بمناسبة انخفاض الجمارك ... بشرى سارة جداً

[Eng.Sameh]

دي اسمها قلة ادب ونصب علني

[MRG256]

طيب والفنتزيا مفيش عنها اى اخبار
وحسبنا الله ونعمة الوكيل

بصراحة اول ما قالي على الأسعار دي انا نفسي اتصدت حتى ماسألتهوش على المواصفات واخدت بعضي وقلت خلوها تصدي على رأي بعض الزملاء....

[damasry]

انا قعدت أقرا كل سطر مرتين عشان أتأكد إن الي أنا قريته صح!!!!!
حسبي الله ونعم الوكيل والناس زعلانه إن فيات بعد ما رخصت العربيه 25 ألف رجعت زودتها ألفين يعني المجمل رخصت 23 ألف والناس تقولك فيات مش محترمة عشان زودت ألفين!!!!

عندك حق والله يا احمد الواحد مش عارف ينقل الخبر ده عندنا ولا ايه!!! عالم بتستهبل وعايشين فى وهو كبير وكل همهم انهم يكسبوا كتيييير على حساب الشعب، حسب الله ونعمة الوكيل، انا العربية دى كنت بحبها على الكماليات اللى فيها وسعرها لكن دلوقتى لا والاف لا

ربنا يباركلنا فى اللى ماسكين التسعير فى فيات ويارب يفضلوا على كده.

[yoko]

يا رب يا ديمصري

[redawilliam]

مبروك علينا الصمت الابدى
يا ترى يا جماعة هل من الممنك نكون اكتاف مرة زى ما كنا بنشجغ المنتخب
يوم متش المنتخب الشوراع كانت فاضية و لا و قت الفطار فى رمضان
مش من باب اولة اننا نتجمع على حاجة
انا مش قصدى على العربيات
اى حاجة تانى
هل دة ممكن يحصل

[omar91119]

يعنى ازاى العربيه توصل 145 هيا الناس دى فكارنا بنسرق الفلوس

[fouad_programer]

تعالوا نكون إيجابين مرة واحدة ونشتكى فى جهاز حماية المستهلك نمرتهم19588 وهشتكى فى مصلحة الجمارك ووزارة الماليه وياريت محدش يبقى سلبى و يقول مش هيعملوا حاجة حتى لومش هيعملوا العيار الى ميصبش بيدوش وأنا مجرب قبل كده وحقى جالى والحمد لله أنا هكلمهم دلوقتى وهشتكى أرتوك أنه ملتزمش بتخفيض الجمارك. وياريت الكل يتكلم عشان بلدنا مش بتتحرك الا لما بيبقى الموضوع ظاهرة وأكثرمن واحد بيتكلم ويشتكى ... أنا كمان الى نرفزنى أكثر لما قولتلهم مخفضتوش ليه رد عليا الأستاذ هناك قالى لا محنا زودنا كماليات وخلينها بنفس السعر (الكلام على الفانتازيا) قولتلوا زودتو ايه بقى؟ رد وقال الكاسيت بقى MP3 والطارة بقيت Multi Functions بصراحة كنت هقوله يخى ...... مش كفاية بتسرقونا كمان بتعاملونا على أننا بقر الكماليات دى انا شايفها فى العربية من ساعة منزلت يعنى مزادتش ولا حاجة والله حاجة تحرق الدم يعنى مش بس حرامية لا كمان بيستخفوا بعقولنا ...هم بيراهنوا على سلبيتنا ياريت نبقى إيجابيين بقى. وأنا هبدء بنفسى هااا فى حد معايا ؟؟؟

[mostafa3000]

المقاطعة هي الحل

يا جماعة الحل الوحيد عدم شراء العربية
وخليها تصدي عندة
طول ما الوكيل بيغلي السعر والناس بتشتري
اية اللي يخلية ينزل السعر
عملا بمبدأ لية اكسب قليل لما ممكن اكسب كتير

[fouad_programer]

طيب ومنركبش عربيات ؟؟؟ كمان مش كل الناس هتقاطع عايزين حل جزرى وهو أننا نغير الواقع مش نديله ظهرنا

[MRG256]

تعالوا نكون إيجابين مرة واحدة ونشتكى فى جهاز حماية المستهلك نمرتهم19588 وهشتكى فى مصلحة الجمارك ووزارة الماليه وياريت محدش يبقى سلبى و يقول مش هيعملوا حاجة حتى لومش هيعملوا العيار الى ميصبش بيدوش وأنا مجرب قبل كده وحقى جالى والحمد لله أنا هكلمهم دلوقتى وهشتكى أرتوك أنه ملتزمش بتخفيض الجمارك. وياريت الكل يتكلم عشان بلدنا مش بتتحرك الا لما بيبقى الموضوع ظاهرة وأكثرمن واحد بيتكلم ويشتكى ... أنا كمان الى نرفزنى أكثر لما قولتلهم مخفضتوش ليه رد عليا الأستاذ هناك قالى لا محنا زودنا كماليات وخلينها بنفس السعر (الكلام على الفانتازيا) قولتلوا زودتو ايه بقى؟ رد وقال الكاسيت بقى mp3 والطارة بقيت multi functions بصراحة كنت هقوله يخى ...... مش كفاية بتسرقونا كمان بتعاملونا على أننا بقر الكماليات دى انا شايفها فى العربية من ساعة منزلت يعنى مزادتش ولا حاجة والله حاجة تحرق الدم يعنى مش بس حرامية لا كمان بيستخفوا بعقولنا ...هم بيراهنوا على سلبيتنا ياريت نبقى إيجابيين بقى. وأنا هبدء بنفسى هااا فى حد معايا ؟؟؟

+11111111111111
بس انا من رأي نستنى عليهم شوية لأن لو انتو فاكرين النيو فابيا اول ما نزلت كانت غالية وبعدين رخصوها فإحتمال يعملوها تاني ولا إيه

[Moe86]

و احنا نزعل ليه ؟ خليهالهم و فى بدايل تانية كتير الحمد لله
ابيزا , جراند بونتو , ميجان 3 ,i30 و غيرهم كتيير

[M.Mosaad]

استهبال رسمي

هما عاملين كدة علشان كمان كام شهر يعمل عرض و يخفض شوية

يعني يبيع اللي يقدر عليه بالسعر العبيط دة و بعدين يعمل عرض و يبيع اكنر

مفيش اي حمايه للمواطن

[ahmedbasto]

انا قعدت أقرا كل سطر مرتين عشان أتأكد إن الي أنا قريته صح!!!!!
حسبي الله ونعم الوكيل والناس زعلانه إن فيات بعد ما رخصت العربيه ٢٥ ألف رجعت زودتها ألفين يعني المجمل رخصت ٢٣ ألف والناس تقولك فيات مش محترمة عشان زودت ألفين!!!!

والله يا احمد كنت هقول نفس كلامك بالضبط:10d5c8~1107:

[fouad_programer]

أنا بقى خفضت بدراعى ... عشان اقولكم لازم نشتكى نزلت الفانتازيا لحد 164000 وان شاء الله أنزلها أكثر

[heshaaam]

السوق هيفضل واقف سنتين تلاتة ع الاقل
اللى كان بيفكر اشترى واللى لسة هيفكر
كله مستنى تخفيضات مش لعب عيال