سنة.وإن شاء الله هكون موجود هناك يوم 10 و بإذن الله أحضر المقابلة.إسكندرية دي عظيمة.ناس جدعان و طيبين جدا و نظافة و كل حاجة حلوة هناك.خروج وجو حلو وأكل وشرب ( إذا بلبع باشا حبيبي ) ههههههه.

[spider6666]

ايه يا جماعة موضوع المقابلة اللي في كنج مريوط دي يوم 9
عاوز اعرف التفاصيل وليه مش في مقابلة في القاهرة؟